ملتقى مونمس ® - وسائل علاج زهق البنات ادخل وشوف على فكره للبنات فقط

بسم الله الرحمن الرحيم

امابعد:

هاذي وسائل لعلاج الزهق داخل البيت؛وعلى فكره تراها للبنات

لان الولد اذا زهق ركب سيارته وانقلع يفرفر
------------------

1-امسكي التلفون وكلمي صديقه من زاامان ماكلمتيها واسترجعوا
ذكرياتكم مع بعض اول..منهاراح تمشين وقتك ومنها راح تجددون علاقتكم ومنها تشغلين التلفون 12 ساعه.

2- اطلعي الحوش ولا السطح وفرشيلك فرشه وانسدحي على ظهرك وتاملي النجوم وسترخيييييي وتاملي؟؟؟!!!

3- قصي اطراف شعرك..كل ما زهقتي روحي عند المرايه وقصي الاطراف(بس شوي شوي منها)..اراهن انكم بتصلعون على هالحاله.

4-امسكوا المسجل..ودوروا فيه بالبيت وسجلوا اصوات العائله وهم يسولفون وسجلواصوت شخير الوالدوسجلو صوت الهواشات وكل شيء..

5- روحوا السوبر ماركت وامسكوا العربيه ودوروا فيها وصقعوا بخلق الله وقولوا :اووه اسفه مادريت.

6- امسكي ريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي.

7- تحدوا انفسكم تقعدون نص ساعه كامله بدون ماتتكلمون مع اي احد او تفتحون فمكم.. نص ساعه طبعا بوجود الجميع(مااحديقدر يسويها)

8-امسكي منشفه وفكي الشبابيك ونظفيهم.

9- سوي عصير برتقال واشربيه ؟؟؟

10- خذي مجلات قديمه واقعدي قصقصي صور ولزيقيها بلوحه ( بتطلع المواااااهب)

11-اقراي مجلة اطفال (ميكي و ماجد)

12-البسي ملابس رجال ثوب وغتره وخرعوا اهلكم !!

13-اطلعي حوشكم.. والعبي كوره.. وكسري انوار البيت.

14-افتحي نوتة التلفونات واختاري ارقام من العائله ودقي عليهم وسوي حركة صلة رحم..

15- نظفو اماسنجركم... سووا ديليت للناس اللي من زمان عنهم مادخلوا..وبلوك للناس الثقيلين الدم.

16- روحوا مواقع بطاقات وكاردات وارسلوا لصديقاتكم.

17-الفي مسجات جوال ونكات ماسنجر..خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر وكتبيها بورقه.

18-ادخلي غرفتك وحطي مكياج كاامل كانك رايحه لعرس ولطخي وجهك تلطخ وتصوري.. حركه صح؟ كخخخخخ

19- امسكي دفتر تلوين اطفال واقعدي لوني... كخخخ

20- اذا زهقتي افتحي دولاب ملابسك واقعدي قيسي ملابسك بدله ورا الثانيه<<يمكن يجي الصبح ونتي ماخلصتي من كثرهم.

21- روحي المطبخ سوي كيكه(هذا وجهي اذا احد اكلها)

22-سوي ايميل جديد واقعدي العبي على اللي تعرفينهم.

23-تعلموا لغه غريبه..مثلا كلمات معينه باحد اللغات واقعدو ا اكشخوا فيهم وتفلسفوا فيهم.

24-اركبي السياره وهي موقفه جوا البيت وكانك تسوقين.

25- اطلعي وانزلي الدرج عشرين مره.. منها تتمشين ومنها تنحفين <<ذبحتكم القعده والفضاوه.

26- اقعدي على الكمبيوتر وحوسيه زي العاده.

27- اطلعي الحوش.. وصيديلك حشره لطيفه( عنكبوته مثلا)وحطيها بعلبه واقعدي راقبيها..بس:لاتخلونها وقت طويل عشان ما تتعذب<<< والله من العطف عنكم يالبنات

كيف النصيحه انشاء الله تعجبكم

تحياتي :G-Dragon
ملاحضه:اول موضوع لي