عـــــريس أون لايـن ....سلسلة "حــــواء الجميلـة"

[همسات مسلمة]

بسم الله الرحمن الرحيم
السلام عليكم ورحمة الله وبركاته
[/URL]http://desk.blueidea.com/QTZY/GIF/gif_icon/194.gif (http://www.monms.com/vb)http://desk.blueidea.com/QTZY/GIF/gif_icon/194.gif (http://www.monms.com/vb)http://desk.blueidea.com/QTZY/GIF/gif_icon/194.gif (http://www.monms.com/vb)http://desk.blueidea.com/QTZY/GIF/gif_icon/194.gif (http://www.monms.com/vb)http://desk.blueidea.com/QTZY/GIF/gif_icon/194.gif (http://www.monms.com/vb)

كيف حالكن أخواتى الحبيبات
عضوات وزائرات مونمس الكريمات؟

اليوم بإذن الله تعالى سأقدم لكُن
الحلقة الثالثة مــن:



http://www12.0zz0.com/2012/10/04/23/800459220.png (http://www.monms.com/vb)




ومن خلال هذه السلسلة سنكون معاً فى عالمنا الخاص
عــــالــــم حــــــواء
نفيد ونستفيد
ونضحكـ ونمرح ونفتح قلوبنا
نناقش بوعى المرأة المسلمة
ونرد بفهم وتدبر ونضيف المزيد والمزيد
فهذا الطرح أخواتى فى الله لكم وبكم ..

سيكون معنا فى حلقة اليوم:
http://files.maas1.com/images_cache/120512151524sG59.gif (http://www.monms.com/vb)

http://files.maas1.com/images_cache/120512151524sG59.gif (http://www.monms.com/vb)
http://files.maas1.com/images_cache/120512151524sG59.gif (http://www.monms.com/vb)هل تسرحين شعركـ قبل النوم؟


http://files.maas1.com/images_cache/120512151524sG59.gif (http://www.monms.com/vb)لأيـــــــــدى ناعمـــــــة

http://files.maas1.com/images_cache/120512151524sG59.gif (http://www.monms.com/vb)حـــــواء الأنيقة

http://files.maas1.com/images_cache/120512151524sG59.gif (http://www.monms.com/vb)كيف تحافظين على عطـــــــوركـ

http://files.maas1.com/images_cache/120512151524sG59.gif (http://www.monms.com/vb)عــــــــريس أون لايــن

http://files.maas1.com/images_cache/120512151524sG59.gif (http://www.monms.com/vb)همسـة خـــاصة لحـــــواء

[URL="http://www.monms.com/vb"]http://files.maas1.com/images_cache/120512151524sG59.gif (http://www.monms.com/vb)

[همسات مسلمة]

http://jewelsuae.com/gallery/data/media/14/v_8_3.gif
هل تُسرحين شعركـ قبل النوم؟
http://desk.blueidea.com/QTZY/GIF/gif_icon/194.gifhttp://desk.blueidea.com/QTZY/GIF/gif_icon/194.gifhttp://desk.blueidea.com/QTZY/GIF/gif_icon/194.gifhttp://desk.blueidea.com/QTZY/GIF/gif_icon/194.gif

إن الكثير من الفتيات يهملن الاعتناء بشعرهنّ قبل النوم، ويتركوه على هيئته دون تصفيفه او تسريحه؛ مما قد يسبب العديد من المشاكل والتجعّدات المستقبلية في الشعر، إلا أن هناك العديد من فوائد تسريح الشعر قبل النوم، وهي:

