ملتقى مونمس ® - قصة قصيرة رعب

هذا الله يسلمكم عند الوالد صورة كبيرة فيها وشق عاد انا راسي والف سيف اشيلها حالي ...شلتها وعلقتها في غرفتي في مكان عالي يعني اذا طاحت بينكسر الفريم مالها ...مرت الايام ودومني احس نفسي مو مرتاحة في الغرفة

فيوم دشيت الغرفة حصلت الصورة في الارض وما منكسرة ومحطوط مسمارها فيها ...اشتغربت قلت ما احد دش غرفتي ...كيف كذا!!!

المهم طنشت السالفة قلت صديقاتي اكيد مسويات فيني مقلب!!!!

مرت كم يوم وكنت قافلة الغرفة ومتأكدة ما حد دخل فيها ...دخلت بعد ما فتحتها ...والمفاجأة حصلت الصورة مسنودة على جدار الطاولة ومسمارها على سطح الطاولة
يعني لو كانت طايحة كان المسمار بيطيح في مكان ثاني ما هناك وهي بتنكسر لانها زجاجية والمكان الموجودة فيه عالي

المهم خفت وقمت اصرخ لصديقاتي انهن يجين الغرفة وفعلا استغربن من اللي صار وعرفت ان هذا ما مقلب منهن

وقمت بعصبية ودخلتها فكيس ورجعتها البيت ومن يومها وانا اكرهها واكره اشوفها