:: ســـأجــ عل قلبــ ي مــ ثل اســمــ ي::

**::Cinderella::** · 09-05-2012, 03:34 AM

~.~.~.~.~.~.~

صباح الأربعاء 18/10/1433

هذا اليوم هيكون في بالي دائما..عشان هو يوم موت عصفوري..

والله ماني مصدقة مرة زعلت وبكيت..مدري ممكن اكون تافهه زي مايقولولي اهلي

بس اربعة سنين معايا اصحى من النوم اروح لة ودائما اسمع صوصوتة ^__^

والله كنت اكلمة واحس انة فاهمني مدري شعوري كان كدة

اين واين انت واين سأراك مرة اخرى واي عصفور سأحبة غيرك وما اصعب القفص وهو خالي بدونك

مدري شكلي لدعت شويتين...

جوالي مليان صور لعصفوري وانا مااقولة غير عصفوري هذا اسمة

عصفوري كان هدية من عمتي لما نجحت كنت اخاف اقرب منة وبعدين شوية شوية حبيتة مرة

واتعلقت فية حتى لما اسافر واروح مكان آخدة معايا

والمشكلة اليوم بعد العشاء جاتنا قريبتنا كانت لينا فترة ماشفناها وصدفة سمعت صوت العصفور

فقامت قالت يالله العصفور لغاية دحين معاكِ..

انا ضحكت بنيتي وقلتلها ايوا الحمدلله فأختي انقهرت من كلامها وقامت

وقبل ساعة مات والله ماني عارفة كيف وسرت ابكي زي الاطفال ^_^

اهلي يقولولي كلة عصفور نجبلك عشرة لوتبغي..الحكاية مو بعشرة او حتى مية

المشكلة عصفوري اتعودت علية واتعود عليا ..يالله الحمدلله على كل حال

..قلت لازم ادخل افضفض مع اني ماادخل في هذا الوقت بس الحمدلله..

^^
~.~.~.~.~.~.~

**::Cinderella::** · 10-22-2012, 11:06 AM

سلاااااااااااااااام عليكم ياحلوين..^^

ولا اقلكم صباح الخير..>>>كلها وحدة

ههههههههه المهم ابغى اكتبلكم اي شي ايش اخباركم واموركم ياالشعب المونمس

والله من زمان عنكم ووحشتوني كتيييير

شكلكم تقولوا اشبها دي تغطس وترجع فجأة هههههههههه

بس والله العظيم مايمنعني عنكم الا الشديد القوي...

ومدونتي اشبها ناطة الصفحة 4 ههههه من جد ليكم وحشة كلكم وخصوصا العزيزين على قلبي

طبعا ممكن ماراح تصدقوا لو اقلكم انوا اليوم الي فضيت اني ادخل المنتدى

ابغاكم ماتآخدوا فكرة الي يغيب طفش او كرة المنتدى او زعلان ابدا بس سبحان الله

ممكن تدخل في ايطارات فجأة كدة ^^

المهم والخلاصة وحشتوني وقلت لازم السندريلا الي هي انا احم احم>>>ارجعي مكان ماكنتي ههههه

تدخل وتقلكم كل سنة وانتم طيبين بمناسبة اجمل وأعظم الايام عند رب العالمين

وان شاءالله تعيدوا احلى عيد بكل محبة وجمعة حلوة..^^

وياويلكم ياويلكم الي مايدعيلي افتكروني بحاجة خفيفة وبلاااااش بخل حتى في الدعاء..^^

وزي مابديت انهي كلامي...سلااااااااااااااااااااااااااااااام..~

**::Cinderella::** · 10-22-2012, 11:26 PM

سبحان الله بعض الأحيان تنحط في مواقف فجأة وأقرب الناس ليك يقولولك هذا خيارك

ويكون ماهو خياري ابدا ونفسي اختار شي ثاني بس مو بيدي خلاص القرار وصل ويجب التنفيذ

شي غريب الدنيا ماشية والناس ماشية بالمقلوب ههههههههه

بعض الاحيان احب اختار بس مااقدر يقولوا لا قراراتك من قلبك مو من عقلك وانتي صغيرة خدي الكلام مننا

اكثر شي بكيت فية وزعلت لما انجبرت على دخول تخصصي في الجامعة هو مرا حلو ومستقبلة كبير

بس سبحان الله ميولي بعيد عنة مراااااا

هو اني انجبر بتهديدهم العاطفي اني مااحب ازعل اهلي واحب يشوفوني زي مايحبوا

وبعدين وحدة وحدة بديت اعجب بتخصصي اعجب ماوصلت الحب >< هههههه

انا دحين سنة ثانية جامعة واموت واعرف كيف عديت سنة اولى مااعرف ههههههههههههههه

الحمدلله على كل حال...وربي المعين

شوية فضفضة..^^

**::Cinderella::** · 10-25-2012, 01:41 PM

ياهلا وغلا فيكم والله.......نورتوا مدونتي..^^

احم احم طبعا بكرة العيييييييييد ياسلام مع اني زعلانة شوفوا كم خروف بكرة هنذبحة..><