[/URL]http://files.maas1.com/images_cache/120512151524B16C.gif (http://www.monms.com/vb)ينبغي تسريح الشعر عدة مرات خلال اليوم، وذلك خلال تصفيفه فقط لأن التسريح دون ضرورة يجعل الشعيرات الضعيفة تتساقط بسرعة.
http://files.maas1.com/images_cache/120512151524B16C.gif (http://www.monms.com/vb)إن تنظيف الشعر تمامًا يكون بغسله عدة مرات، أمرٌ غير صحيح لأن غسل الشعر بالشامبو مرة واحدة ينظفه بدرجة كافية.
http://files.maas1.com/images_cache/120512151524B16C.gif (http://www.monms.com/vb) شطف الشعر بالماء البارد يقويه ويمنحه لمعانًا وبريقًا.
http://files.maas1.com/images_cache/120512151524B16C.gif (http://www.monms.com/vb) يجدد تسريح الشعر الدورة الدموية، فذلك من دواعي تسارع الدم إلى الجذور وتغذيتها، كما يجعل نمو الشعر أسرع وهذا ما أثبته العلم الحديث.
http://files.maas1.com/images_cache/120512151524B16C.gif (http://www.monms.com/vb) إن نزع الشعرات الرمادية أو البيضاء بعنفٍ لا يؤدي إلى عودتها أو تزايدها، ولكن نزع الشعر بالشد عادةٌ سيئةٌ وتؤذي جذور الشعر وتؤثر على نموه.
http://jewelsuae.com/gallery/data/media/14/v_31.gif (http://www.monms.com/vb)
لأيـــــــــدى ناعمـــــــة
http://files.maas1.com/images_cache/1205121515242VuE.gif (http://www.monms.com/vb)http://files.maas1.com/images_cache/1205121515242VuE.gif (http://www.monms.com/vb)http://files.maas1.com/images_cache/1205121515242VuE.gif (http://www.monms.com/vb)http://files.maas1.com/images_cache/1205121515242VuE.gif (http://www.monms.com/vb)http://files.maas1.com/images_cache/1205121515242VuE.gif (http://www.monms.com/vb)


يستخدم النشا منذ قديم الأزل لعلاج مشاكل تشقق وجفاف اليدين خصوصا خلال فصل الشتاء وفصل الخريف نتيجة تعرض اليدين للعوامل البيئية القاسية بالاضافة الى تعرضها للشمس والكيماويات الضارة , جربي الطريقة التالية لتحصلي على أيدي ناعمة ومثالية.
النشا وزيت الزيتون لأيدي ناعمة وجميلة:


أولاhttp://files.maas1.com/images_cache/1205121515242VuE.gif (http://www.monms.com/vb) اغسلي يديكي جيدا جدا قبل النوم
بالماء والصابون.


ثانياhttp://files.maas1.com/images_cache/1205121515242VuE.gif (http://www.monms.com/vb) أحضري وعاء عميق وضعي فيه
ثلاث ملاعق من النشا وملعقة من الماء واخلطيهم معا ثم أضيفي الى الخليط ملعقة من عصير الليمون .


ثالثاhttp://files.maas1.com/images_cache/1205121515242VuE.gif (http://www.monms.com/vb) استخدمي الخليط لتدليك اليدين جيدا واتركي الخليط لمدة نصف ساعة ثم اغسلي يديكي بالماء الفاتر.


رابعاhttp://files.maas1.com/images_cache/1205121515242VuE.gif (http://www.monms.com/vb) ضعي القليل من زيت الزيتون على اليدين مع التدليك المستمر لمدة عشر دقائق وارتدي بعد ذلك قفازات قطنية واتركيها حتى الصباح.


خامساhttp://files.maas1.com/images_cache/1205121515242VuE.gif (http://www.monms.com/vb) اغسلي يديكي في الصباح وضعي طبقة من كريم مرطب مناسب أو الفازلين لتحصلي على أيدي ناعمة وجميلة وتتخلصي تماما من مشاكل الجفاف والتشقق.
http://jewelsuae.com/gallery/data/media/14/v_31.gif (http://www.monms.com/vb)
حـــــواء الأنيقة
http://files.maas1.com/images_cache/120512151524sG59.gifhttp://files.maas1.com/images_cache/120512151524sG59.gifhttp://files.maas1.com/images_cache/120512151524sG59.gif
لأناقتكـ غاليتى إليكِ مجموعة
من الساعات الأنيقة


http://www.hawaa.com/wp-content/uploads/2012/09/147-170x300.jpg (http://www.monms.com/vb)

