ابــتســــم دائمــاً

**ოყʂէεɾἶօմʂ** · #1 08-06-2012, 09:34 PM

دائما نسمع

ابتسم للحياة تبتسم لك

طيب واحد اخذ هذه الكلمة ولزقها في راسه وخلاص راح يتعامل مع الحياة بإبتسامة

طيب نجي لموقف

مثلا لو كان انت مسرع وماشي فوق 120 كيلوا في الساعة

وفجأة رصدتك الشرطة

هنا عاد اعطيه

والشرطي طبعاً راح يعطيك ابتسامة خفيفة

ومعها مخالفة جميلة بإبتسامة جميلة

طيب ماننكر انه مثل ما ابتسمت له ابتسم لك

هوا صح مافي شك انه كان لك غرض من الابتسامة لكن دائما الامور تسلك طريق مختلف عن رغبتنا

المهم

تجي بتروح عند اصدقائك بإبتسامة عشان تكسب قلبهم اكثر

عشان يمكن يمكن يعزموك معهم على استراحة ولا كوفي شوب

تدخل عندهم

وفجأة تكتشف بدون مايخبروك انهم امس كانوا في رحلة تمشية وما اعطوك خبر

طيب طيب عادي نمشيها ليش لانه يمكن كان عندهم كلام سري بينهم

في البعض في هذه الحالة يظن انه اكيد ماكلموني لانه مو حابين تواجدي بينهم ويمكن يحسوا انه ثقيل عليهم

طيب يأخي موشرط انه اصحابك متى ماحبوا يطلعوا يكلموك

ومو يعني انه مايحبوك انت ووجهك

وللأسف البعض تأخذه الافكار السيئة

وعاد الشيطان عند راسه يقوله :

ليش تركوك اكيد لانك حمار اكيد لانك اغبى واحد فيهم

اكيد لانك دب اكيد لانك تخلص عليهم الاكل

اكيد لانك تتفل عليهم واكيد لانه ..... وكمان ....... و ......

شفتم كيف الشيطان يحب يساعد على الخير عفوا قصدي الشر

الرجاء من الاصحاب إذا صاروا بنفس الموقف يحاولوا يبتعدوا عن هذه الافكار لانه الكثير من الاصدقاء ركلوا بعضهم لبعض بسبب افكار صغيرة مثل هذه

الان نجي لمقولة : إن لم تكن ذئباً اكلتك الذئاب

سلامات وين احنا في الامازون مثلاً

الان الواحد يطلع من بيته خايف ويتلفت وراه

كله خايف لايطلعله

ولا البعض يجيك مرة مرة شرس

خلاص إما تكن ذئبا ولا اكلتك باقي الذئاب مافي كلام

يجيك عند الاشارات يصايح على العالم ولا في الشغل

إماتمشي كلمته ولا يموت خلاص مافي

ولا إذا احد وجه له برأي ولا نقد

قال هذا يتهجم علي

وتبدأ عنده بعض الافكار

طيب ليش والسبب وطبعا مافي جواب

لازم نتعود انه مو دائماً نكسب النقاشات او حب الاشخاص

ودائما اللي يكسب النقاشات اغلب شي يكون مكروه ما ادري ليش

يمكن لانه نشبة

عاد البعض خلاص هذاك كسب نقاش معي انا اكرهه كذا مالي شغل

ودائما لازم نعود نفسنا لا نشوف الامور بزاوية وحدة لانه ممكن الزاوية الثانية تعطيك الصورة الاوضح

عاد يجيك بعض الناس بمواقف محرجة

مثلاً صديقه يدق على جواله وهوا يناظر الرقم

بس مايجاوب يخليه فترة يدق لانه مايبغى يكلمه

اخر شي صاحبه يدق عليه من جوال ثاني شوفوا الخباثة كيف إلا يطيح وجه صاحبه ليش ما ادري بس يحس بالمتعة انه سوا كذا

المهم نشوف

هذاك يدق جواله يجي يشوف رقم ثاني مورقم صاحبه إلي طنشه اول

يفتح الجوال الو نعم

صاحبه اهلين ياصاحبي ليش كذا وما ادري ايش

وهذاك كح كح احم

هذا انت لا والله وانا كنت ...... إلخ

طيب خلاص انت وضعك صار زفت صرت بموقف محرج بفضل صاحبك اللي ماقصر معك

خلاص قول اسف سامحني واعترف عاد تكبر بنظره والله

احسن من انه عاد تلف وتدور وتروح بالكلام هناك

حتى انه البعض من كثر الاحراج يغلق بوجه صاحبه ههههههه عادي

ويجيك مثلا واحد طالع من السوق وماشاء الله عليه الله رازقه

ويصادفه متسول ويقوله ممكن تعطني الله يعطيك

وانت تقوله الله الرازق

طيب يمكن يطلع هذا المتسول قليل ادب ويقولك انا شفت انه عندك فلوس بالمحفظة مافي كلام خلاص ياتدفع يا انا وياك

