!i...; فيض الخآآطر ;...i! ~~ مدونتي ^^" ~~

[بون كلاي احبك]

 

المنحوس منحوس

هذا واحد كل ماسوى مشروع خسر

وكل مامسك شي خرب وكل ماراح مكان صارت مشكلة

ماعمره تهنى بشي

وحياته كلها نكد في نكد

العجيب ،

أنه يشوف الناس ما شاء الله يسوون مشاريع

ويتوفقون

ويستمتعون بحياتهم

إلا هو !!

ودائما حزين

وتعاسة الحظ تلاحقه في كل مكان

آخر شي

لما زهق من عمره

وقفلت معاه كل الطرق

جت على باله فكره

أنه يترك البلد اللي هو فيها ويهاجر يمكن يروح منه النحس

راح المطار وحجز له تذكره

ركب الطيارة

بسم الله
جلس في المكان المخصص
ركبوا المسافرين

الى الآن كل شي تمام
الحمد لله

طارت الطيــــــــــــــــــــــــــ ــــــارة

والجو هدوووووووء

وكل شيء حلو

الحمد لله

وفجأة

قامت الطيارة تهتززززززززز
ويبدو أن فيه شي مو طبيعي قاعد يصير

ولما زادت الربكة

وإذا المضيف يعلن للناس

أن الطيارة فيها عطل
ويمكن تطييييح

أخونا المنحوس انتبه
وقال : إييييييييييه ، مافيه الا آنا ..

أنا السبب في اللي صار للطيارة

أنا منحوووووس

وهذا النحس اللي ملاحقني بكل مكان

لكن ايش ذنب هالناس اللي بيموتون بسببي الحين ؟

مو معقولة أتسبب في وفاة 300 شخص وأنا ساكت

لازم أسوي شي

لازم أنقذهم

وفكر

وفكر

وفجأة

لمعت في راسه هالفكرة العجيبة

استأذن في الدخول على الكابتن

وطبعا القانون القديم كانوا يسمحون للناس يدخلون قمرة القيادة

لكن بسبب مشاكل بطلوا

المهم

أخيرا وافقوا له أن يدخل على الطيار

سأل أخونا المنحوس الطيار : اشفيها الطيارة

هل صحيح انها بتطيح ؟

قال الطيار : العجلات موراضية تنزل

قال المنحوس : بسيطة ، فكوا لي باب الطيارة وأنا انزل أفتحها يدويا من تحت ( وهو في نفسه قصده أنه ينتحر بأن يرمي نفسه من الطيارة على أساس يحافظ على أرواح الناس اللي بيموتون بسببه وينقذ الطيارة من السقوط )

الطيار رفض طبعا وقال له أن هذا غير ممكن

وفيه خطوره على حياته

ووو

لكن أخونا مصـرّ على فكرته

خايف على الناس ياعمري

والطيار يحلف وهو يحلف ....

وأخير ..

يوم شافه الطيار مصمم وقاصد كلامه

قال : افتحوا له الباب ..

أخونا ، توه بيرمي نفسه من الطيارة ،
ولكنه التفت على العجلات

لقاها تبي تنزل لكن فيه حديدة وسطها مانعتها

قال خل أجرب أشيلها

ولما شال الحديدة ورماها
انفتحت العجلات على طول

هو مسكين فرح

وقال :

