|
|||||||
| المنتدى الإسلامي العام يحوي قصص وروايات ومواضيع دينية نصية |
|
!~ آخـر 10 مواضيع ~!
|
|
|
|
إضغط على
او
 لمشاركة اصدقائك! |
 |
|
|
أدوات الموضوع |
5.00 من 5
عدد المصوتين: 4
|
انواع عرض الموضوع |
|
|
|
#1
04-15-2011, 04:49 AM
|
||||||
|
||||||
|
السلام عليكم ورحمة الله وبركاته من غير مقدمات عاوزة أسأل نفسى وأسألكم برده سؤال محيرنى جدا ومش عارفة ألاقيله إجابة يا ترى إحنا مستنيين إيه يا جماعة ؟ مستنيين إيه فى إيه ؟ إحنا مستنيين إيه عشان ننطلق لربنا مستنيين إيه عشان نتوب من الحاجات الغلط إلى إحنا بنعملها يا جماعة كل حاجة كنا مستنينها حصلت خلاص شوفنا جنود الله فى الأرض شوفنا شوية ماية يا جماعة شوية ماية هدمت دول وهدمت إقتصاد دول شوفنا شوية هوا بس دمروا الناس والسيول والزلازل يا جماعة ربنا بيورينا إن إحنا مش قد نفخة هوا طب .... طب بلاش الحاجات دى شوفنا الحوادث إلى بتحصل على الطرق للغافلين شوفنا الموت الفجأة شوفنا سوء الخاتمة انتشر إحنا مستنيين إيه مستنيين ندفن أعز حبيب لينا فى التراب عشان بعدها نحس ونبقى نفوق ونعرف إن الموت قريب أوى ولا مستنيين لما يتصلى علينا وساعتها يبقى فات الأوان وجيم أوفر طب بلاش السؤال ده سؤال تانى إنت مطمن ليه ؟ يعنى إنت مطمن إن إنت تعيش وتعمل كل إلى نفسك فيه ؟ طب مطمن ليه ؟ أكيد إنت عملت حاجة فى حياتك مخلياك مطمن كده وبالك رايق إحنا عملنا إيه يا جماعة عشان نبقى مطمنين أووى كده ومستبعدين الموت دايما الإنسان بيظن إن كل الناس إلى حواليه ممكن تموت أما أهله وأسرته وهو لاء وده نوع من أنواع الغفلة يا جماعة والله أنا مش جاية أحبطكوا بس برده مش جاية أضحك عليكوا من فينا لما ييجى يدخل المنتدى بيبقى عنده إخلاص فى المواضيع إلى بيحطها من فينا هدفه الأول وقبل كل شئ تذكرة الناس وإن الناس أول ما تقرأ موضوعه تعيد التفكير تانى فى حياتها وفى أسلوبها فى الحياة مش الردود والشكر ووو من فينا بجد بجد كل عمل حطه هنا فى المنتدى حطه بإخلاص النية لله فقط حطه عشان ربنا وبس يا جماعة الإنسان فى امتحان الدنيا ممكن ينجح ب 50 % ، 60% ، 80% لكن امتحان الإخلاص 99% وبرده مش هتنجح لاااازم 100% لازم العمل يكون لله وبس يا جماعة إحنا لازم نفوق والله لازم نفوق قبل ما الأوان يفوت ونرجع نقول ياريت إلى جرى ما كان لما واحد يكون عنده امتحان بكره مثلا ده من المؤكد إنه مش هيقوم من على الكتاب عاوز يعمل كل حاجة ويخلص عشان يبقى داخل الإمتحان مستعد وجاهز لأى سؤال مهما كان صعب ولمل يدخل الامتحان أكيد بيبقى عارف مدة الإمتحان و الورقة هتسحب منه إمته طب نتصور إنك كان عندك امتحان وميعاده متحددش طبعا كل يوم كل دقيقة كل ثانية بل وكل لحظة هتلاقى نفسك بتستعد للامتحان ده لإنك مش ضامن ممكن ييجى بكره أو بعده وممكن دلوقتى طب نتصور كده وانت قاعد فى الامتحان وفجأة لقيت الورقة بتسحب منك بدون أى مقدمات هتعمل إيه ؟ أهوا الموت كدا يا جماعة بييجى بدون مقدمات عشان كده لازم تكون فى كل ثانية مستعد إن الورقة تسحب منك يا جماعة تعالوا نحاسب نفسنا نشوف سلوكياتنا نشوف أخلاقنا نشوف تصرفتنا نشوف قيمنا راحت فين ورايحة على فين كان فيه أحد السلف بيحاسب نفسه بإنه يحط صابعه على مصباح ويستنى لحد ما يشعر بالحرارة و اللسعة والحرق يبتدى يحاسب نفسه ليه عملت كذا يوم كذا طب ليه معملتش كذا يوم كذا وكان فيه أحد السلف بيحاسب نفسه بطريقه زكبة جدا نفترض إن كل واحد فينا عاش 20 سنة يعنى 7200 يوم مثلا ده على أقل تقدير نفترض إن إحنا فى كل يوم من هذه الأيام ما عملناش غير ذنب واحد ذنب واحد بس ده على افتراض إن إحنا ما اغتبناش ما نميناش ما بصيناش هنا ولا هنا ما سمعناش أغانى ..... ذنب واحد بس كل يوم معناها 7200 ذنب تصوروا 7200 ذنب .... ياااااه هنعمل إيه فيهم يا جماعة إحنا بيتسجل لنا صوت وصورة كل يوم كل صغيرة وكبيرة كل حاجة حتى أدق الأشياء كل همسة متسجلة لما ربنا يسالنا عن 7200 ذنب يااااااااااااااااااااااااااه يا جماعة كان فيه أحد السلف لما ييجى الليل يظل يصلى ويبكى بشدة فتسمعه أمه فتقول له : ما بك يا والدى أقتلت نفسا ؟ فقال لها : بلى يا أماه لقد قتلت نفسى أيوا أيوا يا جماعة أه والله بنقتل نفسنا كل ذنب بتعمله خنجر فى نفسك كل أغنية سمعتها خنجر فى نفسك كل صورة شوفتها خنجر فى نفسك كل حاجة بتعملها غلط بتقتل بيها نفسك أرجوووووك أرحم نفسك إرحمها بجد شوبة ده لما مجرم بيقتل إنسان ويضربه طعنتين بنقول عليه ده معندوش رحمة وقلبه قاسى فما بالك إنت طعنت نفسك كااااااااااااااااام طعنة واحد هيقولى 7200 ذنب يااااااااااااه خلاص أنا كده مش نافع ربنا مش هيغفرلى هقولك لاااااااااااااااااا اسمع كده الحديث القدسى ده عن أنس رضى الله عنه قال : سمعت رسول الله صلى الله عليه وسلم يقول : " قال تعالى :يا بن آدم إنك ما دعوتنى ورجوتنى غفرت لك ما كان منك ولا أبالى يا بن آدم لو بلغت ذنوبك عنان السماء ثم استغفرتنى غفرت لك يا بن آدم لو أتيتنى بقراب الارض خطايا ثم اتيتنى لا تشرك بى شيئا لأتيتك بقرابها مغفرة " ( رواه الترمذى ) ياااااااااااااااه اقرؤه تانى بالله عليك اقرؤه تانى يا بن آدم لو أتيتنى بقراب الارض خطايا واستغفرتنى غفرت لك ولا أبالى يااااااااااااااااااااه ياااااااااااااااااه يا جماعة كلمة ولا أبالى بتحسسك بجد إنك بتحب ربنا اوووووووى ده انت بتعمل حاجات لو أخوك عرفها عنك مش هيطيق يبص فى وشك وشوف بتعملها وربنا شايفك وبيقولك " واستغفرتنى غفرت لك ولا أبالى " ده انت لو غلطت فى حق واحد صاحبك مرة هيعديهالك التانية هيعديهالك التالتة هيقولك لاا لحد هنا و وخلاص أما شوف ربنا بيقولك إيه " واستغفرتنى غفرت لك ولا أبالى " شوفت قد إيه إنت غلطت فى حق ربنا كتيييييييييييييير وربنا بيقولك " واستغفرتنى غفرت لك ماكان منك ولا أبالى " هااااااا يا جماعة عاوزين إيه أكتر من إلى احنا سمعناه ده عشان نتحرك هننطلق لربنا امته احنا عاوزين نكسر الدنيا عاوزين لكل واحد فينا هدف فى حياته مثلا يكون هدفك وإنتى فى الثانوية إنك تهدى صحبتك وإنت يكون هدفك وإنت فى الجامعه تهدى 10 من صحابك وزع مطويات انسخ اسطوانات احضر دروس علم اقرأ اتعلم والله يا جماعة احنا قريبين أووى من الطريق الصح بس محتاجين بس حد يفكرنا وياخد بإيدنا هتقولى طب أعمل إيه أنا اتحمست خلاص وعاوز أنطلق لله وأركب قطار الدعوة إلى الله أعمل إيه ؟ هقولك كلمتين بس سيب واشتغل !!!! يعنى إيه مش فاهم حاجة هقولك أهو سيب المعاصى واشتغل للدين علطول ما تسمعش لكلام الشيطان يقولك ياااااااااااااااااااااه إنت لسه فى بداية الطريق إنت فين والناس الحلوة دى فين ياااااااااااااه الطريق طووويل ويبدأ يرجعلك للطريق الغلط تانى لاااااااااااااا إوعى علطووول إقرأ كتب سنة فقه توحيد عقيدة احضر دروس علم صحبة صالحة اقرأ مواضيع على النت من مواقع موثوق فيها هتلاقى نفسك والله بتتثقف شوية بشوية الواحد متخلقش وفى دماغه جميع الكتب وبيعرف يقرا ويكتب براحة وبهدوء هتلاقى نفسك اتعلمت بعون الله أيوا عاوزين يبقى عندنا هدف نشتغل ليه أذكر موقف حكاه شيخنا الفاضل محمد حسان يقول " أتانى رجل فلقيته بيقولى يا عم الشيخ ربنا ده ظالم قال له الشيخ : حاشا لله ما ذا تقول قال له : ربنا ده ظالم قال له الشيخ لماذا تقول هذا قال له الرجل : هو ربنا مش شايف إلى بيحصل فى فلسطين والعراق والصومال وافغانستان ووو مش بيقضى على الظلم ده ليه فرد عليه الشيخ : أسألك سؤالا قبل أن أجيب رجل صاحب عمل وشركات وأموال وأنت موظف عنده بس إنت مبتشتغلش جه آخر الشهر ومصرفش مرتب ليك إنت هتضايق قال له : لاء طبعا قال له الشيخ : ليه ؟ قال له : لإن أنا مبشتغلش هيدينى مرتب إزاى قال له الشيخ : طب يا أخى هل إنت اشتغلت لربنا عشان ربنا ينصرك وبعطيك ؟ صمت الرجل ثم قال : آآآآآآه والله يا عم الشيخ عنك حق فأنا بوجه نفس السؤال لكل الأعضاء وياريت يجاوبوا عليه إنت أشتغلت لربنا ؟ ومستنى إيه عشان تشتغل لربنا ؟ فاكهة الموضوع خطبة بعنوان لماذا يخافون الإسلام؟ لفضيلة الشيخ / محمد حسان ومستنية بإذن الله من كل الأعضاء الإجاية عن السؤال وجزاكم الله خيرا أردت أن أنقل لكم همسة من همساتى وانتظرونى بإذن الله فى همسة جديدة ومستنية بإذن الله من كل الأعضاء الإجاية عن السؤال
|
.gif){kind=icon}
سؤال مهم .... يا ترى إيه الإجابة ؟
| 11 أعضاء قالوا شكراً لـ فرسان الإسلام على المشاركة المفيدة: |
|
04-15-2011, 05:37 AM
|
رقم المشاركة : 2 |
|
شكراً: 0
تم شكره 585 مرة في 210 مشاركة
|
رد: سؤال مهم .... يا ترى إيه الإجابة ؟
الحمد لله والصلاة والسلام على رسول الله وبعد:
كان سؤالا بالغ الأهمية وجوابه الاعتصام وتقوى الله عز وجل فانه لا يدري المرء متى تقبض روحه فالبدار البدار بالتوبة والأوبة والرجوع الى الله تعالى فانه سبحانه أرحم وأرأف بالعبد من الوالدة لولدها ويفرح جل وعز بتوبة عبده فرحا يليق بجلال وجهه وعظيم سلطان لا نكيفه ولا نشبهه ولا نمثله وانما نقول ليس كمثله شئ وهو السميع البصير . موضوع مميز أختاه أسأل الله أن ينفع به وأن يتعظ به كل من طالعه ويجعل همه بعد ذلك التقدم الى الأمام والسير على خطى الحبيب صللى الله عليه وسلم نادما عم بدر منه تجاه خالقه عازما ألا يرجع كما كان . تحياتي والسلام عليكم .
