في ظـل ممـلكة الحـرف

[امير الحرف]

[امير الحرف]

ياهلا والله بكل الاحبه انتهي رمضان وانتهي العيد نسال الله ان يجعلنا من المقبولين وان ينصر اخواننا المستضعفين

اليوم وبعد طول انتظار دخلت الاخت اللؤلؤة الوردية حتي نطمئن عليها جميعا

الله يوفقها ويحفظها هي وجميع الاخوات اللهم امين

مبروك نـــــــوما عشيقة سهام ^ ^ بقيتي مخزن للنك نيم بس الاسم معبر وجميل

مش معبر يعني مثل معبر رفح وكده لا معبر يعني انتي فاهمة بقي ده حتي انتي شاعره ماشاء الله

البطل الصامت غايب من فترة له وحشه كبيرة والله اتمني ان يكون بخير ويطل علينا قريبأ

الواد بلودي اختفي وهواري ما بقي يدخل الا قليل وبلودي ماستر اختفي

وفي اعضاء كتير مقربين لا اجد لهم وجود حتي بعد انتهاء العيد امممم

عموما ندعوا لهم ان يكونوا جميعا بخير

بلود محمود حبيب قلبي سعيد بسماع صوتك ^ ^

طيب نرجع الي الكتابة وبوح القلم وعوده مملكة الحرف كما تعودنا كلمات حصرية لعيونكم العسلية

امير الحرف

[امير الحرف]

ارحب بـ اخي الغالي مستر احمد نورت اركان المملكة بتواجدك المشرف

كما ارحب بعودة رفيق القلم احمد العراقي

والاخت صمت البحر وجميع الاحبه اتمني لكم قرأه ممتعة ومفيدة وان يوفقني الله واياكم لكل خير

متابعي مملكة الحرف تتذكرون هذا البحث الذي كتبته عن اشياء غريبة في اللغة هيروغليفية
https://www.monms.com/vb/t29407-33.html

وقد وعد ان اكمل هذا البحث لذلك انتظروني ان شاء الله مع اشياء جديدة ومعلومات غريبة

عن اصل اللغة وعن باقي اللغات وفي هذا البحث سوف نكتشف ان اللغة العربية

هي اللغة الام وجميع اللغات اخذت منها

[امير الحرف]

مساء صباح علي جميع زواري الاعزاء ومرحبـا ومليون بـ كل متابعي مملكتي العذباء

عودة طيبة اخي الحبيب بلودي واخت الغالية سحر واخت عاشقة والجميع منور

مفتقد بعض الاعضاء اصحاب الدم الخفيف حتي قسم المدونات مفتقدهم

بيغ تيماري ناروتو مختفين من فترة حقيقة انا بنزعج لما اجد عضو فعال وفجاة يختفي

وافرح كثير عندما اجده اطمئن انه بخير وهذة هي دعواتي لهم

اشكرك اخت لؤلؤة ابتسامة سهام نوما سابقة علي تهنئتكم لـ علي الاشراف

لا شئ تغير الا لون العضوية من ذهبي الي اخضر ^ ^

رغم انني احبتت الذهبي فقد كنت اول عضو يحصل علي الذهبية وكان بالطبع شرف ليـ

في الحقيقة كان كلمني الاخ عثمان من فترة ولكني كنت مشغول ولم ارغب في تحمل مسؤلية شئ في ذلك الوقت

ولكن خلال تلك الايام عاد الاخ منير وكلمني فقمت بالموافق لانني اجد ان المنتدي بالفعل

يحتاج الي تعاون الجميع وبذل مجهود حتي نرتقي به كما كان وليس تغير اللون او بعض الصلاحيات هو المحرك

ولكن بالمشاركات الهادفة والمواضيع المفيدة والكلمة الطيبة وكما كنت دوم والحمد لله

علي عهد ان اعطي لهذا المنتدي قلمي فسوف يستمر العطاء

رسالتي او المقدمة التي كتبتها منذ فتح تلك المملكة مازلت امام عيني

انني احبتت هذا المكان وسوف اسعي جاهدأ ان انقش به حروفي وان اعبر بقلمي عن كل شئ يدور حولنا