خلاص ، الحين مافي داعي أني أنتحر

الحمد لله ، مشكلة الطيارة انحلت

خليني أرجع للطيارة

لما رجع للطيارة

والا الناس فرحانين

ويصفقون له
ويدعون له

ويمدحونه على شجاعته وتضحيته بنفسه من أجلهم

وطبعا الناس في الأرض كانوا متابعين الحالة
والمطار مليان
والصحفيين والتلفزيون

كاميرات وهيصة

بس ينتظرون الطيارة توصل

وصلت الطيارة على خير

والا كلهم ينتظرونه

ويصورونه ،

ويحطونه بالتلفزيون على الهواء

والتصفيق

والتكريم

ويا الله خلص منهم وقدر يوصل للفندق اللي بيسكن فيه

وصل الحمد لله

وقال : أول شي لازم أتصل بالوالدة عشان أطمنها على سلامتي أكيد شافتني بالتلفزين

مسك التلفون

اتصل على أمه

ردت عليه أمه ،، لكنها كانت تبكي ،،

تبكي بشدة لدرجة مهي قادرة تتكلم

قال لها : أكيد يا أمي انتي شفتي الحادث بالتلفزيون

لكن أبشرك الحمد لله أنا بخير ولا صار لي شي

والأم لا زالت تجهش بالبكاء

وهو يقسم لها أنه طيب وما فيه شي

وهي تزيد بالبكاء

قال لها يا أمي ما شفتيني بالتلفزين

كلنا طيبين محد صار له شي

الأم مسكينة ردت بصعوبة من بين الدموع وهي تشاهق يا حياتي

قالت له : أنا ما فتحت التلفزيون ، ولا أدري عن حادث الطيارة شي ..

قال لها : أجل ليش تبكين يا بعدي

قالت : أبوك يا بعد عمري ، أبوك كان متضايق شوي و طلع السطح حق البيت يريد يشم شوية هوى والا فجأة طاحت عليه حديدة من السماء

ومات .

ههههههههههههه

مسكين والله قطع قلبي .

تابعوني...

التوقيع :

[IMG]https://www.**********/d2/up13228411531.jpg[/IMG]

شكرا كثير صديقي العزيز ونـ بيسـ ع الهديه الروعه

---

التعديل الأخير تم بواسطة بون كلاي احبك ; 09-23-2011 الساعة 10:15 PM

[بون كلاي احبك]

اوضاع النوم

الانسان عادة ينام على اربعة اوضاع :_

1:_النوم على البطن
وفيه يشعر الانسان بعد فترة بضيق التنفس
لعدم استطاعته التمدد والانكماش

2:_النوم على الظهر
والذى يسبب زيادة التنفس من الفم
لان الهواء يمر على الشعيرات الدموية بالانف
كما أن النوم على الظهر يعوق مجرى التنفس
. فيكثر أصحابه من الشخير

3:_النوم على الجانب الايسر
وهو غير مقبول حيث القلب فى الجانب الايسر
وهذا يجعل الكبد وهو أثقل الاعضاء يضغط عليه
ويجعل الرئه اليمنى تضغط على القلب
وتقلل نشاطه.

4:-النوم على الجانب الايمن
وهو الوضع العلمى الصحيح بعد ان ثبت عيوب الاخرى.

تعود على النوم ع الجانب الايمن

تابعوني...

[بون كلاي احبك]

معاناة زوج مع ورقة المقاضي ..

ياعااااااااالم قسم راحت حياتي اوراق صغيره .. جيوبي مليانه ..

كل ظهريه وبعد صلاة العشاء طيب يازوجتي العزيزه فيه شي اسمه دمج ..

رئاسة تعليم البنات بكبرها دمجوها .. ماتدمجين انتي ورقة مقاضي الظهر

مع ورقة مقاضي الليل ونفتك من هالقلق اليومي .. المشكله وشي .. المشكله

اني اقرا طلبات مالها داعي بس مجبور اجيبها .. دراق / طماط/ بقسماط/ برغل /

واخرتها مانلقا على السفره الا كبسه وان سوينا نفوسنا كنديين حطينا فجل هههههههههههههه

طيب هالبقسماط والصولجان وبقية الاسامي الصعبه لمين

طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله

وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه

والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي وبعد ماقضيت لزوجتي يوم الربوع قلت بروح للشباب ..

واطب على المدام بدري واحصل خواتها عندها وتوهم حاطين العشا ...

يلعن ام الكااااارثه .. اخيرا شفت ورقة المقاضي صدق ..

لقيتهم حاطين سفره بدايتها في المقلط ونهايتها عند ساكو اللي ورا حلبان

الى درجة انهن حاطين سيكل جنب السفره علشان اذا وحده

بغت صحن من طرف السفره يمديها تجيبه .. والقا لوحه مكتوب عليها

( السلطه 60 كلم ) ههههههههه قسسسسم بالله مافيه شي ماهوب على السفره ماناقص الا بطل بلاك ..

المشكله ان زوجتى تعاملني على اني ابلة تدبير وعندي خبره وانا والله ما افرق بين الملوخيه والكزبره

تقوم تكتب لي مره في الورقه كيلو كنافه كذابه هههههههههههه

قسم تروعت وش ذا الكنافه الكذابه , انا اعرف الصادقه يوم اعرف الكذابه ..

