في ظـل ممـلكة الحـرف

[امير الحرف]

مازال الحديث مستمر عن اللغة المصرية القديمة

اشكر كل متابعي مملكتي الغالين

نورتِ اخت كيني ومرحبا بالغالي هواري واشكرك علي مشاعرك الجميلة

ياهلا والله vennu-girl

عندما ياتي الفجر نقول الفجر شاشا اليس كذلك ؟

نتكلم بالبلدي كده ^ ^

ده الفجر شاشا عرفين يعني اي شاشا والكلمة دي تعني اي ؟

قدماء المصرين كانوا يقولوا شاشا بنفس اللفظ كده وتعني ينور شايفين التوارث

هنضحك مع الجملة دي وهي فعلأ غريبة

بنلاعب بعض ونقول اكلك حتتك بتتك ههههههههههه

حتتك بتتك طبعا دي بتتقال لما نلاعب الاطفال نقول الخروف هياكلك حتتك بتتك وبتتقال في مواقف تانية

طيب الحتتك والبتتك دي يعني اي ؟

الحتتك اللي هو الجلد وبتتك اللي هو العظم واسم الحاتي اخذ من هذة الكلمات

يعني اكل لحمك وعظمك ^ ^

طمس الشئ تعني دفن (:

ياليلي ياعيني ياليلي ياعيني ياليل انا مش بغني علي فكرة هههههههه انا بتكلم هيروغليفي !!

ليلي وعيني يعني انشراح وافراح وعلي فكرة مش اسماء بنات لا دي كان يعني بيها

البهجة والسعادة وتستمر اللهجة القديمة في توارث حتي يومأ هذا

يتبع

[امير الحرف]

تريس ولا تتعجل في الامر

اتريس ياعم الحج ومش تستعجل ^ ^

كلمة اتريس بنفس اللفظ كده كان القدماء المصرين يقولوها وتعني تعقل

انت صوتك زي الوابور اللي بيوش هههههههههه

ده التلفزيون بيوش ^ ^

بيوش كلمة هيروغلفية وتعني يصرخ

عرفين الشونه مش السونه بتاعت التخسيس ^ ^ لا الشونه بتاعت القمح

لفظ شونه اصله هيروغليفي ويعني المخزن وطبعا انا بنقول شونه القمح يعني بنفس المعني مخزن القمح

يلا هيهلهيصا ههههههه بردو انا مش بهلوس الكلمة دي بتتقال لحد دلوقتي

وتعني سقط بالوحل ^ ^

يلا هيلا هووووووب دي بتتقال لما نكون بنشجع حد وخصوصا لما نشيل الاطفال

هيلا هوب هيروغلفية وتعني نشتغل ونعمل وطبعا مازالت تقال في العمل الشاق هيلا هوب اعضاء مونمس عوزين نشغل المنتدي

ارخي الستارة شوي وحياة ابوك ياعم الحج احسن الجو حر اوي هههههه

ارخي كلمة قديمة وتعني نزل او اسدل

انت شكلك كده خمام هههههههه محدش بس يشيل النقطة من فوق الخاء ^ ^

خمام او خم لفظ هيروغليفي ويعني مخادع مش مخادع بتاعنا هههههههه لا يخدع يعني

وتبقي اللهجة القديمة مستمرة حتي يومأ هذا وكلمات تقال دون ان نعرف تاريخها ومتي نشأت تلك الكلمات

يتبع

[امير الحرف]

حبه حبه شوي عليه يابه الحج انا مش فاهم انت بتقول اي

يدخل عضو رخم ويقولي حبه حبه ياعم امير انت بتهلوس ولا اي ^ ^

اقوم انا قايل لا مش بهلوس ده انا برجع لجذوري القديمة

حبه دي كلمة ليها اكتر من معني وبتتقال علي حبات البذر في الزراعة وتتقال بردوا لما يكون الواحد سريع الكلام

نقولوا براحه حبه حبه المهم انها كلمة هيروغلفية وتعني قليل

يعني قلل من كلام ياحج واخرج من المملكة بتاعتك دي عشان مش ناقصينك هههههه

طيب بذمتكم مش معلومات حلوه ودمها خفيف

نكمل ونقول ست البيت في البيت ههههههههه

الفراعنة كانوا يقولوا ست ان بر يعني ست البيت ^ ^

سي السيد ودي شخصية للكاتب المصري نجيب محفوظ ومشهورة الفراعنة بقي يقولوا

سي ان بر ههههههههه يعني لو يعرف نجيب محفوظ الكلام ده كان كتب رواية سي ان بر

سك الباب يا كبير وتعال اقعد جنبي شوي خليني اطلع فيك غلبي عرفين كلمة

سك ده تعني اقفل وكان يقال بنفس اللفظ ^ ^

اباي انت مش فاهم عليه زين عاد هههههه دي بقي صعيدي صعيدي

اباي تعني اي هي كلمة قديمة منذ عهد الفراعنة وتعني دهشة وتعجب

وكتير انا متعجب من هذا التوارث

يتبع

[امير الحرف]

