|~|~ يوميات داشر سلتوح 5 ~|~|

**الفتى المبدع** · #1 08-15-2011, 03:35 AM

السلام عليكم و رحمة الله و بركاتة

اليوم كما العادة سوف اكتب عن جانب من حيات دويشر

اتمنى ان تعجبكم و تنال رضاكم ولا تنسون الردود و التقيم للموضوع و الشخصي

للاستمرارة في الكتابة و المواصلة والا سوف اتوقف

لان هذا يعني انكم لا تريدون يوميات دويشر

ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ

{ الفصل الخامس = يوميات داشر سلتوح }

{ دويشر و الاحلام = الجزء الاول }

دويشر : اين انااا

دويشر : وشو هذا يا يا عاااالم نويصر وش جابك هنا

نويصر : منهو انت

دويشر : يا حليلك اذا استخفت دمك اقالك ما تعرفن

نويصر : لا ما اعرفك وشي المعرفة

دويشر : ههههههه والله انك نكتة المعرفة اني انا وانت اكبر زاحفين في الحارة نسيت

نويصر : اييييه انت دويشر هلا و الله من زمان عنك

دويشر : وشو من زمان عنك اللي يسمعك يقول مهاجر عن البلاد او ما شفتك قرن كامل قبل ساعه كنت انا و انت نلعب كورة نسيت

نويصر : لا كل الحارة ما شافوك عشرين سنة كاملة وين الغيبات امك تصيح ليل نهار تقول ضاع ولدي ضاع ولدي .... إلخ فقعت اذاننا من الصياح

دويشر : عجييييييب مع اني تو اتعشا مع امي صدق قلب الام حنون معقولة ام دويشر تشتاق لي لو غبت دقيقة هه وراه دايم تقول لي ضف وجهك اذا بغيت لا ترجع للبيت

دويشر : مسويه ام دويشر معي سوبر مان ولا هي ما تعيش بدوني صدق اني نشيط هع

نويصر : مهبووول انت اي قبل دقيقة امك ما شافتك 20 سنه

دويشر : اعوووذ بالله عشرين سنة اما ام دويشر بدت تخرف او انا ما صرت اشتاق لاحد

نويصر : وش اخبارك كيف الدنيا معك الا تعاال خل اوديك لامك هي مشتاقه لك

اخذ نويصر دويشر الا منزله و عندما دخلو

دويشر : ما شاء الله هذي بيتنا

نويصر : ايه نسيت ان ابوك اكبر تاجر في البلاد

دويشر : يا حليلك يا ابو دويشر قديم داج حاج والحين كل هذي الفلوس له لا و بعد ما يعرف الا يبيع تمر صدق الوالد تغير شكلهم مغيرين النظام حقه لا وبعد عنده مارسيدس اخس الوالد طلع ما يلعب

عندما رأت ام دويشر دويشر قامت و عانقته و بكت بكاءً مريراً من الفرحة

دويشر : وش فيك يمه قبل شوي تقولين ضف وجهك للغرفة

ام دويشر : كيفك يا ولدي كذا تقطعنا 20 سنة وين رحت

دويشر : رحت ازحف و ادشر في بريطانيا او رحت بمكوك للقمر وين رحت اجل رحت لغرفتي ادردش في البلاااك بيري

ام دويشر : تمزح معي نسيت انك طلعت من البيت تقول ابروح اصيد قميري ولا رجعت

دويشر : اييييه صح اذكر صدت قميري امر يتحول وحش فجأة و ابلعن { اكلن } ثمن طلعت بعد عشرين سنة تمزحين معي اقولك رحت غرفتي تقولين رحت اصيد قميري ولو يمه شكل الزمن لحس مخك { عقلك } وصرتي مخفة

ام دويشر : ايش هذا الكلام يا ولدي تكذب امك ما يهم ادخل خل ابوك يشوفك

عندما دخل دويشر مكتب الوالد قال : اخس يبه { ابوي } تطورت ولو منول زمزية القهوة ما تفارق ايدك والحين ماسك تتن { سجارة } جالس تتتن اخس قلبت داشر ولو

