[شمس الرسالة]

 

لا يصح الا الغلط !
~ ~ ~ ~ ~ ~ ~ ~ ~ ~ ~ ~ ~ ~
مرة كنت اسير مع ابن عمي وهو اسمه عبد الرحمن .. داخل سنة اولى اعدادي هذه السنة ان شاء الله ..
فبقوله على سبيل المزاح : يا عبد الرحمن هناك مقولة خاطئة منتشرة بين الناس الان
وهي " لا يصح الا الصحيح " والحقيقة ان هذا غلط .. بل المقولة الصحيحة هي " لا يصح الا الغلط "
فقال لي : انت بتضحك عليا !
قلت له : لا ياعم ما بضحكش عليك .. وانا هاعطيك مثال ..
لو الدنيا دي كلها لونها اسود .. هل كنا سنعرف ما هو اللون الابيض ؟
فقال لي : لا .. فقلت : ولو كل حاجه في الدنيا كانت صح .. هل كنا سنعرف ما هو الغلط ؟
فقال لي : لا
قلت له : اذاً لا يصح الا الغلط
فقال لي : ازاي ياعم انت لخبط لي دماغي ! - هههههه -
قلت له : اعطيك مثال ابسط من كده عشان تقتنع ..
بعض الامهات قبل ان يذهب ابناءها الى الامتحانات بتدعي لهم وتقول : " ربنا يطلعك من الاوائل "
انت تعرف ان هي بتدعي على ابنها اصلا ومش بتدعي له ؟
لان معنى الدعاء هو : ربنا لا يجعلك من الاوائل ! : وهذه معنى كلمة " يطلعك "

فأنا مثلا قد اقول : " محمد يطلع من المنزل " .. يعني : محمد يخرج من المنزل
" محمد يطلع من الاوائل " يعني " محمد يخرج من الاوائل " ..
فرغم ان الدعاء غلط الا ان نية الام صحيحة .. فلا يصح الا الغلط !
فقال لي : انت على حد كلامك بتقول ان الحرامي لما بيسرق بيكون فعله صحيح
قلت له : لا انا ما بقولش كده .. لأن الصحيح ان الحرامي يتعاقب بعد ان يسرق
فلا تصح معاقبته الا بوجود الغلط .. وهو السرقة .. اقتنعت والا لأ ؟
قال لي : سيبني افكر في الحكاية دي وارد عليك بعدين عشان انت بوظت لي دماغي
قلت له : ماشي وانا مستنيك لما تلاقي رد - ههههه - ^_^

---

التعديل الأخير تم بواسطة البطل المجاور ; 08-01-2013 الساعة 07:50 AM