:: ســـأجــ عل قلبــ ي مــ ثل اســمــ ي::

[::Cinderella::]

لي يأخواني كدة المشاكل كتيرة في المنتدى..مضاربات وشتائم..وحقد وكرة..

لي بسم الله..~

ترا كلنا في قطار وكل واحد لة محطة ينزل فيها ..اهم صفة في المسلم التسامح

وبعدين معليش محد يسوي الفوضى دي في المنتدى الا اذا كانوا فاضيين ماوراهم لاشغلة ولامشغلة

الله يشغل كل انسان بنفسة وبدينة..ويهدي النفوس...~

~ْ~ْ~ْ~

والله ترا انا الحمدلله مبسسسسسوطة يعني ماابغى اعكر مزاجي

بس ايش اسوي اذا اصطبحت بالكلام الي شفتة....~

ويكون احسن والله اذا كنت في حالي..بس المشكلة لساني مااقدر اربطة...><

عموما ياحلوين..راح ادعيلكم احلى دعوة عارفين ايش هيا...^^

انكم تكبروا بسرعة...

~ْ~ْ~ْ~ْ~ْ~

[::Cinderella::]

اتخيلوا تكونوا عايشين شايفين وسامعين وحاسين وماتقدروا تسووا شئ

ياترا السبب ايش..الضعف..الجبن..الخوف......الخ

او ممكن تكون...قلة الايمان..هذا زماننا وهذا مانعيشة..الا من رحم ربي...~

الله يجعلنا ممن انزل بهم الرحمة...~

[::Cinderella::]

هههه اضحك الله سنك اختي الكبيرة سندريلا صراحة كدت لا اتمالك نفسي من الضحك عندما قرأت كلامك .. الله يغفر لنا وله ويبعدنا عن الافلاس يوم القيامة .. ------------ مع تحفظي على كره الانمي انا مش بكرهه لكن اللي بيحصل من متابعيه هو اللي خلاني اتخذ الموقف ده منه , لو رأيتي اثنين صغار السن وفيه كبار السن والله لو حد من متابعي ناروتو قال لواحد من متابعي ون بيس ناروتو افضل من ون بيس !! فانظري لمتابع ون بيس وما سيفعله من كلمات جميلة تدخل الام والاب في النص ههههه واطرف الاشياء التي سمعتها , يقول لك الانمي يعلمنا الصداقة !! كأن القائل يقول لي , صباحكم ابتسامة ^^

~ْ~ْ~ْ~ْ~

اللهم آمييييين يارب ...^^ وتعال هنا ايش حكاية اختي الكبيرة سندريلا هااااااااااااااا

انا عمري تسع سنين وتقولي اختك الكبيرة...>>>> ياشيخة تسعة سنين ههههههههههه

يشرفني والله اكون اختك الكبيرة...عشان كل يوم افرشك..ولازم تسمع كلامي ..^^

اها طيب الحمدلله انك ماتكرهه..صحيح معاك حق بس كل واحد وأدبة عاد وحب الانمي ومتابعتة وجهات نظر

ياأخويا الصغير...

~ْ~ْ~ْ~ْ~ْ~

::Cinderella: اخذت مكان في قلوب كل الاعضاء منذ وجودها بيننا اصبحت معروفة للجميع من خلال ردودها التي تشجع وبقوة العضو تدخل في المضمون وصلب الموضوع وهذا يدل علي ثقافتهاا وفهمها تملك روح الدعابة وكلمتها المعروفة في كل ردودها هي ســـــــــلام اعجبني اسلوبهاا في الرد والحوار غابت فترة شعرت ان الجميع يسال عنهاا من خلال مدونتها تكتشف تلك الشخصية فـي اكثر التدوينات لهاا فضفضه وكلام من القلب تشعر انهاا تسكن في بيتها بالفعل عندما تجدهاا ترفق صور خاصة في مدونتهاا وترفق كلمات ايضا خاصة وهذا يعكس حبها الشديد لهذا المكان ومكانته عندهاا بالتاكيد كبيرة سوف تكون في برنامجي ان شاء الله عضو تحت المجهر حتي نكتشفهاا كثر اتمني لها السعادة وحياة هادئة ويوفقها الله ولا يحرمنا منهاا

جزاك الله كل خير على كلامك الجميل اسعدتني وكلك ذوق اخي أمير الحرف...^^

وفعلا مدونتي حبيتها..واحب اكتب فيها..طلعتها صح...^^

تسلم واتمنى لك بدوري الحياة السعيدة وتحقيق كل أمنياتك يارب...~

~ْ~ْ~ْ~ْ~ْ~

[::Cinderella::]

طبعا..طبعا..طبعا..كل المصرييين خيلاني...

فديتهم والله كلهم..هههههههههه

وانا مفتخرة وبكل فخر اني فيا عرق مصري....وانوا اهلي من مصر..

~ْ~ْ~ْ~ْ~

اتخيلوا ايش كان حلمي وانا صغيرة انوا يجي بيتر بان..ويخدني ونروح أرض الاحلام هههههه

واكون اول بنت تايهــة ..واضارب مع القطان هوك هههههههه

وكنت اعصب اقول لمامتي ليش يآخد وندي ومايخدني

الله عليها من ذكريات ومن احلااااااااااااااام

بس من جد حبيبي بيتر بااااااااااااااااااااااااااان..هههههههههههه

[::Cinderella::]

اهلا..بالشطورين..كيفكم يارب تكونوا بخير وتمامــو..^^

طبعا آخر موضوع ليا كان في قسم التصميم..منزلة تصاميم منوعة ومشكلة>>حلوة مشكلة
واليوم لما دخلت لقيت من التصاميم محذوفة

والسبب:. صور مخالفة.............ْ____ْ

طبعا انا استغربت وسرت ادور على الصور المخالفة هههههههههههههه

وأخيرا لقيتها وعرفت ليش انحذفت....