كتبت اشياء كثيرة وذكريات اكثر وكان كلها في منتداي الذي تم اغلاقه وذهبت تلك الكلمات دون عوده

حزنت كثيرأ عليها ومازال الحزن يملكني كلما تذكرتها ولكن اعود واشكر الله انني وضعت بعضها هنا

في امل ان لا تحدث تلك الصدمة مرة ثانية

[امير الحرف]

هذة بعض نقوش اللغة الهيروغلفية لغة قدماء المصرين كانت تعتمد علي الرسوم

ولكل رسم معني يعني صورة العين تعني البصر الرؤية نقش اليد او الكف يعني العمل القوة وهاكذا

وكانت تعني النقوش الدينيه والمفاهيم والطقوس الخاصة بهم وكانت تنقش في المعابد

فهي تعتبر من اقدم اللغات ولكن العجيب هو ان بعض الكلمات مازال الشعب المصري

وبعض الشعوب العربية يتحدثون بها حتي الان راجع صفحة 33 في ظل مملكة الحرف

وكما وعدكم انني سوف اكمل بعض الغرائب عن تلك الكلمات التي مر عليها قرون

[امير الحرف]

لما نكون وخدين شور الصبح او بالبلدي كده حمام الصبح وياسلام بقي لما يكون في الصيف

وانت مش عايز تطلع من تحت الدش ^ ^ تقوم الميه تقطع والصابون في عينك ههههه

وتقعد تنادي بقي علي اللي في البيت ومحدش يعبرك تقوم ماسك الفوطة وماسح الصابون

كل المقدمة دي عشان كلمة فوطة عرفين بقي لفظ فوطة ده هو في الحقيقة هيروغليفي

ويعني المنشفة ^ ^ يعني المصري القديم كان بيقول فوطة وفوتوا علينا بكرا بقي

طيب كلنا بنحب جو الارياف والصعيد والطبيعة الجميلة

تسمعوا عن الفاس مش انفاس المراقبة بتاعتنا لا الفاس بتاع الفلاح ^ *

ده بقي كان اسم اداة للفلاح المصري القديم شوف ازاي

يتبع

[امير الحرف]

ضحكنا كتير في موضوع الطفل لما ياكل نقولوا مم وتعني كل يعطش امبو وتعني اشرب

طيب ولما يعيط يقولك واوا ههههه كلمة واوا دي كلمة قديمة وتعني وجع او اصابة ^ ^

الطفل لما بيحبو بنقعد نقول تاتا تاتا طيب حد فاهم يعني اي تاتا ههههههه

ما اظن ان حد فاهم ولا انا كمان كنت فاهم

بس دي كلمة قديمة كان بيقولها القدماء المصرين للطفل لما يمشي

عارف لو مسكتش هجبلك البعبع امرنا غريب بجد لما تعرف ان الكلمة دي تعني عفريت اعوذ بالله

يجي واحد عامل نفسه فاهم ويقولي هما الفراعنة كانوا عرفين العفريت اقوله دول هم العفريت نفسه ^ ^

الفراعنة كان عندهم علم عن السحر ووجد بعض النقوش التي كانوا يعتمدون عليها في طرد الارواح الشريرة

يتبع

[امير الحرف]

امبارح وانا اضع هذا التدوينات العجيبة في اللغة الهيروغلفية النور قطع

وطبعا كانت اخر مشاركة فيها شئ من السحر والعفريت هههههههه

قمت جري جايب الكشاف الاقي ان الكشاف مش مشحون هههههههه طيب اعمل اي والحل اي

رحت خارج واقف في البلكونة عشان الاقي ان الكهرباء قطعة عمومي يعني مفيش نور نهائي

ويادوب نور القمر اقدر اشوف كف ايدي وبعد شويه لقيت حاجة بتتحرك تحت رجلي

قمت مفزوع من الكرسي وببص تحت رجلي لقيت القطة اللي عاملة ابونيه في البيت عندنا

قلتلها هو ده وقتك بس بس وهي ولا عايزة تبس ولا تتحرك قلتلها طيب انا اللي هبس

بس دي يعني امشي هههههههههه

دخلت انام وقلت بكرا ان شاء الله نكمل لان عندنا اليومين دول ازمة في الكهرباء لما بتقطع بتاخد وقت