http://www.hawaa.com/wp-content/uploads/2012/09/232-170x300.jpg (http://www.monms.com/vb)http://www.hawaa.com/wp-content/uploads/2012/09/534-170x300.jpg (http://www.monms.com/vb)http://www.hawaa.com/wp-content/uploads/2012/09/630-170x300.jpg (http://www.monms.com/vb)http://www.hawaa.com/wp-content/uploads/2012/09/727-170x300.jpg (http://www.monms.com/vb)

http://www.hawaa.com/wp-content/uploads/2012/09/335-170x300.jpg (http://www.monms.com/vb)http://www.hawaa.com/wp-content/uploads/2012/09/432-170x300.jpg (http://www.monms.com/vb)




[URL="http://www.monms.com/vb"]http://jewelsuae.com/gallery/data/media/14/v_15_3.gif (http://www.monms.com/vb)
كيف تحافظين على عطـــــــوركـ

http://files.maas1.com/images_cache/120512151524w8Em.gif (http://www.monms.com/vb)http://files.maas1.com/images_cache/120512151524w8Em.gif (http://www.monms.com/vb)http://files.maas1.com/images_cache/120512151524w8Em.gif (http://www.monms.com/vb)http://files.maas1.com/images_cache/120512151524w8Em.gif (http://www.monms.com/vb)http://files.maas1.com/images_cache/120512151524w8Em.gif (http://www.monms.com/vb)


هناك بعض الأسس والقواعد التي يجب أن تتعرفي عليها لتحافظي على عطورك المفضلة وتزيدي من قوة رائحتها , لأن العطور اذا خزنتيها بالطرق غير الصحيحة قد تتغير رائحتها كثيرا وتصبح ضعيفة لذا تعرفي معنا على أفضل النصائح لتحافظي على عطورك المفضلة.
نصائح هامة لتخزين العطور:
http://files.maas1.com/images_cache/120512151524w8Em.gif (http://www.monms.com/vb)أولا: لابد أن تختاري زجاجة داكنة اللون ومحكمة الغلق لعطورك المفضلة لأن تعرض العطر للهواء أو ضوء الشمس قد يتسبب في تغير رائحتها كثيرا وضعفها مع الوقت.


http://files.maas1.com/images_cache/120512151524w8Em.gif (http://www.monms.com/vb)ثانيا: يفضل أن تختاري عطورك المفضلة في الزجاجات الداكنة المناسبة لأن نقل العطر من زجاجة لأخري يتسبب في تعرضها للهواء والضوء فتتكسر وتتغير رائحتها.


http://files.maas1.com/images_cache/120512151524w8Em.gif (http://www.monms.com/vb)ثالثا: لا تحتفظي بالعطور في المناطق ذات الرطوبة العالية مثل الحمام.


http://files.maas1.com/images_cache/120512151524w8Em.gif (http://www.monms.com/vb)رابعا: ابعدي العطور أيضا عن المناطق ذات الحرارة العالية مثل المطبخ ولكن أيضا لا تضعيها في الثلاجة لأنها تحتوي على رطوبة عالية ويكفي أن تحتفظي بها في غرفة ذات درجة حرارة مناسبة.


http://files.maas1.com/images_cache/120512151524w8Em.gif (http://www.monms.com/vb)خامسا: أفضل الأماكن التي يمكن أن تحتفظي فيها بعطورك المفضلة هو خزانة الملابس لأنها لا تتعرض للضوء كثيرا ودرجة حرارتها مناسبة.

[همسات مسلمة]

من خلال هذه الفقرة أرجو أن أوفق فى
رسم ابتسامة على شفاهكن
فقرتنا هى عبارة عن قصة ممتعة قرأتها
فجـــــزى الله كاتبها خيراً
ورغم طول الفقرة إلا أنها ستعجبكن بإذن الله.

