سبحان الله وبحمده عدد خلقه ورضا نفسه وزنة عرشه ومداد كلماته

العودة   ملتقى مونمس ® > الأقــســـام الــعـــامــة > روايات وقصص - روايات طويلة وقصيرة > قصص و روايات بقلم الاعضاء

قصص و روايات بقلم الاعضاء قصص, روايات , خواطر, بقلم الأعضاء.. يمنع النقل او الاقتباس منعاً باتاً او

!~ آخـر 10 مواضيع ~!
إضغط على شارك اصدقائك او شارك اصدقائك لمشاركة اصدقائك!

إضافة رد
 
LinkBack أدوات الموضوع
5.00 من 5 عدد المصوتين: 1
انواع عرض الموضوع
  #1  
قديم 10-18-2011, 12:49 AM
الصورة الرمزية kurapica
مشرف سابق
 
شكراً: 226
تم شكره 371 مرة في 118 مشاركة

kurapica عضوية لديها صيت بسيطkurapica عضوية لديها صيت بسيط









افتراضي الرجل المستحيل - أدهم صبرى - سر اختطاف محسن الجزء الثالث (و الأخير)

 

مقدمة


أدهم صبرى ضابط مخابرات مصرى جامد، داخل ع الستين من عمره، يرمز له بالرمز

ب-516 ، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات.هذا لأن أدهم رجل مننوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة
لقد أجمع الكل ومنهم أنا أنه من المستحيل وربنا أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل



********************************






الجزء الثانى : من هنا

********************************




اعزائى اصدقاء الورق

كنا قد توفقنا فى المرة السابقة عندما واجه جدو ادهم صبرى العصابة وكان مجهز معاه ترسانة اسلحة كده على الماشى علشان يعرف يربى الاشكال الزبالة دى
المهم يا رجالة جدو ادهم طاح يمنة ويسرة وساعات ايمان فى الناس كلها وتطايرت الاشلاء ولكن المصيبة السودة بجد بعد ماطير الاشلاء دى كلها


اكتشف انه كان بيهاجم عيلة فى الصعيد بتدور على التار من واحد تانى خالص
ولاجل حظ اهله الاسود اتنكر فى شكل الواد اللى عليه التار
طيب و العمل
طبعا المعروف عن اهل الصعيد انهم بيسيبوا الغريب فى حاله وما ان لمحوا ان القناع ابتدى يسقط عن وجه جدو ادهم حتى تركوه لحال سبيلة
وهنا قال ادهم لمنى : شفتى ازاى ان العدد مش الحاجة اللى يتبنى عليها النصر فى المعركة ؟
وكان بيغمز بعينه لبنوته جميلة جدا وهو بيكلم منى
ولكن تيتا منى الذكية اخدت بالها من الموضوع واعدت وصله ردح محترمة من اللى بتسمعها من ام شحيبرفى الحارة :
جرى ايه ياراجل انت لسه فيك حيل تعاكس بنات ده لولا ان الناس لقوا انك مش المطلوب للتار كانوا زمانهم عملوا علينا صينية جلاش باللحمة المفرومة يا عمـــــــــــــــــــــــــــــــــــــر
طبعا بعد البلاغة السمعية الرائعة للانسة منى تصدقوا لسه انسة ومحدش خبط على باباها تقريبا عنست
لم يتكلم الاكلمة واحدة : يا للنساء
جلس ادهم صبرى يتابع النشرة الاخبارية اللى بتقدمها قناه الكذبة المفضوحة لجمهورية بقدونس الانتيكية


*ملحوظة اى تشابه فى الاسماء فى ارض الواقع هى مسئولية القارىء واحنا مش عاوزين نروح فى داهية و اللى مش عاجبه يفهم صح وبلاش وجع قلب *




