مدونتي طاال عمرك $$ للهذره والحش

[" جآلكسي "]

بااك
خلوني احش شويتين ما تحلى السوالف بدونه استغفر الله ياربي لا تأخذني بس شسوي الحش بكل خليه بجسمي
المهم
انا يا طويلين العمر شلتي من سبع بنات وانا الراس المدبر اللي هو راس البلا وفيه وحده بفصلنا عقلها قد الفصفص هاذا ان وجد
وهي تكرهنا حييل مدري ليش ودايم تسبنا وتحش فينا وتحاول تفرق بينا بس ما عليكم انا عارفه لها داايم اتهاوش معها

واتذكر مره تهاوشنا بقووه وبضراوه وقمنا ندف اول شي هي تقولي يالغبيه يالمدري وش مسويه حالك شاطره بحصة الانقلش
وانا ارد والله ما غيرك غبيه شوفي نفسك بعدين تكلمي كأنك دقاقه مضيعه بيتها وبعدين وش علي شاطره مو مثلك ما افلح غير بالاكل يالدووبا .... وزدنا مناقر وجت دفتني بشويش قلت والله ما اسكت ودفيتها بقووه دخلتها الحمام - وانتم بالكرامه -
وسحبت المفتاح وقفلت الباب وكنت بمشي عنها بس طلعت بوجههي العفريته ابلتنا وقالت بصوتها الاجش ويين رايحه يا جوري قلت منب رايحه وكنت خاايفه لانها ضخخمه مرره لو تدبجني ارووح فيها وقالت وش قاعده تسوين ؟؟ قلت الباب قفل على ( اللي ما تتسمى ) وانا اساعدها بس ماني قادره اطلعها << يسعد البراءه قالت طيب بنادي الفراشات يطلعونها روحي فصلك ورحت وشوي جت ذيك الخبله الفصل وتشمق بوجههي وتقز فيني مدري شلون وبعد الحصه رحت لها وقلت هييه انتي علمتي علي ؟؟ قالت لاا قلت لوا قالت يلوي حنونكك وقمنا مهاوشه من جديد ومن يومها واحنا ما نطيق بعض ..وتوته توته خلصت الحدوته