[/URL]http://files.maas1.com/images_cache/120512151524JZT1.gif (http://www.monms.com/vb)عــــــــريس أون لايــن

تخيلوا واحدة داخلة لأمها تقولها أن فى واحد هيتقدملى قُريِّب 000أكيد امها تفرح قوى

بس المشكلة لما الأم تسأل البنت عرفتيه منين؟


دة يابت البنت ترد وتقول


,,,,,,,,,,,,,,,,,,,,,,,,,
تركت عفاف الكمبيوتر التى تقضى عليه معظم وقتها فجأة وصرخت بصوت عالى


من النت يا ماما



طبعا الأم هتعمل كدة http://forum.islamstory.com/images/smilies/eek.gif (http://www.monms.com/vb) http://forum.islamstory.com/images/smilies/eek.gif (http://www.monms.com/vb) http://forum.islamstory.com/images/smilies/eek.gif (http://www.monms.com/vb) [URL="http://www.monms.com/vb"]http://forum.islamstory.com/images/smilies/eek.gif (http://www.monms.com/vb)

خصوصا وهى لا تفقه أى شىء فى الكمبيوتر سوى أنه جهاز يلعب عليه الأولا

تعالوا نشوف عفاف وهى بتقول لأمها ان فى عريس راح يتقدم لها من النت.


مااااما 0000يا مااااااااااااااااااماااااااااااااااا



الأم:إيه يابت بالراحة إخواتك نايمين!


عفاف:معلشى يا ماما أصلى فرحانة 0000000فرحانة قوى


الأم: خير يا بنتى 000فرحينى ربنا يفرح قلبى


عفاف: عريس يا ماما عريس!!!!


الأم(فرحة): يا ألف نهار أبيض000يا ألف نهار مبروك


لولولولولولولولولولولولولولوى


وبعد دقيقتين أحضان وقبلات تذكرت الأم!


الأم: ألا قوليلى يابت 00000عريس مين دة الى هيتقدملك 00وماقلتليش من ساعة ما جيتى من الجامعة ليه؟


عفاف:لأنى لسة عارفة دلوقتى حالا يا ماما


الأم(بإستغراب): عرفة دلوقتى حالا؟!!!! عارفة منين يابت دة انتى لسة قايمة من قدام الكبورر!!!!!


عفاف(ضاحكة): كبورر إيه بس يا ست الكل00000اسمه كمبيوتر!


الأم:مش مهم!000المهم عرفتى ازاى ؟ 0000ومين أصلا العريس دة000يعنى جاى منين؟!


عفاف:من النت يا ماما


ظلت الأم المسكينة تنظر لابنتها فى بلاهة وهى تراجع كل ما تعرفه من كلمات ولم تجد لكلمة النت أثر بينها!!!!!!!


فسألت عفاف


الأم: النت ؟!!0000ودى تبقى فين دى يا بت؟ !
عفاف: فين ازاى يا ماما؟
الأم: يعنى فينها من الوايلى الى احنا فيها؟!!!!!!


تركبيلها مترو ولا اتوبيس ولا تأخديها تاكسى 0000اوعى يابت يكونوا بيروحولها بالقطر؟!!!!!


عفاف(ضاحكة): إيه يا ماما الى انت بتقوليه دة؟! مترو إيه وقطر إيه؟! 00000دة النت!


الأم: أيوة يا بنتى عرفنا انه الزفت!!!! بس دة موقعه فى أنى بلد بالضبط؟!


عفاف:فى كل البلاد يا ماما!


الأم: انتى اتهبلتى يا بت؟! 000000يعنى إيه فى كل البلاد؟


عفاف: يا ماما 000النت دة عبارة عن كمبيوتارات كتير حولين العالم وفيه معلومات كتير قوى عن حاجات ياما!


الأم:معلومات ايه يبت انتى 000هو انتى هتتجوزى دايرة المعارف؟!


عفاف:المهم يا ماما ان فى واحد متقدملى عن طريق النت



الأم: ودة اتقدم ازاى يعنى؟!



عفاف: بعتلى إيميل!!!!



الأم(فى ذهول): إيميل؟! 0000بعتلك إيميل جارنا المسيحى؟!!!!!!



وإزاى يا بت تقبلى تتكلمى مع الى اسمه إيميل دة0000وهو مين عشان الزفت بتاعك دة يبعته لينا!!!!!




عفاف(فى سرها) طب أفهمها إزاى دى بقى؟!!