خلاص اقعد تقعد معي كذا

يعني خلاص الحل هنا كيف

تقوله اقول قلنا لك الله يعطيك توكل وكف وركل وشق ملابس ولطش

الاغراض اللي دفعتها وتعبت عليها من السوق من جميع المتسولين بالعالم

بس ايش كنت خسران تعطيه لو 20 من جيبك ايش كنت راح تخسره

الان خسرت اغراضك سرقوها كل المتسولين في المدينة

وماكسبت إلا الاهانة اللي صارت

عاد تروح البيت تسألك الزوجة

وين الاغراض

تقولها اخذوها المتسولين

واتمنى بالاخير انه قدرنا نوصل لكم

تحياتي لكم

التعديل الأخير تم بواسطة المخادع ; 08-07-2012 الساعة 09:12 PM سبب آخر: تم تحرير المقطع لإحتوائه على نساء

**ŜỂńїōŖ** · 08-06-2012, 09:50 PM

هههههههههههه ماشاء الله
موضوع روووووعة ماقصرت
الله يعطيك العافية لاتخاف قدرت توصل لنا
ههههههه مشكوووووور
تم التقيم + الشكر
واصل تميزك وابداعاتك
وننتظر جديدك المضحك اقصد المذهل

**كيني** · 08-06-2012, 09:50 PM

ايش اقولك بالضبط...؟؟موضوع عادي...لو اقل من عاادي؟؟هااا...
خخخ..عاشت ايدك خوخة...شي حلووو..شكلها هاذي المواقف مرت فيك..صح..^ ^
امم..ايش قصة هاذي النكهة الثورية الي في النهاية...!!حرام عليك وفوق كل شي المقطع تقريبا 11د!!
تحياتي...

**✿<<princess>>✿** · 08-06-2012, 09:51 PM

وآآآآو ^^
الموضوع في قمة الرووووووعه
وكلآآآم روووووعه وجمييييل ^_^
وعجبنيي يعطييك العآآآآآآفيه
مآقصرت سلمت إيدك ...^^
تحيآآآآآآتي لك ~

**ოყʂէεɾἶօմʂ** · 08-06-2012, 09:55 PM

المشاركة الأصلية كتبت بواسطة ساسكي يوتشها

هههههههههههه ماشاء الله
موضوع روووووعة ماقصرت
الله يعطيك العافية لاتخاف قدرت توصل لنا
ههههههه مشكوووووور
تم التقيم + الشكر
واصل تميزك وابداعاتك
وننتظر جديدك المضحك اقصد المذهل

مين هنا

الواد ساسوكي اهلا اهلا منور

اهم شي وصلتك هههههه

تقول منتظر جديدي المضحك هاا

ههههه مشكور على مرورك وعلى التقييم يواد

**ოყʂէεɾἶօմʂ** · 08-06-2012, 10:01 PM

المشاركة الأصلية كتبت بواسطة كيني

ايش اقولك بالضبط...؟؟موضوع عادي...لو اقل من عاادي؟؟هااا...
خخخ..عاشت ايدك خوخة...شي حلووو..شكلها هاذي المواقف مرت فيك..صح..^ ^
امم..ايش قصة هاذي النكهة الثورية الي في النهاية...!!حرام عليك وفوق كل شي المقطع تقريبا 11د!!
تحياتي...

اسمحلي يامخادع انا اتفاهم معها

اولا انا اللي سويت الموضوع مو مخادع ركزي كويس

وبعدين ليش التحطيم هذا

عاد احنا عندنا مشاعر واحاسيس

يعني شوية رفع معنويات ههههه

ايوة تقولي صارت فيني لالالا ماعليك يمكن ههههه

سر النكهة الثورية بس عشان اختمها ألم بالنهاية

وانا عارف انه الفديو طويل بس وضعته للي حاب يشوفه

وبرضو بيني وبينك عشان إذا ماضحكوا على كلامي على الاقل الفديو يعطي مفعوله عشان لا انحرج ههههه

مشكوورة على مرورك

**ოყʂէεɾἶօմʂ** · 08-06-2012, 10:02 PM

المشاركة الأصلية كتبت بواسطة فله

وآآآآآآو ^^
الموضوع في قمة الرووووووووووووعه
وكلآآآم روووووعه وجمييييل ^_^
وعجبنيي يعطييك العآآآآآآفيه
مآقصرت سلمت إيدك ...^^
تحيآآآآآآتي لك ~

يسعدني انه اعجبك الموضوع

ومشكوورة على مرورك الراااائع جدا

**『 βĬĢ ŚMΘҚЄ 』** · 08-06-2012, 10:30 PM

مخادع احس هذي المواقف حصلت معاك

او مع الـ ... اي صح وش اسم مخادع الاسود .. ضميرك ؟

المهم موضعك روعة و جريء

فعلا الظلام تكمن فيه اسوء كوابيسنا

لكن اتسلح لك بذئب و حبتين قنابل ضوئية .. و يمكن تخلص منهم

+ تقييم شخصي

ما يفون حقكم و الله

بانتضار جديد ابداعكم