طبعا الكلمات لا تنتهي وكتيرة جدا عشان كده بستكفي هنا وبكتب لكم

اسماء بعض المناطق والمحافظات الموجودة بمصر والتي لم تفقد منذ عهد الفراعنة اسماءها

او بمعني اخر تم تحريف الاسماء ونشوف اصلها

بولاق الدكرور ودي منطقة بالجيزة كان اسمها بلاق دكرور شايفين الاسم ^ ^

طيب ماذا تعني بلاق دكرور وليه الفراعنة اطلقوا عليها كده

تعني جزيرة الضفادع بلاق جزيرة دكرور ضفادع ونشوف اللغة الفرنسية هنلاقي

ان كلمة بحيرة بالفرنساوي يعني بولاك شايفين التشابه

اثر النبي ودي منطقة بالقاهرة في مصر القديمة وكان الفراعنة يقول عليها

اتور ننوب شايفين في تشابه بالنطق وتعني هاتور الذهب وطبعا مصر الفرعونية كانت اكثر بلاد يوجد بها ذهب

حتي ان بني اسرائيل اخذه منها ذهب يقدر الان بالمليارات يعني مفروض نطالبهم ههههههه

نرجع ونشوف باقي البلاد عرفين سقارة طبعا يا مصرين واكيد اخواني العرب عرفينها ايضا

سقارة كان يطلق عليها سكر

طيب عرفين ابو صير دي بمحافظة اسكندرية كان يطلق عليها برأوصير يعني معبد اوزريس

تل بسطة قليل اللي يعرف تلك المنطقة هي منطقة بمحافظة الشرقية بالزقازيق

وتعتبر اثارية ولها بصمة في كتب التاريخ لما تحتوي من اثار

كان يطلق عليها برباسطت يعني معبد باسط شايفين التشابه

يتبع

[امير الحرف]

دمنهور واهل دمنهور الناس الطيبة

طبعا كلنا عارفين دمنهور ودي بقي كان بيطلق عليها مدينة حور

شبرا واهل شبرا اكيد معروفه للجميع انا ليه صحابي فيها

ادب واخلاق المنطقة دي بقي ليه ذكريات معاية كتيررررر مدراستي كانت فيها

وايام الدراسة كنت بهرب من المدرسة وادخل سينما شبرا هههههههه

انا خرجت من الموضوع طيب نعود بقي ونشوف شبرا كان اسمها اي

جبرا هههههههههه شايفن حرف واحد بس اللي تغير ما كانوا يسبوا

فيها اي يعني لو كنا قلن جبرا هاا

جبرا تعني الحقل يعني شبرا كانت منطقة زراعية في عهد الفراعنة دلوقتي منطقة بلطجية هههههههههه بهزر طبعا

ده انا لسه قايل صحابي واخلاق وكده المهم نشوف باقي المناطق ^ *

المنيا واهل المنيا الغالين عندي انا اصلأ ليه في كل مكان صديق بجد مش هزار

ليه اصدقاء كمان من البدو ومن النوبه ومن اسوان والاقصر وليه زيارات كتيرة في اغلب المحافظات

المنيا كان يطلق عليها المحطة

اسيوط واهل الصعيد والخط اللي هناك والجزيرة وشغل الافلام ^ ^

كان يطلق عليها سيوط ^ ^ يعني طار حرف الالف ده حتي سيوط اسهل كانوا سابوا الالف

واخيرأ وليس اخيرأ الفيوم المحافظة الجميلة اللي فيها اروع المناطق والمناظر الطبيعية

الشلالات والسواقي ووادي الحيتان وقصر قارون والبحيرة ووادي الريان وكتيررررررر

انا بعشق المحافظة دي غير ناسها قسم بالله قمة في الواجب يعني لو رحت عند حد فيهم

ابدا مش هتقوم الا لما تاخد واجبك وزيادة

الفيوم بقي كان يطلق عليها بيوم وطبعا كلمة بيوم تعني بحر وكان يقال بيوم عليها بسبب البحيرة