عفاف:يا ماما اهدى 0000إيميل جارنا مين بس!



الأم: مش انتى الى بتقولى يابت!



عفاف:إيميل يعنى جواب 000بس عالنت!



الأم: برضه هتقولى عالزفت! يابنتى أنا مش فاهمة البتاع الى بتتكلمى عليه دة!



عفاف:النت دة ياماما حاجة فى الكمبيوتر 000ممكن نبعت فيها رسائل لناس برة ونستقبل منهم رسائل برضه
دة غير حاجات كتير



الأم:أنا ماليش فى الكلام دة!0000الى عاوزة أعرفه هو مين ومعاه شهادة ولا لأ؟ وأصله إيه وفصله إيه؟!



عفاف:هو اسمه حاتم! وطاالب فى هندسة حاسبات و0000



قاطعتها الأم



طالب؟!!!!!!



عفاف: أيوة ياماما بس فى آخر سنة
الأم:بصى أنا ماليش دعوة أنا هتصل بأبوكِ وهو يتصرف


اتصلى بيه انتى عالموبايل وأنا أكلمه00000زمانه عالقهوة!!!!!

وفى قهوة المعلم حسنين رن الموبايل بتاع عم حلاوة العنتبلى الجزار



حلاوة العنتبلى(بصوت خشن): أيوة000مين؟



الأم: أنا يا معلم



العنتبلى: عاوزة إيه يا ولية؟!!!



الأم: تعالى يا خويا شوف بنتك جايلها عريس من النت !!!



العنتبلى: بتقولى منين ؟!!!!



الأم: من النت يا حاج!



العنتبلى: يعنى إيه ؟! فهمينى



الأم: ياخويا لما أفهم أنا أبقى أفهمك!000تعالى اسألها بنفسك!



العنتبلى: ماشى000هخلص دور الطاولة دة وآجى على طول



ثم أغلق الموبايل وأخذ يكلم نفسه!



نت!000دة يطلع إيه دة كمان؟! 00تكونشى الولية مراتى اتهبلت؟!!!!!



بس هى ناقصة هبل ؟ ماهى مهبولة من يومها!



مالك يا معلم حلاوة ؟!00000انت بتكلم نفسك ولا إيه؟!



سأله صاحبه الذى يلاعبه الطاولة هذا السؤال فانتبه المعلم حلاوة وقال


العنتبلى: قولى يا زينهم000بما إنك متعلم ومتنور ومعاك تالتة إبتدائى!!! 0000يطلع إيه النت دة؟!


طبعا المعلم زينهم اترسم بقى وأخذ وضع فخر وعزة وهو يجيب


وإنت إيش عرفك بالأشكال دى يا معلم؟!


العنتبلى: أهو عرفت وخلاص


زينهم: والله يا معلم حلاوة أنا سمعت مرة البت بنت أخت عمة جار خالتى! بتقول انها شافت عالنت صور لمذابح بتحصل فى العراق!


العنتبلى: آآآآآآه0000يعنى زى تليفزيون كدة يعنى!


زينهم: لا يا معلم مش زى التليفزيون0000وإنما تقدر تقول عليه جرايد بس بتتشاف عالكمبيوتر!


العنتبلى: يا دين النبى! معقولة ياد الجرنال يدخل عالشاشة الصغيرة دى؟! طب بيدخلوه إزاى؟!


زينهم(عامل فيها فكيك بقى!): مش فى فتحات ورا فى الشاشة يا معلم؟!000أكيد بيدخلوا الجرنال منها!


العنتبلى:أكيد الناس دى فاضية وموراهاش أى حاجة تعملها!


زينهم: هو كدة بالضبط يا معلم!0000بس ليه دة كله؟!


العنتبلى: أصل الولية مراتى بتقولى بنتك جايلها عريس من النت!


زينهم: ألف مبروك يا معلم00000أكيد تقصد ان متقدملها صحفى!!!!!!!!!


العنتبلى(مبسوط): بجد ياد يا زينهم؟!