وكانت المذيعة اللامعة الشقراء الهندية المسمرة شوية امنيةاحمد تذيع الخبر التالى


صرح مصدر امنى مسئول رفيع المستوى سميك المحتوى بأنما حدث فى الفترة السابقة فى جهاز المخابرات الباذنجنى ليس الا من قبيل التدريب و اللى عنده صور فيديو ورحمة خالى جرس *اللى كان نفسه يرن قبل ما يموت* لاورية اذا ما بعتش الصور والحاجة ولا اسيب عليه المخابرات يعرفوا شغله معاه




اثناء القاء البيان كان جدو ادهم متابع النشرة بكل اهتمام لانه معجب جدا بالمذيعة ذات الخمسة و سبعين لون

ولكن عند فقرة مصدر مسئول رفيع المستوى سميك المحتوى وعند ظهور صورةالمسئول
اخذ يتذكر :انا شفت الرجل الزبالة ده فين قبل كده
يكونش من اللى هربوا قبل كده بخمسين مليون يورو من البلد ولا ايه حكايته بالضبط
ثم تذكر فجأة اين رأى هذا الوجه العكر
لقد رأه ذات مرة فى مكتب مدير المخابرات الباذنجنية فى ملف انه الرجل صاحب المشروع الحضارى العملاق الخاص بدمج مياة الصرف الصحى مع مياة الشرب
وكان قائل العبارة الشهيرة " هذه المياه من هذا الشعب ولهذا الشعب احق من غيرة بمياة الصرف الصحى " وقد كان
ايوه وكمان كان فيه كارت توصية منه لمحسن علشان يتشغل عامل فى البوفيه بتاع مبنى المخابرات
*القاعدة الذهبية يا ادهم المعلومات لابد ان يكو عندك اكبر قدر من المعلومات* تذكر ادهم هذه الكلمات التى قالها والده من حوالى 95 سنة تقريبا بس الحمد لله ان الزهايمر لسه مكلش دماغه من كبر السن
ومن هذا المنطلق نزل ادهم لكى يجمع المعلومات عن السيد محكشار الجعدارى سيد وهنا تسائل ادهم عن هذه الاسماء الغريبة ومعنى هذا الاسم العجيب ( سيد)
المهم نزل ادهم الى الشارع لكى يجمع المعلومات وهو يتصور حاجتين مهمين :
- 1 ان المعلومات ستكون من الصعوبة فى الجمع لان بالتأكيد الرجل سيجيط نفسه بستار من الغموض
- 2 المحور التانى هو انه اعتقد ان الرجل محتالا ونصاب
المهم نزل ادهم الى اماكن تواجد الرجل وتأهب للحصول على



المعلومات لكنه نسى شىء واحد


وهو جمع اكبر عدد من الاجوبة الفارغة لجمع المعلومات عن الرجل فوجىء بأن كل عيل فى انتيكا يعرف عن الرجل اكتر مما يعرف عنه جهاز المخابرات العبقرى الخاص به وان الناس تعرف كل شىء وهكذا انهار الاحتمال الاول من اساسه وتمت عملية جمع المعلومات فى سلاسة تامة
اما بالنسبة للمحور الثانى فالحق يقال ان الراجل لم يطلع نصاب او محتال
انه شيخ منصر بجد وكل مصيبة هو ضالع فيها المهم يعمل ايه مع البنى ادم ده
وبنما هو يفكر جاءت منى على حين غرة لتفاجأه : انت بتفكر فى مين دلوقت يا ادهمومتى
قالها : بفكر فى محكشار الجعدارى سيد
قالت : ياه سيد ايه الاسم الغريب ده المهم انت عاوزمنه ايه ؟
قال : هحطمه طبعا انتى نسيتى وجع الدماغ اللى هوا عاملهولنا من الصبح ؟
قالت : ربنا ينولك اللى فى بالك يادهم يابن صبرى هى امك اسمها ايه؟
وكأنما استجاب القدر لكلمات ادهم ومنى فاذا به يجد كتيبة من قوات حرس الحدود والاتصالات و الاهلى على باب البيت اللى ساكن فيه وهما بيطالبوه انه يروح معاهم على بيت السيد محكشار الجعدارى سيد فى المطرية
وهنا قال لمنى : اهى السما استجابت لدعواتك ابقى اتوضى ياستى قبل ما تدعى بعد كده
المهم راح لمكتب محكشار الجعدارى سيد وهو مش مكتب كما يتبادر لاذهانكم بس يعنى شغال
المهم قال : انت عاوز ايه يا ادهم منى ؟
مش كفاية انى خليت الشعب يشرب ميه وخلاص عاوزة كمان يشرب ميه نضيفة؟
قاله : انت السبب فى البلاوى اللى لقيتها نازلة من الدش وانا بستحمى خليتنى اقرف من نفسى قوى ومعرفتش اكل يومها الا خروف واحد
قاله : يا راجل بس كده ليك من عندى خط مياه حلوة احسن من اللى بتروح لرئيس الجهاز
قاله : طيب ومنى
قاله : ومنى كمان ياسيدى
وهنا قالت منى لادهم : وانتيكة يادهم هاتسيبهم مش هاتدافع عنهم ؟
قالها : خليهم يشربوا منالبحر