وبكده انتهي البحث ده مع خالص تمنياتي بقرأه شيقة ومفيدة والان نعود الي هواجس قلمي

كاتب البحث امير الحرف في امل ان يرسم ابتسامة علي وجوه قارئ مملكة الحرف

وان يفيدكم ببعض المعلومات عن بلدي الحبيب مصر الغالية

الله ينصرها علي اعداءها وينصر الاسلام ويفك كرب اخواننا في سوريا وبورما وفلسطين

بعتذر اذا كان هناك بعض التجاوزات حدثت دون قصد او ثقل في الدم فـ انا هدفي هو اسعادكم من خلال هذا المدونة

محبكم أميـــــــــر

[امير الحرف]

حاولت كثيرأ يا ذكريات القلم حاولت ان اصل اليكِ

ذهبت هناك حتي احمل ما تبقي منكِ

ولكني كنت متأخر فقد بدات عصافير الفجر تغرد

فقد بدات ترانيم الحزن تسرب

سامحيني ياذكريات اخذت مني ولم استطيع ان ادافع عنكِ

كل الطرق كانت مزدحمة ولم اعهد هذا من قبل

فـ أغمض عيني وهمست اليكِ وداعـأ فحلقتِ في السماء

كل الطرق كانت سوداء كيف اهمل ذكرياتي بهذا الغباء ؟

اصبح الحنين يرافقني في كل مكان يذكرني بما كان

هنا كانت اجمل حورية وهناك كانت دعوتها علي مائدة الاحلام

ولا تنسي لن تجدي من يحبكِ مثلي اتتذكر حبيبتي والمطر اتذكر سيدة عمري

وحكم القدر وفارس الكلمات واحلام عابرة وقصيدة كانت مضحكة

حقــأ انا حزين علي ما فات فقد ذهبت كل الكلمات

مجرد فضفضة مع قلمي وليدة الان

[امير الحرف]

الف الف مبروك لكل من حصل علي الذهبية وبكل صدق تستحقون

مبروووك نــــــــــــــــــومــــــــــا طبـــــعا انا عارف انتي رجعتِ اسمك القديم ليـــــــه ^ ^

مبروووك الوردة النقية تستاهلي الذهبية انتِ من الاعضاء المميزين فعلأ

مبروووووك للباقية وعقبال الباقية التانية > <

ياهلأ والله ببنت بلدي اخت همسات مسلمة اسعدني وجودكِ وقرأتكِ

تسلمي والله شذي كلكِ ذوق ماشاء الله عليكِ الله ينور طريقكِ بالخير ويحفظكِ انتِ وشموخ اختكِ

هوااااااري ما في داعي لغلق المدونة خد استراحة بس ارجع تاني يا اخي والله مدونتك ممتازة

المخادع ازاي ما اخد ذهبية ؟؟؟؟؟؟؟؟ مفروض يتم فتح الترفيهي ويشرف عليه هذا العضو مميز جدا ماشاء الله عليه

هموشه تسلمي يارب علي مساعدتكِ المتواصلة يارب ما ننحرم ابد ابدا من كناريا ولا من بنت اخوي

انا طول عمري اقول سحر الخيال بتعرف تكتب بس مخبية علينا اهو ظهر الابداع ^ ^ بس اتمني ما يتوقف

كيني ايضا عضوية رائعة ولها تواجد ماشاء الله في كل الاقسام

اميري ايتاشي نورتِ كتيررررر عسي يدوم وجودك بيننا

عاشقة ناروتو اتمني لكِ كل السعادة منوره دايمااااا وابداااا

اسير الصمت من الاعضاء المميزين والنشيطين دوم تجدها في اغلب الاقسام

بلودي حبيب قلبي مش هقول اكتر من كده ^ ^

ان شاء الله بعمل لكم مسابقة ترفيهية عشان نخرج من جو الخمول اللي احنا في ده

عايز بس تفاااااعل لانها مسابقة جديدة وفيها افكار حلوة

اشوفكم ع خير مع هلوسات القلم وسنابل الحرف وهمسات بوح المشاعر وغزل الكلمات

[امير الحرف]

رسالة من ام فاقدة صغيرها تتجول في الطرق وتفتش عن ابنها

وفي نهاية المطاف لم تجد الا تلك الرسالة المتعبة

[امير الحرف]