زينهم: طبعا يا معلم 0000ماهو زى ما قلتلك النت عبارة عن جرايد عالكمبيوتر يبقى قصدها ان واحد جرنالجى اتقدملها!


مبروووك يا معلم!


كدة ممكن تعمل دعاية للمحل بتاعك فى الجرنال! وتطلع صورك انت والعجل فى صفحة الحوادث!


العنتبلى: طب العب يا وش السعد العب!


رمى زينهم الزهر ثم صرخ


دش!!!0000راحت عليك يا معلمى!

عفاف: يا ماما افهينى عشان خاطرى000العريس دة لقطة ومافيش زيه فى النت!0000أنا حبيته من كتاباته!



الأم: كتاباته ؟!0000هو مؤلف؟!



عفاف: مش مؤلف قوى يعنى بس00000بيكتب عالنت!



الأم: ودة بيكتب فى إيه بالضبط؟



عفاف:لا لا يا ماما 0000دة ما شاء الله مخلاش حاجة إلا لما كتب عنها



الأم (بخبث): آآآآه000مين يشهد للعروسة؟!!



عفاف: لا والله ياماما بكلمك جد



الأم(بصوت عالى): اسمعى يا بت انتى000انا لا أعرف نت ولا كتابات!أبوكى زمانه جاى هو يتصرف معاكى



عفاف(فى سرها):ماهى دى المصيبة!


دخل المعلم حلاوة العنتبلى فى هذه اللحظة مبتهجا

العنتبلى: مساء الخير!

الأم: يسعد مساك يا خويا! 0000تعالى شفلك حل فى بنتك دى

العنتبلى: خير يا بنتى؟

عفاف:أبدا يا بابا 000مش إنتوا عاوزينى أتجوز 000أهو جالى عريس ومع كدة ماما مش عاجبها

العنتبلى: أكيد مش عاجبها عشان جاهلة!0000 سيبك منها وقوليلى إيه الحكاية؟

عفاف: فى واحد طلب إيدى عن طريق النت وقالى إنه جاد فى طلبه ومستعد ييجى فى أى وقت

العنتبلى: عال عال! 0000وإيه كمان؟!

عفاف: يعنى انت مش معارض يا بابا؟

العنتبلى: وأعارض ليه يا بنتى هو أنا أيمن نور؟!!! دة حتى اتسجن أعمل زيه؟!

عفاف(فى فرح):طب أرد عليه أقوله إيه؟

العنتبلى: على أيمن؟!!!!!!!!!

عفاف:لا لا يا بابا أنا قصدى حاتم!

العنتبلى(بصوت خشن): حاتم ميييييين؟

عفاف: العريس يا بابا!

العنتبلى: آآآه مش تقولى كدة من الصبح000قوليلى الأول هو بيكتب فى أنهى صفحة؟!

عفاف: ياااه يا بابا0000دة بيكتب فى صفحات كتيرة قوى!

العنتبلى: عظيم!00000وياترى هو مشهور000يعنى الناس تعرفه؟

عفاف: أكيد يا بابا دة معروف جدا فى المنتديات

العنتبلى: فين ياختى؟!!!!

عفاف: فى المنتديات يا بابا

العنتبلى: ودى تطلع إيه دى كمان؟!

عفاف:دى صفحات عالنت يا بابا بتجمع أعضاء كتير وبيتكلموا فى مواضيع كتير

العنتبلى: يابت سيبك من النحوى دة وكلمينى كلام أفهمه!

عفاف(فى سرها):بقى دة نحوى ياعالم!

عفاف: حاضر يا بابا0000المنتديات دى زى000زى 000آه زى قعدة المصطبة كدة! كل مجموعة واخدالها ركن وعمالين يتكلموا فى حاجة معينة وبيبقى لها شروط وقوانين معينة وكدة يعنى

العنتبلى: آآآه فهمت000يعنى زى سوق العجول كدة!

عفاف(وقد فاض بها): عجول إيه بس يابا ؟!!!! بقى المنتدى زى سوق العجول؟!!!!!!

العنتبلى: جرا إيه يا بت 000مش عاجباكى العجول يا بنت عواطف؟! مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟!!!!!!