----------------------

وتمت المهمة بنجاح وعاش ادهم ومنى وشربوا مياه نضيفة وعاشوا فى تبات و نبات وخلفوا توأم ملتصق وصبيان وبنات

المغامرة القادمة
خيلوا هاتكون عند اية داهم صبرى فى جاز المخابرات العامة
وايه ايكون من اصدقاء والدة فى الجهاز ؟
وايه نوع الصراع اللى هاتشوفوه ؟
سيب اللى ف إيدك .. وقاتل بإيدك ورجلك وكبدك و طحالك مع رجل المستحيل

-:مواضيع أخرى تفيدك:-

Share

التوقيع :

..... وداعا .....

التعديل الأخير تم بواسطة kurapica ; 10-18-2011 الساعة 01:00 AM
رد مع اقتباس
الأعضاء الذين قالوا شكراً لـ kurapica على المشاركة المفيدة:

قديم 10-29-2011, 07:39 PM   رقم المشاركة : 2
kurapica
مشرف سابق






 

الحالة
kurapica غير متواجد حالياً

 
kurapica عضوية لديها صيت بسيطkurapica عضوية لديها صيت بسيط

شكراً: 226
تم شكره 371 مرة في 118 مشاركة

 
افتراضي رد: الرجل المستحيل - أدهم صبرى - سر اختطاف محسن الجزء الثالث (و الأخير)


المشاركة الأصلية كتبت بواسطة elkhogaahmed مشاهدة المشاركة

ولا رد والله حرام
اممممم
على رأيك

رد مع اقتباس
الأعضاء الذين قالوا شكراً لـ kurapica على المشاركة المفيدة:
قديم 10-30-2011, 04:45 PM   رقم المشاركة : 3
Anossi
عضو سوبر






 

الحالة
Anossi غير متواجد حالياً

 
Anossi عضوية مشهورة نوعاً ماAnossi عضوية مشهورة نوعاً ماAnossi عضوية مشهورة نوعاً ماAnossi عضوية مشهورة نوعاً ما

شكراً: 245
تم شكره 1,413 مرة في 666 مشاركة

 
افتراضي رد: الرجل المستحيل - أدهم صبرى - سر اختطاف محسن الجزء الثالث (و الأخير)

ما فهمت قصدك يوم تقول حرام يا elkhogaahmed

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:25 PM


Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لموقع مونمس / " يمنع منعاً باتا المواضيع السيئة المخالفة للشريعة الإسلامية" التعليقات المنشورة لا تعبر عن رأي المنتدى وإنما رأي الكاتب نفسه
Search Engine Friendly URLs by vBSEO 3.6.0