ملتقى مونمس ®

ملتقى مونمس ® (https://monms.com/)
-   منتدى العلوم الدينية و الدروس الفقهية (https://monms.com/m8/)
-   -   كيف تخشع في الصلاة (https://monms.com/t17162.html)

deeabolbol 07-26-2011 10:36 PM

كيف تخشع في الصلاة
 
عايز اخشع فى الصلاة مش عارف انا نفسى و انا بصلى اكون خاشع جدا انا بسرح انا مش عارف الناس اللى بتبكى فى الصلاة بتبكى ليه انا نفسى ابئاه كده, السؤال ده هنخلى فى الأخر احنا هنكلم على الناس اللى مبتخشعش علشان نشوف اد ايه الموضوع صعب دى حاجة وحشة اوى انك ماتخشعش كان مره الرسول(ص) فى المسجد فدخل اعرابى و صلى و سلم على النبى (ص) فقال له النبى اذهب فصلى فأنك لم تصلى فصلى الاعرابى تانى و رجع و الرسول قاله نفس الكلام فصلى كمان مرة فحصلت الحكاية دى 3 مرات و بعدين قال الاعرابى ده احسن حاجة عندى علمنى ازاى اصلى فقال له الرسول اذا قمت الى الصلاة فكبر ثم اقرأ ما تيسر معك من القرءان ثم اركع حتى تطمئن راكعا انتوا عارفين لما يكون فيه زجاجة مياه غازية و ترجها و بعدين تسبها لحد ما كل حاجة فيها تهدى و تستقر و ترجع مكانها انت المفروض تبئة حاسس كده و انت بتصلى "حتى تطمئن راكعا" اطمنت تماما جوارحت اطمنت و القلب كأن الدم فيه سكن ثم ترفع حتى تعتدل قائما ثم تسجد حتى تطمئن ساجدا ثم تجلس حتى تطمئن جالسا شايفين كلمة تطمئن ماشية معانا ازاى و تسجد مرة اخرى حتى تطمئن ساجدا و تعيد ذلك فى صلاتك كلها.
الستات اللى بتصلى و هو بتصلى تشوف ابنها بيعمل حاجة غلط فتبرألوا و تقول الله اكبرعلشان يخاف فيبوصلها فتهز راسها و تكمل صلاة واو تبص على حتة فى البيت تلائيها مكركبة فتقول اول ما اخلص صلاة حارتبها او اللى و هو ساجد يسمع جون فيقوم من السجدة بسرعة و يطول بين السجدتين علشان يشوف الأعادة فى التلفزيون طيب ده حايخش ازاى علشان كده عمر بن الخطاب قال ان الرجل ليصلى 60 سنة ولا يتقبل الله من سجده فيقولون كيف فيقول ولا سجد ولا ركع طالع نازل زى السوستة دى مش صلاة اذهب فصلى فأنك لم تصلى الأمام بن حنبل قال سيأتى على الناس زمان يصولن و هم لا يصلون و انى اخشى ان يكةن هذا الزمان زمانى الكلام ده كان فى القرن الثانى ولا الثلث الهجرى امال احنا دلوقتى ايه....................
انت تعبت لكن مصلتش فين الخشوع , فى القرءان مش موجودة كلمة صلى موجودة كلمة اقم الصلاة و اقم يعنى عملها و جملها و ظبتها علشان كده النبى قال ان الرجل ليصلى و لا تقبل منه الى ثلث الصلاة او ربعها او سدسها او تمنها و من نماذج الخاشعين:

النبى (ص) : يقول الصحابة كنا نسمع لجوف النبى و هو يصلى ازيز كأزيز الامواج من البكاء و كان يقول ان راحتى بها و انها قرة عينى مفيش حاجة فى الدنيا كانت بتملى عين الرسول(ص) غير الصلاة و كان يقول و هو ساجد خشع لك قلبى و عقلى و مخى و سمعى و اعصابى على فكرة العصاة ميعرفوش يعنى ايه اعصابى خاشعة دايما متعصبين و متشنجين.
كان هناك رجل اسمه سليمان الثورى يقولون عنه لو رأيته و هو يصلى لقلت انه سيموت الأن مش الرسول قلنا صلوا صلاة المودع؟
عروة بن الزبير جاله مرض فى رجلة فقلولوه انها لازم تتبتر و قالوله انهم حيديلوا مخدر قالهم لأ فقالوله طيب نجيب ناس تمسكك فألهم لأ و قالهم و انا بصلى لما اسجد اعملوا اللى انتوا عايزينوا برجلى و فعلا ابتدوا يقطعوا و هو ولا بيصرخ ولا حاجة بيقول لا اله الا الله سبحان الله و ابتدى الدم ينفجر من رجله فأطروا انهم يدلؤه ماء مغلى فأغم عليه و لما فاق قاللهم انى ماحستش بحاجة غير بالماء المغلى...........
الناس مراتبها فى الصلاة 5 و هم:
1. مش محافظ على وضوء ولا معاد الصلاة ولا اركانها الظاهرة بيهرش و يتلفت و مش مركز خالص و ده يعاقبه الله لعدم ادبه معه يعنى هو لوواحد فى مقابلة عمل حيعمل كده يروح مش نظيف و متأخر و عمال يبص فى حتتت تانية فما بالكوا بربنا سيدنا على بن ابى طالب وقت الصلاة وشه كان بيصفر فسألوه ليه قالهم انتوا عارفين انا حأبل مين دلوقتى ربنا.
2. محافظ على وضوء و المعاد لكن مش مركز خالص و ده حسابه طويل مع ربنا.
3. محافظ على وضوء و معاد و لكن يخشع شوية و يسرح شوية فيجاهد شيطانه و ده ليه اجرين الخشوع و المجاهدة على فكرة فيه ناس كتير من النوع ده.
4. محافظ على وضوء و معاد و مركز اوى و ده اجره عظيم و حبيب الرحمن و من بيحس بحلاوة الصلاة و متعتها.
5. اللى ساب قلبه مع ربنا و هو بيصلى و بعد ما يصلى يحس ان قلبه لسه ساجد و هيه دى الصلاة اللى قال عنها النبى انها قرة عينه.