عفاف: طيب خلاص يا بابا 000المهم انه مشهور000مشهور قوى !

العنتبلى:طيب نيجى للمهم بقى0000هو عرفك منين؟!

شعرت عفاف بالرعب من السؤال فأجابك بسرعة

عفاف: لا يا بابا اوعى تفهمنى غلط0000والله ما شافنى ولا مرة حتى فى أى حتة!

العنتبلى: ماطبعا يا بنتى لأنه لو كان شافك مكانشى اتقدم أصلا!!!!

عفاف: وبعدين معاك بقى يا بابا! هو أنا وحشة قوى كدة؟

العنتبلى(مبتسما إبتسامة صفراء): يابت بضحك معاكى!000انتى زى القمر بس عيبك الوحيد انك شبه أمك!

الأم: جرالك إيه يا راجل إنت ما تتعدل فى الكلام أحسلّلك!

العنتبلى: احم احم000كنا بنقول إيه يا عفاف؟!

عفاف: كنت بتسألنى هو عرفنى منين0000عموما هو عرفنى من النت واتقدملى عن طريق النت وإن شاء الله لو وافقتم هييجى يتقدملى على طول

العنتبلى:وماله يا بنتى خليه ييجى0000عرفك من النت عرفك من السلخانة! مش فارقة المهم انه وقع على بوذه!!!!

عفاف(فى سرها): ياخوفى من ألفاظكم دى الى تطفش 100 عريس مش عريس واحد!

العنتبلى: قوليله ييجى يوم الجمعة بعد العصر

عفاف(مسرورة): حاضر يا بابا هقوله حالا

ودخلت مسرعة إلى حجرتها فاستعجب المعلم حلاوة العنتبلى وسألها

العنتبلى: هتعملى إيه يا بت؟!

عفاف: هقوله يا بابا

العنتبلى: انتى يا بت أخذتى التليفون عندك؟!

عفاف: لا يا بابا أبدا

العنتبلى: امال هتقوليله إزاى من عندك؟

عفاف: هبعتله إيميل

صرخ الأب فجأة بصوت مزعج وعالى!


وإيه الى جاب الواد إيميل عندك فى الأوضة؟!!!!

عفاف: يا بابا اهدى إيميل مين بس دة الى عندى! أنا أقصد هبعتله جواب عالنت!

تذكر العنتبلى حواره مع زينهم والورق الذى يدخل من خلف الشاشة! فقال

آه 000أنا بحسب!00المهم بلغيه بالميعاد

وقبل أن يغادر إلتفت إليها قائلا

بقولك إيه يا عفاف 000بعد ما تكتبى الجواب حطيه بالراحة عشان الشاشة ما تنفجرشى!!!!!!!


تابعته عفاف بنظرات الدهشة والحيرة وهى تقول فى نفسها

أحط إيه وشاشة إيه دى الى هتنفجر؟!


فى اليوم المحدد أتى العريس أنيقا مهتما بنفسه بشكل ملحوظ وذو رائحة طيبة وفى أبهى صورة واستبشر الجميع خيرا إلا أنه كما تعلمون هناك سوء تفاهم رهيب!

فالأم تعرف أنه طالب فى كلية محترمة والأب يظنه صحفى مشهور! وعفاف مرعوبة من طريقة تعامل الوالدين مع العريس خاصة والدها كما أن المفاجأة غير المتوقعة أن العريس جاء بمفرده!

ترى ماذا يحدث؟


رن جرس الشقة مرة واحدة فأسرعت عفاف لفتح الباب ولكن والدها أوقفها وأخبرها أن تلزم غرفتها حتى ينادى عليها ثم فتح هو الباب ليجد شابا وسيما أنيقا ذو رائحة طيبة وإبتسامة هادئة وبيده كيس موز!!!


استبشر حلاوة العنتبلى خيرا ودعاه للدخول ولكنه أخذ ينظر وراءه فى تعجب لعدم وجود أحد معه فأغلق الباب خلفه فى عنف وتغيرت ملامح وجهه وهو يقول !


أهلا!


