مواقف سكر ^^

[سكر نبات]

  بسم الله الرحمن الرحيم
السلام عليكم ورحمة الله وبركاتة


كيفكم يا أعضاء مونمس الحبيب اليوم جايبه لكم مواقف من حياتي مضحكة طبعاً اتمنى تعجبكم :
اول موقف : عن اختي الكبيرة العزيزة اكبر مني بسنتين المهم :
كنا ببيت خالتي جالسين بصالة مع بنات خالتي وكان البيت طبعاً فاضي بس جلسة بنات
وما حسينا الأ اعصار دخل علينا كان ولد خالتي الكبير المسكين مستعجل يبي ياخذ اغراض من غرفتة وما كان يدري ان في البيت احد وانا كنت بالزاوية وماشافني الحمد لله بس اختي المسكينه كلتها _دخل وشافها وجهاً لوجه اختي الذكية كانت قاعدة على الكنب وكان كنب خالتي مرتفع شوي لا لا بصراحة مرتفع مره ككككك كخ المهم اختي من الحياء الي ذابحها تبي تنحاش ما حسينا الا نشوف رجليها فوق وراسها تحت تشقلبت شقلبه ثلاثية في الهواء اكتشفنا في النهاية انها كانت تبي تنحاش وتعكرفت في ملابسها وطاحت على وجهها ورجليها فوق عاد انتوا تخيلوا الموقف ولد خالتي نسى نفسه وتبطح من الضحك واحنا نبي نقوم بس موقادرين من الضحك ترى بعد ذيك السالفة واختي حاقدة علي لاني ما ساعدتها لكن للامانة من يقدر يقوم بموقف كذا صراحة تسدحت من الضحك نذله صح كككككككككككككككككككككككككككككككككككككككككك كخ
الموقف الثاني : حصل لي انا ككككككك كخ :
السالفة وما فيها ياطويلين العمر ان خالتي عندها عشاء وجاينها ناس اغراب يعني لازم تتميلح عندهم شوي كككككككك كخ الضيوف اصدقاء زوجها المهم امي تبي تساعد خالتي
واضربت الصدر وقالت خليها عندي وانا ابو هندي كككككككك كخ انا علي اني اسوي المرق ورورق العنب ..............والخرابيط الي انتوا تعرفونها المهم _ خلصت خرابيط امي الي سوتها وتبي توديها لخالتي وما في البيت احد من الاولاد مافي الا انا واختي ( البهلونة )كككككككك كخ والقدر ثقيل لازم يشيلها شخصين قالت روح انتوا ودوها لخالتكم وكان القدر يغلي بشكل مو طبيعي من الحرارة توه طالع من الفرن وامي تبي تدويه بسرعه عشان ما تتاخرعلى خالتي المهم انطلق القدر العزيز والي يشيله انا والاخت البهلوانة كككككككك كخ وماسكينه بمنشفة وحدة بس ثقيله يعني تحمي ايدينا لكن هينا في مشكلة ؟؟؟؟؟؟؟؟؟؟؟؟؟؟؟
7
7
7
7
7
7
7
7
انها قصيره يعني قعدنا طول الطريق كل وحدة تحاول تسحب من الثانية عشان القدر مايحرقنا وصلنا بيت خالتي بسلامه خالتي الله يهديها مستعجلة تبي تقدم العشاء بدري
ويوم وصلنا اختي الذكية من الاهتمام كله تبي تعطي خالتي القدرة بسرعه لكن للاسف هي ماسحبت القدر اسحبت المنشفة وتخيلوا انا كنت ماسكه القدر ماحسيت الا يديني انصلخوا من الحرارة وصارخة صرخة يعلم الله فيها ورميت القدر وش قد تالمت بشكل موطبيعي والمشكلة خالتي عصبت علي وقامت تهاوش وتدعي علي يعني الاكل اهم مني مثلاً شكل اختي ردتها لي ككككككككك كخ

المواقف الثالث : صار لي انا واخوي الي اصغرمني :
كنا رايحين السوق واخوي الصغير يسوق فينا واختي الكبيرة المتزوجة معنا وكانت تبي اغراض وانا طبعاً قاطه وجهي بس كذا ما ابي شيئ ككككككككككك كخ المهم دخلنا محل اقمشة والي يبيعون فيها كلهم افغانيين او بكستانيين واخوي قال انا بقعد بسيارة اذا تبون شيئ نادوني وخلصوا بسرعة تعرفون الشباب _ دخلنا المحل وشافت اختي قماش عجبها قالت هذا كم ؟
رد عليها الافغاني : اد ؟؟؟
اختي استغربت قالت بسالة مرة ثانية :كم هذا؟ قال :ادين ؟؟؟
قالت : ياربي وش السالفة .....
قامت ونادتني انا كنت اتفرج على الاقمشة قالت لي السالفة وقالت تكفين اسالية يمكن مافهم علي .
قلت له :كم هذا ؟؟؟ قال :اد وهداك القماش ماما ادين ؟؟؟ ياربي احترنا وشو هذا
انتوا وش تتوقعون ؟

7
7
7
7
7
7
7
7
7
قالت اختي لازم انادي احد يفهم علي _نادينا واحد وقلنا لوسمحت اساله احنا ما فهمنا علية ويوم قال لنا ماحسينا الا واحنا على الارض متسدحين من الضحك وشافنا اخوي وهو بسيارة على باله انا احنا دقيناها جلسة مع الافغاني المهم نزل وهو معصب يوم دخل الا وطاح معنا من الضحك والافغاني المسكين يطالعنا وهو مايدري وش السالفة طلعت الترجمة ..............؟؟؟؟؟

7
7
7
7
7
7
7 هذا القماش (اد ) معناه (عرض ).
(وادين ) معناه ( عرضين ).

الموقف الرابع : .....
التكملة في المشاركة الثانية بعد التفاعل ككككككككككككككككككككككك كخ

-:مواضيع أخرى تفيدك:-

• مواقف من الحياة
• مواقف مخيفه >>> هع
• مواقف من الحياة
• مواقف مضحكه (×_×)

التوقيع :

سبحانك اللهم وبحمدك اشهد أن لااله ألا أنت استغفرك وأتوب أليك .

كلمة الوداع لاتعني نهاية العالم