واروح البقاله مالقيتها اتصلت بصديق قال رح لمحل حلويات ..
واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه ..

في الاخير رحت عنده وقلت ياااخي معليش انا نسيت اسمها
بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي هذي ابي منها كيلو ..

زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله

لانها صارت جزء من العايله ووحده مننا

الله يحفظ الوالده ..

ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/

واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل

والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت

الى درجة اني سكنت في فندق مره علشان لقيت في القائمة اومليت مادريت انه بيض

المشكله ماعندهم رحمه ..

درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه

ولازم ترجع وانت اصلاً شرير ولاعمرنا شفنا منك شي يابخييييييييييييل ..

وياعيني على استخدام التقنيه ..
ورقة المقاضي صارت من العصر الحجري الحين تجيك المقاضي مسج على الجوال

والله اني ابغا اصيح اذا قريت رسايل جوالي ورسايل جوال اخوياي العزوبيه ..

كل رسايلهم

( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك .. )
( الله على الجمس لولا وراد الستين ) << رسالة داخله بالغلط خويته ابوها شريطي ههههههههههههه

وانا تعال شف رسايلي

( حليب سريلاك .. ) ( ارجع بدري نبي مويه )
( وانت جاي جب اعواد اسنا ن )

اعواد اسنان في نص الليل الله من الاعذار بس

وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا ..

تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار ..
تجيب صلصه قالوا نبي ماجي ..
بس خل عنك والله صار عندي خبره ولا خبرة رابحه وانا والله من اول كنت احسب البندوره هي البطاطس ههههههههه

مناسبة هالموضوع اني رحت اليوم بعد صلاة الجمعه
ومعي كالعاده رفيقة دربي ورقة المقاضي طولها حوالي 7.12 متر

ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها

اني تمردت وقطعت الورقه ...

جزاها الله خير تفهمت الموضوع بشكل حضاري وهذا انا اكتب لكم الموضوع

تابعوني ...

[بون كلاي احبك]

... هذا ما فاض به خاطري اليوم ...

تصبحون على خير ...


خرووووووووووج

[بون كلاي احبك]

صباح الخير

[بون كلاي احبك]

... من فيض خاطري

النفس تجزع ان تكون فقيرة .... والفقر خير من غنى يطغيها

وغنى النفوس هو الكفاف فأن ابت .... فا جميع مافي الارض لا يكفيها


تابعوني..

[بون كلاي احبك]

خمس أسباب لتأكل تفاحة يومياً :
أولاً : لغذاء صحي : التفاح سهل الأكل و لذيذ و يمدك بالطاقة من غير
أن يحتوي أية دهون .
ثانياً : لقلبك : لأن الأبحاث تؤكد أن التفاح يحتوي على مادة تحارب الآثار السيئة لمادة الكولسترول
الذي يتجمع في شرايين الجسم .
ثالثاً : لمعدتك : لأنه يحتوي على خمسة ألياف ضرورية لتنظيف الجهاز الهضمي .
رابعاً : لرئتك : إن أكل تفاحة يومياً يقوي عمل الرئتين و يقلل احتمالات سرطان الرئة .
خامساً : لعظامك : يحتوي التفاح على مادة البورون التي تقوي العظام و تقلل احتمالات الإصابة بهشاشة العظام .

تابعوني...

[بون كلاي احبك]

مسرحيات كنت اشوفه زمان وانا صغير على جهاز الفيديو

لقيت مجموعه منها ع اليوتيوب حبيت اشاركم فيها

طبعا مسرحيات محافظه وقديمه

عرضت على مسرح جامعة الملك سعود بالرياض

ماا طول عليكم

كوميده بمعنى الكلمه

تابعوني...

[بون كلاي احبك]

مسرحية اشاعه عام 1419هـ قبل 13 سنه خخ

بطولة هاني مقبل ... عيد الدوسري


حاولت انزلها هنا مشاهده ما تظبط

جيبت لكم الرابط



يمــــــــــنع مقاطع اليوتوب ..~


تابعوني..

[بون كلاي احبك]

مسرحيه المنحوس لا تفوتك ... طبعا تعتبر الجزء الثاني او تكمله لقصه مسرحيه اشاعه

بطولة هاني مقبل ... وعيد الدوسري


عام 1420هـ

يمنع مقاطع اليوتوب ..~

تابعوني ...