ابو دويشر : منهو انت ممكن تضف وجهك انت تدري مين تتعامل معه

دويشر : مع الوالد الله يحفظك مع مين اجل

ابو دويشر : هلا لا تقول انك انت دويشر لا لا ما اقدر اتعامل معك غير ملابسك نسيت انك ولدي و يله تعال معي اشري لك احلى سيارة امش معي

دويشر : كفوووو صدق انك قلبت مرره وحده كرييم بس عاادي اهم شيء راح تشتري لي سيارة

اخيراً يا ابو دويشر صرت كريم يا الااااه سبحان مقلب القلوب ابشر يبه الحين البس لك احلى ملابس في الدنيا

ابو دويشر : اصلاً نسيت اني للحين ما شريت لك ملابس خلاص امش معي نروح السوبر ماركت و اشتري لك ملابس خمس نجوووم

دويشر : اوووووف خمس نجووووم هذا تطور صراااحه يله امش كفووو

عندما ذهب ابا دويشر و دويشر للسواق واشترو افضل ملابس و لبس دويشر ذهبا الى معرض السيارات

دويشر : يبه ابي هذي

ابو دويشر : هذي

دويشر : ايه

ابو دويشر : معصي لا مستحيييل

دويشر : ليش

ابو دويشر : انت صادق تشتري هيلوكس تمزح انا ولدي ولد ابو دويشر تشتري هذا النوع لا ما يصلح

دويشر : لا يكون الوالد رجع قعيطي { بخيل } لاااااااااااا

ابو دويشر : وش فيك

ابو دويشر : وش رايك في هذي

دويشر شهق شهقة كبيرة ثمن قال : من صدقك تشتري لي نبرقيني يا ولد ازحف

هذي هي النبرقيني

عندما اشترا دويشر النبرقيني ذهب الى منزل خويه نويصر الفقير

عندما رأى نويصر دويشر قال : اخس يا دويشر معك نبرقيني يله امش خلنا نفحط

دويشر : منهو انت انت مو كفو تمشي معي انت فقير و انا غني

نويصر : افااا بدت النذااالة يا دويشر اوريك

دويشر : اقول زفلت انا ما امشي مع امثالك

ذهب دويشر و ترك خلفه بقايا قلب صديق مكسر

نويصر : الله يهديك و يصلحك يا دويشر مو هينه فرااقك

تعارف دويشر الى اشخاص اخرين

{ في الاستراحه الخمس نجوم حقت دويشر المدلع }

دويشر : ههههه يا حليلك يا تروك قد ايش ظريف

تركي : ما شفت شيء انت عندي سوالف تضحك اكثر من كذا << مصلحه مع دويشر عشانه غني يبي دويشر يشري له هيلوكس

دويشر : لا خلاااص ثمن مامي تزعل علي تقول لا تضحك كثير ولا وجعك قلبك

تركي : تأمر أمر يا دشوور

دويشر : يله تقلع اقووول مليت منك يا عبد الله { حارسه الشخصي } طلع تركي من الاستراحه احما سبدي { كبدي }

تركي : يا خاين كذا تسحب علي الله لا يوفقك على تكبرك و جبروتك

دويشر : وخر اقول تقلع الحين راح يجي دادي { ابوي } يسولف معي ازين منك

اخذ عبد الله تركي و جدعه خارج الاستراحه

مضت الايام و رجع دويشر فقير لان ابوه خسر في الاسهم

دويشر : لاااااااااااااااااااااااااا

سقط دويشر من السرير و اكتشف انه كان يحلم

اتمنى ردود حتى اكمل الرواية
لا تنسو التقيم السخصي {

} و الردود و الشكر

اتمنى ردود حتى استمر في الكتابة

في آمان الله

-:مواضيع أخرى تفيدك:-

|~|~ يوميات داشر سلتوح ~|~|
|~|~ يوميات داشر سلتوح 2 ~|~|
|~|~ يوميات داشر سلتوح 4 ~|~|
|~|~ يوميات داشر سلتوح 6 ~|~|
|~|~ يوميات داشر سلتوح 3 ~|~|