ملتقى مونمس ® - قووم ....فوووق .....متيأسش .....!!!

أخباركم إيه بعد رمضان ؟؟؟ عاملين إيه بعد رمضان ياإخواني في الله ؟؟؟ إحنا يا جماعة ... إحنا سنة ورا سنة بتعدّى من عمرنا ... رمضان خلص واللي قبله خلص ،واللي قبله خلص ،أنا مش بقول لكِ دمّك بيتسحب منّك ... أنا بقول لك عمرك بيتسحب منّك !!

بلى رمضان ودعنا *** فهل نبقى على الحب

بلى ولَّى وراح بما *** جناه العبد في الدرب

فهل نبقى على الإيمان والإحسان يا صحبي

وهل يبقى مصلانا على عهد على كره

وهل دمعاتنا الحرة تبيت العين في سكب

أنا جاي أقول إيه ؟؟ أنا جاي الليلة أقول إيه يا جماعة !!! أنا جاي الليلة أقول إن أنا قاعد قُدّامي الليلة كلّكم بأذن الله صفحات بيضة

أخباركم إيه بعد 6236 آية من القرآن ما إتعرضوا على قلوبنا في رمضان !!! حصل في قلبك إيه ؟؟!! لو متغيّرناش !!! بعد 6236 معجزة !!! هنتغيّر إمتى يا جماعة ؟؟!! أنا بكلّم اللي وقع بعد رمضان ، اللي بيقول أنا في رمضان صمت ،وصلّيت وإتصدقت وعملت كل حاجة ... أنا بعد ما خرجت من رمضان وقعت فى كل حاجة !!!

إنت على الطريق ... إنت على الطريق ... ووسوسة الشيطان ليك دليل إنك على الطريق لأن الشيطان قال "...لَأَقْعُدَنَّ لَهُمْ صِرَاطَكَ الْمُسْتَقِيمَ " الأعراف : 16

لو مكنتش على الطريق مكنش ربنا فتح قلبك ، وفى موسم مضاعفة الحسنات دخّلك وفتح عليك ... رمضان أثبت إنك مليان خير ، إن فيك خير جامد قوي... رمضان أثبت إنك تقدر أوعى تقول ما أقدرش

أنا بكلّم اللي بعد رمضان نام ، معقولة !!! معقولة نمنا يا جماعة !!!! معقولة !! معقولة بعد الحماس دا كله والشغل دا كله نمنا يا جماعة !!!

رمضان أثبت إنك كنت بتشتغل وترجع على الجامع تعتكف طول الليل وقدرت ... رمضان أثبت

أنا بكلّم اللي إجتهد فى رمضان وبيقول عايز أكمّل ، أكمّل إزّاي ؟؟ أعمل إيه ؟؟ دلّوني ...

أنا جاي أكلّم اللي وقع بعد رمضان ، اللي نامت بعد رمضان ، اللي عايز يكمّل المسيرة بعد رمضان ، اللي بيقول ربنا مش رايدني لإن أنا عصيته فى العيد ... هو معصمنيش ليه ؟؟

أنا بكلّم كل دول وبأقول لهم يلا يا جماعة ... يلا قوموا ... يلا فوقوا ... يلا سيبكم من وساوس الشيطان ... يلا يا أمّة محمد

رمضان علّمنا إنّ إحنا نقوم ، ربنا سبحانه وتعالى عظيم ، وكبير ، وكريم ، زي ما إدّاكم رمضان ، زي ما منّ علينا برمضان مش هيسبنا بعد رمضان

إن كان رمضان راح ربنا موجود سبحانه وتعالى

إوعي تلوثى قلبك بعد ما ربنا طهّرهولك فى رمضان

أوعى تلوث صحيفتك بعد ما ربنا طهرهالك

إنت كسبت حسنات أدّ إيه فى رمضان ؟!!! حافظ عليها بروحك ، أوعي تضيّعي اللي كسبتيه

يا جماعة ... شهر صيام أضمن لمستقبلك من مليون جنيه فى بنك ، يا بنتي إسبوع تهجد وقيام أضمن لمستقبلك من أغنى واحد في الدنيا يتقدم لك