كيف نخشع:

1. نسيب المعاصى لأنها بتشوش علينا اوى.
2. نحفظ صور بنحبها من القرءان و نفهمها و نقرا تفسيرها.
3. نعرف يعنى ايه صلاة من الأول حنتوضى فيه حديث ان العبد و هو بيتوضى الذنوب بتخرج من تحت ظوافره و تحت عينه و من ودانه فدى لوحدها تخليك خاشع و بعدين نتوجه للقبلة حاول تتوجه للقبلة بقلبك قبل جسمك و بعدين نقول الله اكبر يعنى ربنا اكبر عندنا من اى حاجة و بعدين نقرا الفاتحه و ما تيسر من القرءان و بعدين نركع و نحس و احنا بنقول سبحان ربى العظيم ان ربنا فعلا عندنا عظيم و هو مالك الكون و بعدين نطلع و نحمد ربنا لأنه خلقنا قائمين مش زى الحيوانات و بعدين نسجد و نحس بالذلة و الخضوع لله و احنا ساجدين.

هذه المحاضرة للأستاذ عمرو خالد

اذكار بعد الصلاة
استغفر الله
اللهم انت السلام و منك السلام تباركت يا ذا الجلال و الأكرام
لا اله الا الله وحده لا شريك له , له الملك و له الحمد و هو على كل شئ قدير, اللهم لا مانع لما اعطيت ولا معطى لما منعت ولا يفع ذا الجد منك الجد لا حول ولا قوة الا بالله لا اله الا الله ولا نعبد الا اياه له النعمة وله الفضل و له الثناء الحسن لا اله الا الله مخلصين له الدين و لو كره الكافرون.
من قرأ اية الكرسى"الله لا اله الا هو الحى القيوم له مافى السموات و ما فى الأرض من ذا الذى يشفع عنده يعلم ما بين ايديهم و ما خلفهم ولا يحيطون بشئ من علمه الا بما شاء وسع كرسيه السموات و الارض ولا يؤوده حفظهما و هو العلى العظيم" بعد كل صلاة لا يمنعه من دخول الجنه الا ان يموت.
المعوذات

هٍقٌآآآوٍيَ 07-27-2011 08:35 PM

رد: كيف تخشع في الصلاة
 
مشكو
اخي
الله
يكثر
من
امثالك

sakora ha 07-29-2011 02:02 PM

رد: كيف تخشع في الصلاة
 
مشكووووووووووور اخي
يعطيك الف عااافية
جوزيت خيرا
وجعلها الله لك في ميزان حسناتك
تحياتي ~

Critically 07-31-2011 11:22 AM

رد: كيف تخشع في الصلاة
 
شكراا على طرحك ويعطيك الف عاافيه
تقبل مروري ،،

كهف الاحزان 07-31-2011 05:42 PM

رد: كيف تخشع في الصلاة
 
يسلمووووووو

آمو تشان 07-31-2011 05:43 PM

رد: كيف تخشع في الصلاة
 
مشكوووور وماتقصر يعطيك العااافيه

تقبل مروري وانتضر جديدك

ώ ђ м❥« 08-03-2011 11:18 PM

رد: كيف تخشع في الصلاة
 
يسلموو

omarhessouka 08-04-2011 02:29 PM

رد: كيف تخشع في الصلاة
 
نورتنااا أخي بطرحك
الله ينورك و يجاازيك ألف خيررر

MaGn0M 08-04-2011 02:42 PM

رد: كيف تخشع في الصلاة
 
مشكووور يا اخي
وما قصرت ابدااا

ABU.3SKOOR 08-04-2011 04:11 PM

رد: كيف تخشع في الصلاة
 
يسلموووووووووووووو
يعطيك الف عافية على الموضوع الرائع


الساعة الآن 11:02 AM

Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لموقع مونمس / " يمنع منعاً باتا المواضيع السيئة المخالفة للشريعة الإسلامية" التعليقات المنشورة لا تعبر عن رأي المنتدى وإنما رأي الكاتب نفسه


Search Engine Friendly URLs by vBSEO 3.6.0