صغيري المدلل صباحك معطر بكل العطور التي مازالت تحتفظ بعطرها
صباحك كله اشياء رائعة لم تكتشف روعتها بعد
صغيري ادعوا الله ان يحميك ومن عيون الناس يحفظك
دعواتي لك تارة وايماني بالله ان يستجيب الدعاء تارة
سوف ابتلع قبل ان اتحدث اليك غصة ولا يهم ان تكومت في حلقي
سامحني يا صغيري فقد كنت مرتبكِ
اجدك امام ناظري مثل السحابة التي تخبرني ان الخير سوف يهطل
الا زالت ابتسامتك فوق شفتاك ؟
الا زلت تحب المرح وتشغل كل الاحداق .؟
كم انت جميل يا صغيري
اتدري يا صغيري في هذا الصباح اعلن القلب انه منطقة منكوبة
كلها فيضانات وممتليء بالحنين اليك
هل تعرف ما هو الحنين ؟
سوف اخبرك
شاهد يومأ ام تفقد طفلها وسط الزحام ؟
ثم جلست تبكي وتنوح وتمر الايام
من ثم تعود وترفع ايديها الي الرحمن
وتدعوا ان تعثر عليك ولا يغيرك الزمان
وتمر الشهور ثم السنين وانت مازلت مفقود في الزحام
وفي الليل تفزع والدموع تسابقها علي الوسادة والقلب لا ينام
اتذكر يا صغيري زمان عندما اخذتك مدينة الاحلام
الا تتذكرها ؟
تلك التي تعشقها بها كل الالعاب وبها ايضا كل الالوان
اتذكر عندما قالوا لك ان حضني ليس امان ؟
اتذكر عندما قلت لا لا صدر امي اكثر اخضرار كف امي اكثر حنان
وعندما اعياك عيون الناس اخذت ابكي وادعوا الرحمن
وامتلات عيناك في هذا اليوم بغيمتين حزينتين
هذا هو من ينهش قلبي الحنين اليك ياعمري
اتذكر هذيان الحمي ؟
تلك التي كانت تتعبني قبل ان تتعبك يا صغيري
جدتكِ ايضا تفتقد تفاصيلك الصغيرة
وعلبة الالوان مازلت محتفظة بها
اما الصباحات اصبحت كلها باهتة من بعدك ياقلبي
اعلم انك تبكي لا باس صغيري سوف اعتبر هذا البكاء دين
واعدك انني سـ اسدده كاملأ فلدي فائض من الاحزان
جدك ايضا يفتقدك وكل يوم يذهب الي المسجد
وفي صلاة الفجر يخطوا وكفه في كفك الصغير
حتي وانت بعيد مازال يراك كل صباح
الشجرة الصغيرة التي كنت تعتني بها الان فروعها ارتفعت
ولكنها لم تثمر شئ ربما حزينة عليك وتفتقدك
والان صغيري انا وكل من حولي ينتظرك
والعصافير التي كانت تاكل فتات الخبز من يدك
لملمت اعشاشها وقررت ان تهاجر
صغيري البحر لا يقبل الا الجثث كرشوة
اتمني ان ياخذني وياتي بك ان كنت في اعماقه
الارض لا تقبل الا الماء حتي تخضر
تاخذ ما تريد من انهار وتعطيني نظرة منك

والسماء لا تقبل الا بدعوات مخلصة
واخلاصي وحنيني لك لا ينتهي

تلك رسالة كتبتها في التو واللحظة دون تحضير او مونتاج مجرد فكرة عابرة
كانت البطلة ام مفقودة بعدما فقدت صغيرها
قلم امير الحرف

[امير الحرف]

اشكرك جزيل الشكر اخت رومانسية

اهلأ بعودتك اخي الحبيب البطل الصامت

رسالة الي مجهولة

التعميم خطأ

رسالة الي مجهول

خاب ظني

رسالة الي الاحباب

دائما اعتز بوجودك وسوف ادعم كل شئ يسعدكم
ولكن رجاء لا تجعلونا في موقف محرج الالتزام شئ ضروري في الحياة
ونحن هنا اسرة مونمس حياة

رسالة الي تلك النفوس الضعيفة

لا مكان لكم هنا ارحلوا

رسالة الي انسان

بعض الكلمات فيها منفعة لك حاول ان تفهمها وتاخذ بها

رسالة الي غالية

حفظك الله يانبع الحنان لا يوجد احن ولا اطيب منك ولا حضن دافئ مثل حضنك

رسالة الي غالي

الله يشفيك ويحفظك يا رمز الكفاح

رسالة الي انا

لا يهمك ما يقول الاخرين طالما اقدامك علي ارض خضراء
لا يهمك تلك النظرات طالما انك تراقب الله

رسالة الي .................................................. ...

؟؟

امير الحرف