شفتوا الصور المخالفة...الصراحة اول مرة اعرف اني منحرفة...

الصراحة انا ماعجبتني الطريقة عشان تنحذف التصاميم..ماهي سهلة

بس مدري احب اكبر عقلي....لأني شطورة...

وخلاااااااااص راح ابدأ اصمم للأطفال بعد كدة وياناسو عليهم اشبهم الاطفال..طيور الجنة^^

~ْ~ْ~ْ~ْ~ْ~

وعلى ذكر الاطفال..ههههههههههههههه

امس كنت بالسوبر ماركت مع مامتي والعفريت ولد اخويا ..><
وفجأة لقيت بنوتة عسولة ياناسو عليها...

قمت قلتلها ايش اسمك..قامت ردت بخجل وقالت..لبنة...

قلتهلها ياقلبي عليكِ وقالتلي وانتي:. قلتلها قشطة..

قامت استغربت حسيت انها مااستوعبت قامت ضحكت وطالعت في ولد اخويا وقالت وانتا

قام طالع فيها وقال:. زيت الزيتون..ههههههههههههههه

الغبي موتني ضحك..ومامتي طالعت فينا وقالت انتوا اتجننتوا هههههههههههههههههه

بس من جد يوم فظيع...والبنت صدقت..قشطة وزيت الزيتون ههههههه

آآآآها...شوية فضفضة..^^

~ْ~ْ~ْ~ْ~

[::Cinderella::]

ياهلا والله بلؤلؤة....

نورتي ياعسل...من زمان عنك تدخلي ولاتسلمي..افا عليكِ هي دي الصداقة...
عموما انك تكوني بخير ..والله يريح قلبك يارب....~

~ْ~ْ~ْ~ْ~

دحين العصفور دااااااااااا حقيقي.... وممكن يكون في واحد زي العصفور داااااااااااااا

ياسلاااااااااااااااااااااااااااااام ياريت يكون عندي واحد زي العصفور دااااااااااااااا

[::Cinderella::]

إحتقِرَت دودة الأرض فضحكت وقالت: تواضعوا [ يابشر ] ولاتتكبرو

فما أنتم سوى وجبة طعامي في القبر !!

[::Cinderella::]

برز الثعلب في ثياب الواعظين

فمشى في الارض يهدي ويسب الماكرين

ويقول الحمدلله الة العالمين

يا عباد الله توبوا فهو خير التائبين

واطلبوا الديك يأذن لصلاة الصبح فينا

فأتى الديك رسول من امام الناسكين

وعرض الامر عليه وهو يرجو ان يلين

فأجاب الديك عذراً يا اضل المهتدين

بلغ الثعلب عني وعن جدودي الصالحين

انهم قالوا وخير القول قول العارفين

مخطئا من ظن يوما ان للثعلب دين


دايما مامتي كانت تحكينا هيا وكنا نضحك ولغاية دحين نخليها تقولها.....ههههههههه

الله يخليكِ يارب يامامتي ويحفظك..ويقدرنا انوا نسعدك لو ربع السعادة الي اسعدتينا هيـا...~

[::Cinderella::]

اليوم آخر جمعة في شعبان..

تحمل كل خير للطيبين..

..نسأل الله..أن يهبنا نفوسآ..راضية..وصدور من الهموم خالية..وقلوب بحبة صافية..

" أسعد الله كل أيامكم" وبلغنا واياكم شهر رمضان...اللهم آمييييييييين..^^

.....||......||.....

وااااااااااو مين يصدق رمضان داخل..خلاااااص هاشوف السوبية والتمر هندي...هههههه

وشوربة الحب..عاااااااد انا احبها بيضة واختي تحبها حمرا..>>>>راح نضارب ههههههه

احلى شئ في رمضان لما كنا نحط السفرة وكلنا قاعدين نستنى الأذان يأذن..وانا ادعي وكلهم يطالعوا فيا

وكل واحد لاتنسيني ادعيلي وينط الثاني وانا ادعيلي..وانا ادعيلهم كلهم ولما يجي دوري ادعي لنفسي

يأذن..اقوم اقلهم اسمعوا بكرة راح ادعي لنفسي لا احد يقولي ادعيلي..ويجي نفس الشي واقعد

ادعيلهم..>< ههههههههه...~

ان شاءالله يارب يكون عليكم شهر من اجمل الشهور..من تفريج الكربات..وشرح الصدور..^^

[::Cinderella::]

بتسأل اخي هواري عن المدونات...^^

اممممم بالنسبة ليا المدونة..

هي زي صندوقي الخاص اضع فية كل مااحبة من كلام وصور وخواطر ومشاعر..يكون خاص فيا

يعني اسوي زي ماابغى..وهو المكان الوحيد الي آخد راحتي فية..

اول مدونة فتحتها كانت العام..وتعتبر دي ثاني مدونة ليا...

الاولى..احط فيها كل مايعجبني وافكاري الجديدة وطموحاتي عساس ممكن آخذ بعض الاراء

وبعض الاحيان انزل محشات على بعض اصدقائي..^^

فهي لها من الامور مايحبة صاحبها....~

~ْ~ْ~ْ~ْ~ْ~

للدنيا سبعة وجوة...

1-فرح

2- حزن

3- عافية ^^

4- نجاح

5- عفو

6- إحترام

7- مسامحة

رزقكم الله الأولى" وأبعد عنكم الثانية" وكساكم الثالثة" وجعل طريقكم الرابعة" ومنحكم بفضلة الخامسة"

ولكم مني السادسة" وأرجو منكم السابعة"..~