04-13-2011, 12:17 AM
|
|
|
رد: ♪♪ مَـَدوُنـَﮧ آنّفُوـُوڛَـَﮧ ڷِڷفَضَآئّح ♪♪
هذه قصيده لشاعر علي سلطان
وهو من منطقتنا ولي معرفه فيه
شعره رهيب جدا
شوفوا
:
(ثمر البعاد)
ياقاطفين الثمر ماهو موسمه
الارض قفرى ملبست لون العشب
حتى الصبح داكن وشمسه معتمه
والليل بانت عتمته شمس الغرب
قبل الحكي والبوح قبل التمتمه
هزيت عذج الحال وتساقط عتب
ثمر البعاد اللي بذورك تقسمه
بين الهجر والوصل و الحل الصعب
فك الطلاسم دامها لي مبهمه
يأم العيون السود يا سود الهدب
الله كفانا طعنها طعن سهمه
والله لنا يوم الخصر كنه قصب
سكر تمايل واعتدل من يهزمه
كل العذارى يمها بس تنسحب
يالعاشقه يالمولعه يالمغرمه
اشعلت شوقك وانطفى ضوء اللهب
حدن يبات الليل ضيق وهمهمه
و حدن يعد القرش من قبل الكسب
بعض المواقف تصدم اللي تصدمه
خذ خيرها والشر ملعون السبب
من يحشمك واجب عليك ان تحشمه
ومن يحقرك محقور قدره فالعرب
من عدني البندق انا له محزمه
و فك الشدايد نقطعه ما نرتهب
ياما لبست الشوق قبل تعممه
ناطر حضورك والوله لك مرتقب
لا من قبلت القلب حيا من فمه
يا مرحبا يا مرحبا يا من قرب
صبيت لك فنجان شوقي قدمه
مع نفحة المشتاق جاتك تنسكب
اللي كواه الوقت ضيّق بنسمه
واشعل ضلوعه فالعشق كنهن حطب
ليتك على هالضيق مره تفهمه
ياللي عيونك لا ومت راح الغضب
ياللي عذلت القلب لا لا تلومه
ادري نشف ماي الوصل قبل الجدب
بلقى على ارضه طهور تيممه
ايلين ما تمطر مزونه مالسحب
|