قصيدة عجوز لشيبتها...انواع السب والشتم... والظحك

[ABU.3SKOOR]

  السلام عليكم ورحمة الله وبركاته

قصيدة لشاعر سيف الظاهري

الشيبه:قلبي شباب ولازم اني اعرس...مابي العجوز اللي توسد على الباب

الخير واجد وماني مفلس...عندي فلوس تدعم البنك في حساااب

العجوووز:
ماباقي منك غير خشمك وهالضرس... تبغى تعرس وانت غادي زي الغراب

قابل صلاتك الله يشفيك من المس..ولا ترى باطب وجهك بالترااااب

الشيبه: انتي عجوز واكلك الروب والخس...اماا انا ماكل سوى تكه وكباب

مافيني سكر غير ضغطي نازل بس...دام الهوى فيني ترى كل شي طاااب

العجوووز:
لا بارك الله فيك يالشيبه يالنحس...ماتجيبك الرمسه ولا يجيبك اعتاب

قصر لي صوتك ماابي اسمع ولا حس...عطني طلاقي وانقلع وقبض الباب >>>من اولهاااا

الشيبه:
دومك نحيسه وذا لسانك يبيله قص... ربي ترى حلل لي اربع بالكتاب

هذا خميس الاعمى جاكم عرس...مرتاح بالدنيا بلا هم واعتاااب

العجوووز: بطران وراسك كالصخر يابس وعص... مالوم طبعك يوم ربعك هالكلاااب>>قويه والله

غادي شرا الاريل ودومك تتحيس... استح على وجهك اصلع ولعااااب

الشيبه: فكيني من وجهك ترى مالي اي نفس... زهقان من شوفك وابغالي احباب

هذا طلاقك طالقه اربع وخمس... شلي طلاقك من ضميري بلا حسااب>>الله يعينهاا من بيتزوجها

العجوووز: مشكور يالشيبه ومن دون اي دس... عندي حبيب ماابتعد لحظه وغاب>>اكشخ بعد

يشريك ويبيعك تراه باثمن وبخس... ماتسوى ظفره حلو اسمر وجذااب>>قامت تتغزل

الشيبه: يالله قبل لا اموت منك واقتص... طلعتيلي قرنٍِ وراسي بعد شااااب

ياشينه البرقع ترى قدرك اختس... عجوز مالك في الدنيا خلان واحباب؟!

العجوووز:
مثلك تراني وهذا لك في العمر درس... لاني اميز بين شيبه وشياااب

ولا نسيت اني على الموضه اللبس...ماعلموك اني بلا شيله وحجااااب>>اي موضه واي كلام فاضي قامت تخذرف بعد..


هههههههههههههههههههههه

من جد شياب

قبل لا تطلع .... هي الظحك ببلاش ابغاك ترد الحين

ههههههههههههههههههههههه

-:مواضيع أخرى تفيدك:-

• هل أنت طفل أم شاب أم عجوز ؟
• ضاهة السب والشتم
• عجوز تزعج شاب باجوال فمن هي؟؟
• عجوز قمر
• فضل صيام الست من شوال لفضيلة الشيخ عبد العزيز بن باز-رحمه الله-

التوقيع :

"لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ"

________________________

وداعاً احبتي في الله اسعدني معرفتكم.

طلب"لا تنسونا من صالح دعائكم".