||برنامج حلقة الشيف|| الحلقة الثالثة...ايش هيا ادخلوا وشوفوا...

[::Cinderella::]

 

ياهلا والله بالشعب المونمس..من مونمسيين ومونمسييات حلوين وحلوات

يارب تكون كل اموركم عال العال وتمام

طبعا دا اول موضوع ليا في قسم الطبخ هذا عساس الشطورة سحر الخيال شايفتني

شيفة وانا مني دارية..احم احم هابدأ وياويلكم اذا ماعجبكم الأكل>>>برا

عشان زي ماانتم عارفين ماشاءالله عليا طباخة ممتازة درجة اولى>>

طبعا كلنا عارفين انواع الأكلات كثيرة ولاتعد ولاتحصى وكل وطريقتة في الإختيار

والمذاق ..بس طبعا انا اليوم ان شاءالله هاوريكم الأكلات الحجازية

مافي اطعم منها ولا اشهى منها والي مااكل منها فاتة الكثير الصراحة ههههههههههه

نبدأ على بركة الله...

هابدأ بأكثر أكلة انا احبها وهي:. ||السليق||..يم يم يم

1- على حسب المزاج لحم او دجاج..>>>سمك ماينفع

2- رز مصري كيلو

3- لتر حليب الصافي او المراعي

4- حبتين هيل وحبتين قرفة وحبات مستكة

5- ملاعق زبدة او سمنة

6- ملعقة صغيرة بهار مشكل

7- وملح حسب الذوق

8- وطماطم مع علبة صغيرة صلصة

اغسلي الرز بالماء الدافئ واتركة منقوع قليلا وبعد ذلك اذهبي الى اللحم

او الدجاج واغسليهما وبعد ذلك اضع اللحم او الدجاج على النار مع حبات

المستكة والهيل والقرفة اتركيها حوالي 60 دقيقة حتى تستوي وبعدين اخرجي

اللحم او الدجاج واحتفظي بهم في طبق والمرقة نصفيها من البهارات ونشعل الفرن

ونسخنة على درجة 350ف وبعدين نأخذ الدجاج او اللحم ونضعها في صينية ونأخذ الصلصة

ونخلطها مع الملح والبهارات المشكل مع شوية مرقة مو كلها انتبهوا

ونفرغها على الدجاج او اللحم وبعدين نجيب الطماطم ونقطعها دوائر ونضعها فوق اللحم او

الدجاج في كل الصينية ولو تحبوا كمان تضعوا بطاطس عادي وفلفل بكبارة مافي مشكل صديق

وبعدين دخليها تتحمر من 15 الى 20 دقيقة لغاية مانشوفها اتحمرت الدجاجة او اللحمة وبعدين

اسيبها في الفرن لغاية مااخلص من الرز...

اجيب ثلاثة اكواب من المرقة او اكثر على حسب الكمية وأضعها في قدر متوسط الحجم

وأسخنة على نار قوية الين مايغلي مظبوط وبعدين اضيف الرز الي غسلناة الاول متذكرين.><

واسيب المرقة تغلي مرة ثانية وبعدين اخفف النار الين يجف ويتشرب الرز

لغاية ماتشوفي فجوات على سطح الرز

اجيب الحليب واضيفة على الرز واسيبة يطهي على نار هادية مع التقليب لازم تقلبوا كل

شوية هو تعبة في التقليب..^^

الين ماينهرس الرز ويصبح لين ويتشرب الرز كل الحليب..

بعدين نسخن السمن او الزبدة وأضعة فوق السليق وأقلبة الين مايتوزع على الرز

وبعدين اغرف واضعة في الطبق...^^

وعلى فكرة بالدجاج اطعم بكثير من اللحم...وهنا وعافية عليكم..^___^

.~.~.~.~.~.~.

ودحين نروح للأكلة الثانية:.||المطبق||..يم يم

1-عجينة تجيبيها من المخبز او ممكن عجينة السبرنج رول

2- بصل وطماطم حبتين حبتين

3- كراث وملح وبهارات وفلفل على حسب الرغبة

4- لحمة مفرومة

تحمسي البصل وتضيفي علية الطماطم والكراث مقطعة صغير صغير وتضعي البهارات

والملح وتخلطيهم مع بعض وان حبيتوا تضعوا فلفل يكن احسن..^^

وبعدين تحطوا اللحمة المفرومة وتقلبوة كلة وهو على النار ولما تحسوا اللحمة بدأت تستوي

نضيف البيض علية يستحسن تكون بيضة وحدة..

وبعدين نجيب الصاج او القلاية وتكون حامية وبعدين نجيب قطعة العجينة..ونضعها على الصاج

وبعدين احط الخلطة او الحشوة..^^

بعدين نغطيها بالطبقة...^^

وبعدين تحمرية من الاعلى للأسفل...

تطلع محمرة زي كدة يم يم...^^

وبعدين بالهنا والعافية عليكم....

.~.~.~.~.~.

وكدة خلصت الحمدلله...^^

اعذروني على الفواصل التافهه وعلى الكلام فصحى على عامية

لازوم الشغل...^^ههههههههههههههههه

وصح ان عجبكم بالعافية والي مايعجبة أكلي مع نفسة روحوا كلوا من المطاعم

طبعا اختار الي بعدي العسولة كثييييييير:. يونا

-:مواضيع أخرى تفيدك:-

• [برنامج حلبة الشيف] - الحلقة الثانية - حلا الغابة السوداء.."
• تصويت للعضو القادم في برنامج ~| عضو في ورطة |~ الحلقة الثالثة
• تصويت للعضو القادم في برنامج ~| عضو في ورطة |~ الحلقة الثالثة

التوقيع :

♡..

---

التعديل الأخير تم بواسطة ::Cinderella:: ; 09-01-2012 الساعة 07:17 PM سبب آخر: نسيت اختار الي بعدي><