مدونتي ادخل واضحك واستمتع

[hawary]

أيام ماكنا صغيرين كنا نعمل مصايب وبلاوي وفي الاخر نقول أنا اسف فيتقبل المعلم أو الوالد أو الصديق أو أي شخص أسأت إليه يتقبلوا الأسف
يعني ممكن تتأخر عن الحصه مثلا أو المحاضره ,,المعلم أو الأستاذ أو الدكتور يقولك أتأخرت ليه تقوله أنا آسف كنت نايم أو كنت في مشوار أو كنت بصلي .يقولك خلاص سمحتك .
وأنا لما حد يقولي أنا آسف ___ أسامحه ...
إنما لما روحت عملت ورق الجيش وبجهز الإجراءات للتجنيد فالمقدم (رتبه في الجيش مهمه ) يسمي المقدم فكان بيتكلم
فواحد من الشباب تقريبا إتكلم بغير إذن مع صاحبه أو ضحك المهم هو عمل موقف ممنوع يعمله في منطقه التجنيد فالمقدم
زعق له وقال له إطلع بره فقال الولد للمقدم أنا آسف يافندم أنا آسف
فقال له مفيش حاجه في الجيش إسمها أنا آسف الخطأ عندنا بروح {{ يعني لو أنت أخطأت ولم تلتزم ب الأوامر تموت أصحابك في الجيش أي أرواح زملائك في رقبتك }}} فا أنا قلت سبحان الله يعني مفيش آسف في هذا المكان
الشاهد من كل الكلام ده
إني كنت بقرأ من سوره غافر قول الله تعالي {{ يَوْمَ لَا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ}}
فتذكرت قول سياده المقدم للشاب
سبحان الله ماهذا الذل
كل القصه دي علشان أوصل للمعني ده ..فقديما كنت أظن أن من قال أنا آسف فقد كفرعن ذنبه

أما الآن ,,فلا حول ولاقوة إلا بالله ..