|
|
|
|
|
04-15-2011, 08:10 AM
|
رقم المشاركة : 3 |
|
شكراً: 1,536
تم شكره 1,377 مرة في 458 مشاركة
|
رد: سؤال مهم .... يا ترى إيه الإجابة ؟
جزاك الله كل خييراختي رقيه والله يعطيك العافيه موضوع راااائع ومهم حقا ً موضوووع راااائع ومهم ولن يستطيع احد ان يجد اجابة للسؤال .. ( مستنيين ايه ؟؟؟ ) كلنا مستنيين الموت ياخدنا على غفلة ونرجع تاني يارب رجعنا !!!! ياريت فعلا نفوق قبل فوات الاوان .. باب التوبة مفتوح دلوقتي ..الله اعلم بكرة هنكون فوق الارض ولا تحتها ؟؟!!!! ربنا يهدي شباب المسلمين اجمعين يارب.. جزاكم الله خيراااااااااااااااااااااااااا تم التقيييييييييم
|
|
|
|
|
04-15-2011, 12:53 PM
|
رقم المشاركة : 4 | ||
|
شكراً: 0
تم شكره 394 مرة في 171 مشاركة
|
رد: سؤال مهم .... يا ترى إيه الإجابة ؟
جزاكم الله خيرا على المرور ... ياريت نشتغل عملى ... نفع الله بكم
سبحان الله .... كأنى قرأت هذا الرد من قبل .... نفس الرد .... عموما ...... جزاكم الله خيرا ونفع بكم ________________________________________ هل قمتم بتحميل الخطبة ؟ جزاكم الله خيرا
|
||
|
|
|
|
04-15-2011, 01:16 PM
|
رقم المشاركة : 5 |
|
شكراً: 393
تم شكره 394 مرة في 110 مشاركة
|
رد: سؤال مهم .... يا ترى إيه الإجابة ؟
ولا تدري نفس متى يحين اجلها وتقبض روحها
وتنتهي حياتها وتنقل لبارئها ومصورها ومقدر امورها الكثير في غفلة والكثير نسى لا بل يتناسى اننا في اخر الزمان اي من جد وجد ومن سار على الدرب وصل الكل في غفلة والكل في معاصيه منكب وفي خطياهي مستهتر ناسي يوم لا تنفع شفاعة ولا نتدم ولا بكاء فاسال الله العظيم رب العرش العظيم ان يتوب عني وعن جميع المسلمين والمسلمات
|
|
|
|
|
04-15-2011, 01:24 PM
|
رقم المشاركة : 6 | |
|
شكراً: 0
تم شكره 394 مرة في 171 مشاركة
|
رد: سؤال مهم .... يا ترى إيه الإجابة ؟
طيب واضح إن السؤال صعب طيب ممكن كل عضو يدخل يقول لنا عمل إيه النهارده لربنا ؟؟ فى الانتظار بإذن الله
|
|
|
|
|
|
04-15-2011, 01:59 PM
|
رقم المشاركة : 7 |
|
شكراً: 82
تم شكره 329 مرة في 90 مشاركة
|
رد: سؤال مهم .... يا ترى إيه الإجابة ؟
جزاك الله الف الف الف الف خير ...!!
و فعلا اقنعتيني ... و خصوصا في موضوع الاهداف و هذا راح يكون الهدف ..و الخطبه عنوانها روووعه ...!! و اتمنى من الناس انهم يقتنعون ويعملون في اللي قلتيه و اتمنى انه يتثبت ... و تستاهلين... . 99999999999 نجمه !!!!!!!!!! و 666 تقيم شخصي و 700 شكر ... لان طريقه روعه و التنسيق ... و حتى بسرد القصص .. و احلى شيء هذا : نفترض إن كل واحد فينا عاش 20 سنة يعنى 7200 يوم مثلا ده على أقل تقدير و كذالك صح للاسف ان في ناس يقولون خلاص انا راح استسلم و راح افضل هكذا حتى مماتي ... حلو و رااائع بأن انتي اقنعتي الناس اللي بهذه النوعيه ... و انا ان شاء الله راح انشره ... تقيم شخصي + 5 نجوم + شكر ..
|
|
|
|
| الأعضاء الذين قالوا شكراً لـ bazzoOkahUzumaki على المشاركة المفيدة: |
|
04-15-2011, 02:25 PM
|
رقم المشاركة : 8 | |
|
شكراً: 0
تم شكره 394 مرة في 171 مشاركة
|
رد: سؤال مهم .... يا ترى إيه الإجابة ؟
جزاكم الله خيرا أخونا الفاضل .... واحنا لازم منيئسش من رحمة الله ...... وياريت من فضلك أخانا الفاضل تنشره ليعم الخير والفائدة وفى مبزان حسناتكم بإذن الله بارك الله فيكم ونفع بكم وجزاكم كل خير 
آخر تعديل فرسان الإسلام يوم 04-15-2011 في 02:59 PM.
|
|
|
|
|
|
04-15-2011, 04:24 PM
|
رقم المشاركة : 9 |
|
شكراً: 285
تم شكره 613 مرة في 270 مشاركة
|
رد: سؤال مهم .... يا ترى إيه الإجابة ؟
جزاك الله خيرا اختاه على هذا التلميح وأسال الله ان ينفع بى بكم وان يجعلنا نعمل بما نعلم
|
|
|
|
|
04-17-2011, 08:33 AM
|
رقم المشاركة : 10 | |
|
شكراً: 0
تم شكره 394 مرة في 171 مشاركة
|
رد: سؤال مهم .... يا ترى إيه الإجابة ؟
|
|
|
|
|
|
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
الساعة الآن 11:41 AM