دخلت عشان انام او احاول انام بس للاسف معرفتش قلت خلاص مفيش غير اني اقرأ

بس ازاي والنور قاطع جبت شمعة ورجعت لعصر ما قبل اكتشاف الكهرباء

كنت اقرأ في كتاب للدكتور مصطفي محمود عن نفس الموضوع اللي بتكلم في معاكم

بس هو بيستعرض اصل اللغة العربية وان كل اللغات منشقة منها

ودلوقتي نكمل الموضوع وياريت تتابعوا كل كلمة لان فعلا الموضوع علمي ومعلومات رائعة

[امير الحرف]

طيب لفظ بخ عرفين انه فرعوني ويعني شيطان

طيب الطفل كبر ولعب في الشارع ووسخ الهدوم وبقي في مرحلة الشباب

في المرحل دي عندنا في مصر بنقول عليه ده عنتيل يعني ماشاء الله عضلات وصحة

لفظ عنتيل ده بيعني بالهيروغلفية القوي او شديد البنيه ولما نسترجع ذكريات زمان بنقول ياما

لفظ ياما ده بيعني كثير نرجع للصعيد ونكتشف حقائق عجيبة في اللهجة بتاعتهم

مثل لفظ اش يعني لما تكلم صعيدي تلاقي بيقولك علي حاجة اللي مش مفهومة او غير مسموعة اش

وتعني ماذابالهيروغلفية والغريب لما تلاقي كلمة معروفة للعامة ومش فهمين تعني اي مثل كلمة باش ودي بتتقال

لما الغسيل يطري كان القدماء المصرين يقولوا باش علي كل شئ طري ^ ^

ويتقال في بعض المرات لما واحد يموت الله يبشبش الطوبه اللي تحت راسه

وتعني يلينها وما زال المصري في هذا العصر يتحدث بكلمات والفاظ مر عليها قرون عديدة

ترجع اصولها الي الفراعنة

يتبع

[امير الحرف]

براحه علي نفسك لدمك يفور منك دي جملة بتتقال علي سبيل التريقة

بس لو تعرفوا ان لفظ بيبك او يفور من عروقه الدم اصلها فرعوني وتعني نزل

يعني الدم بيبك من عروقه نزل من عروقه

اه تعبي راح فاشوش اكيد الكل سمع او مر عليه كلمة فاشوش ودي كانت بتتقال عند قدماء المصرين

بس كانوا يقولوا بوش هههههههه مش بوش رئيس امريكا السابق لا بوش او بشوش ودي تعني الفراغ او الخواء

يقال ده وجهه او وشوا بشوش

النهار بكره طايب البعض سمع الجملة دي كلمة طايب كانت تقال عند قدماء المصرين وتعني هواء عليل

ده شكله مهيص دي بتتقال في مناسبتين الاول لما حد يشوف واحد محشش هههههههه يقولك ده مهيص

ولما الواحد يكون بيرقص وفرحان يقولك ده بيهيص مهيص دي كلمة فرعونية وتعني النط او القفز

الفظ اللي هقول لكم عليه كتير انا بقولوا بس لما اكون بدردش مع حد عزيز عليه واغلب المصرين بيقولوا

وهو لما اكون بتكلم يجي اللي بكلموا يقولي اه اي اه زي المسطول ههههههه ارد اقول كتك اوا

اوا دي لفظ فرعوني وتعني ويل ومازالت اللغة واللهجات القديمة تعيش حتي الان وسوف تبقي حتي نهاية العالم

يتبع