ملتقى مونمس ®

ملتقى مونمس ® (https://monms.com/)
-   المنتدى العام (https://monms.com/m26/)
-   -   خاطرة8 (https://monms.com/t14793.html)

الملاذ الاخير 06-30-2011 02:28 AM

خاطرة8
 
يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

الحــ حروف ــب

&ورد الجوري& 06-30-2011 02:31 AM

رد: خاطرة8
 
شكرا الك

miranda cosgrove 06-30-2011 02:32 AM

رد: خاطرة8
 
مشكوووووووووور طرح راائع يسلمؤؤؤؤؤ

mad 4 ever 06-30-2011 02:36 AM

رد: خاطرة8
 
يعطيك العافيه مشكوووره ع الخاطره يمكن استفيد منها ^ ^

JoOoJoOo 06-30-2011 02:57 AM

رد: خاطرة8
 
يسلمو

ويعطيك الف عافية اخوي

على مجهودك الجميل

تقبل مروري

آنين الذكريات 06-30-2011 04:10 AM

رد: خاطرة8
 
كلمااااااااااااات راائعه وومؤؤثرره يسلموو ع مجهووووووودك الراائع

وودمت بووود^^

Korea Girl 08-21-2011 09:33 AM

رد: خاطرة8
 
شكرا الصراحه كول الخواطر حقتك مشاء لله حلوه وراح اكون متابعه


الساعة الآن 06:09 PM

Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لموقع مونمس / " يمنع منعاً باتا المواضيع السيئة المخالفة للشريعة الإسلامية" التعليقات المنشورة لا تعبر عن رأي المنتدى وإنما رأي الكاتب نفسه


Search Engine Friendly URLs by vBSEO 3.6.0