هههههههه ولا الاحلى اتخيلوا المدينة فاااااااضية مافي حاج واحد فيها والحرم فااااااضي

هذا وقتنا احنا نرتاح شوية والله كثير يحكوني في مكة مايقدروا يخرجوا يروحوا اي مكان في الزحمة دي

وماشاءالله عدد الحجاج السنة 4ملايين فالله يزيد ويبارك يارب حتى الجو مرة حلو سبحان الله

الله يتقبل منهم حجهم ويكتب لكل انسان حجة يارب

وكل سنة وأنتم طيبين وعيد سعيد ومبارك عليكم يارب...~

**::Cinderella::** · 10-27-2012, 06:02 PM

اول شي حابة اقول للعسولتين:. ابتسامة..,والوردة النقية..~

تسلموا على المعايدة وربي يبارك فيكم ويعطيكم العافية..~^^

~ْ~ْ~ْ~ْ~ْ~

•• حكمه اعجبتنى ••

جداً
•
•
•
...
•
•
•
•

الزيتون عندما يُضغط : يأتي لنا بالزيت الصافي ,, ~

الفواكه عـنـد عصــرها : تعطينــا ألــذ العصــائر ,, ~

** فإذا شعرت بمتاعب الحياة تضغطك بهمومها ..

وتعصر قلبك بآلامها .. فلا تحزن !!

إنه >> الله ♥ ♥

** يريد أن يخرج أحلى ما فيك: >> ايمانك <<

لتنال الأجر، فاستعن بالصبر .

** لاَ تحزَنْ إذا مَنعَ اللهُ عَنْكَ شَيء تُحِبُه فَلَو عَلِمْتمْ

كَيْفَ يُدَبّرُ الرّبُ أمُورَكمْ لذابَتْ قلوبُكمْ مِنْ مَحَبته

**::Cinderella::** · 10-29-2012, 05:20 PM

https://www.monms.com/vb/t40273.html

موضوعي الجديد...لازم تدلعوني فية...^^

تعبت فية والله والموضوع من احب المواضيع لقلبي..~

**::Cinderella::** · 11-02-2012, 08:23 PM

اهلا فيكم يااهل مونمس..^^

سبحان الله بتوحشوني اكيد سحرتوني...><

المهم حبيت اقلكم عن طريق مدونتي لأني عارفة كثيييير بيتابعوها>>>> افضحيهم ههههه

لا من جد حبيت اقلكم اني هاغيب فترة الله يعلم بمدتها

انتم عارفين بكرة دوامات وانا دراستي مرة صعبة وغلسة ادعولي اعدي واخلص

وادعولي كمان تتحقق امنيتي >>>يــــارب

وانتم في القلب واكيييييييد ان شاءالله راجعة ولا مين بعدين يطفشكم ويزعجكم غيري

حبيت اقلكم عشان الحلوين الي يسألوا عليا مايقلقوا وانا الحمدلله بخير وزي العفريتة..^^

وآخر الكلام.............

الله يجمعنا على كل خير ..~

**::Cinderella::** · 11-10-2012, 10:35 AM

أوهايوا مينا...يعني صبااااااح الخير..~

صباااااااااح احلى صباااااااح

الأول احب اقول لصحبتي العسولة والقمورة الي احبها في الله وربي يديم محبتنا

مبروك على فتح المدونة الجديدة بس يافالحة كنتي اخترتي اسم عدل واحسن

انا قلت من اول يبغالك فرش

...هههههههههههه

وطبعا اتخيلوا شوية كدة معايا وحدة نايمة وياسلااااااام قاعدة تحلم وشوية تسمع صوت رعد يهز الجدران

صوت صوت والبرق يعني فعلا شي يخوف الساعة 4 الفجر اليوم ماادري انا ايش كان وضع اهل المدينة

ههههههههههههههههههه

وسبحان الله على المطر قوي وبررررررررررررد تحسوا ثلج ينزل سبحان الله

وشوية جانا خبر انو مافي دومااااااااااااااات ههههههه

احلى شي ومرة فرحت من الجو ومن المطر وربي من قوتها الطرق عندنا قفلت يعني غرقنا الحقونا ههههه

وبس قلت ياسلاااااااااااام مافي دوااااااام يلا على النت وعلى مونمس قلت لازم اغلس عليكم شوية ^^

بس والله فرحت ووعد مني كل مايسير عندنا ظرف راح ادخل>>>ياشيخة

وبس خلاااااااااااااااص رغيت كثيييييييييير يلا سلااااااااااام ياحلوين..~^^