يا جماعة ... يا جماعة ختمة قرآن أضمن لمستقبلنا من كل أموال الدنيا كلها

إختار ... إنتِ دُقتي الطاعة في رمضان ، ودُقتي المعصية قبل رمضان ... إختاري... إنتِ دُقت الطاعة في رمضان ، ودقت المعصية قبل رمضان إختار .. ، تختار إيه ؟؟!! إنت لسّه على الطريق ، حتى لو وقعت إنت ممكن تقوم ، وتلحق وتعوّض

هتختاروا إيه ؟؟!! هنختار إيه يا جماعة ؟؟!! يا جماعة قوموا ، ما تستقلّش ، ربنا اللى بيفتح ربنا الفتّاح ، ربنا الوهّاب ... قومي ... قومي ومتعرفيش ربنا هيجيب على إيدك خير أدّ إيه ؟؟ قوم ومتعرفش مستقبلك وحياتك هتفرق أدّ إيه !!! قوموا ... وقوِموا

الشباب المحطمين قوّموا الناس ، قوّمي صاحبتك المتبرجة ، وكمّلي حجابك ونقابك قومي ... قوم كسّر شرايط الأغاني

قوم ... قوم اسمع عن ربنا ... اسمع كلام ربنا ، كلام دين ربنا ، قوموا ... يا جماعة عشان نبدأ صفحة جديدة ويبقى رمضان اللي فات كان بداية ويبقى إن شاء الله بإذن الله رمضان اللي جاي هييجي وإحنا أطهر أمّة على وجه الأرض ، وإحنا أعظم أمّة

أنا جاي أقول لك رسايل ... جاي أقول لكل واحد راح عليه رمضان أو كسّل في رمضان الفرصة ما خلصتش ، لسّه عشر ذو الحجة ،ولسّه الحج

أوعى تيأس بس ... أوعى مدام صحيفتك متقفلتش ... مدام ممتش ... مدام الشمس ما طلعتش من مغربها ... لسّه قوم

قوم ... أنا جاي أقول لكل واحد إجتهد في رمضان أوعى تريّح " فَإِذَا فَرَغْتَ فَانْصَبْ "الشرح : 7 أوعى تنام ، يلّا يلّي وقعت قوم ... قوم وقول يا رب بقلبك

يلّا يلّي إتصدمت بعد رمضان قوم يا حبيبي إتصدمت إيه هو الواقع هيتغير وإحنا نايمين ... الوضع هيتغير لمّا نخرجلوا وتغيّره !!!

يلّا يلّي أُحبط بعد رمضان ... يلّا يلّي نمت بعد رمضان ... يلّا يا أمّة محمد ... يلّا يلّي عايز تجتهد بعد رمضان نرفع إيدينا مع بعض ونقول .... يـــا رب

يا رب أنتَ المستعانُ وإننا أبداً لفضلِكَ عالةٌ فقراءُ

نرجوك في كل الأمور وما لنا في غير منك يا كريم رجاء

نرجوك في كل الأمور وما لنا في غير منك يا كريم رجاء

أنت الغني و ما لجودك منتهى بيديك سر الخلق والإحياء

نرجوك في كل الأمور وما لنا في غير منك يا كريم رجاء
أنت الغني و ما لجودك منتهى بيديك سر الخلق والإحياء

للتحميل

لازم تحملووووه والله
لااازم

هذا من فضل ربى

===============

مقطع كنت براجعه أثر فيا جدا جدا
فحبيت أشاركم معايا
اللهم جازى كل من شارك فى هذا المقطع سواء من حيث صناعته أوتفريغه أومراجعته أو تنسيقه كل خير يا رب العالمين
اللهم اغفر لهم وارحمهم واعفو عنهم ياااااااااااااارب وجميع المسلمين يا رب العالمين

يلا نرفع إيدنا مع بعض ونقول

يـــــــــــــــــــــــــــــــــــــــــــــــــ ــــــــــــــــــارب