حاتم: أهلا بيك يا عمى


العنتبلى: خير يابنى؟!


حاتم(فى قلق): هى الآنسة عفاف ما قالتلقوش إنى جاى؟!


العنتبلى: لا قالتلنا 0000بس ماقالتلناش إنك سيادتك هتشرّف لوحدك!


حاتم: لا ياعمى منا مش جاى لوحدى أنا معايا كيس موز!


العنتبلى: لا يا شيخ!000 كيس موز!


الأم: ياما جاب الغراب لأمه!


حاتم: طيب يا عمى ندخل فى المفيد!


العنتبلى: ندخل فى المفيد!000إنت متأكد إنك جاى تدخل فى المفيد؟!


حاتم: أكيد يا عمى إمال أنا جاى ليه؟!


العنتبلى: وإن شاء الله هندخل فى المفيد بطولك كدة؟!00000من غير والدك ولا والدتك ولا عمك ولا خالك ولا أى حد!


حاتم: لا لا يا عمى ماهو انتوا هتشوفوهم فى الفرح إن شاء الله


وقف العنتبلى مرة واحدة صارخا


نعم يا خويا؟!!! 000فى الفرح؟!


حاتم: اتفضل بس يا عمى وأنا أفهمك على كل حاجة


العنتبلى: أدينا اتفضلنا أهو 0000000نعم؟!


أنا ياعمى اسمى حاتم وعندى 22 سنة و3 أشهر و5 أيام و4ساعات ونصف!!!!


الأم(بحدة): جرا إيه يابنى إنت؟! 0000كان زمانك إتجوزت وخلفت كمان!


العنتبلى: استنى بس يا أم عفاف إما نشوف أخرتها!


حاتم: أنا يا عمى عندى شقة واسعة والحمد لله وجاهزة عالفرش


العنتبلى: الى بعده!


حاتم: وجاى أطلب إيد الآنسة عفاف000طبعا أنا عارف إنكم مستغربين إنى جيت لوحدى


العنتبلى: الله ينور عليك هو دة بقى المفيد! فين الحاج والحاجة؟!


حاتم: بصراحة كدة ياعمى الحاج والحاجة مش مقنتعين بحكاية جوازى من النت دى


العنتبلى: نعم يا حبيبى؟!0000هو مين الى من النت إنت ولا إحنا؟!


حاتم: إحنا الإثنين يا عمى!


العنتبلى: يابنى انت هتلخبطنى ليه بقى؟!0000أنا جزار مش صحفى!


حاتم: وفيها إيه يا عمى طيب ما أنا طالب مش صحفى!


العنتبلى(صارخا): مش صحفى؟!!0000وكمان طالب!!!!


الأم: إمال إنت فاكر إيه يا حاج ماهو طالب فى البتاعة دى الى بيشتغلوا فيها على الكبورر!


العنتبلى: خشى يا ولية نادى على عفاف!


أتت عفاف بسرعة ووالدها يرمقها بغضب بينما ابتسم حاتم وهو يقول


أهلا يا آنسة عفاف


عفاف: أهلا بيك يا أستاذ حاتم!


العنتبلى: اقعدى يا عفاف شوفى المصيبة دى!!!!


عفاف: مصيبة إيه بس يا بابا كفا الله الشر


العنتبلى: البيه بيقولى إنه طالب!


عفاف: أيوة يا بابا ماهو طالب فى هندسة الحاسبات فى آخر سنة


العنتبلى: نعم ياختى؟! 0000أنا كنت فاكره صحفى


حاتم: صحفى؟!000بس أنا عمرى ماكنت صحفى ولا هكون!


عفاف: استنى بس يا حاتم لو سمحت يظهر إن فى سوء تفاهم وفاكرينك صحفى عشان أنا قلتلهم إنك بتكتب فى المنتديات


ثم إلتفتت إلى والدها وهى تقول


يا بابا الأستاذ حاتم بيكتب عالنت مش فى الصحافة! وكتاباته مميزة جدا


العنتبلى: منا عارف إنه بيكتب فى الجرنال وبعدين يدخل الجرنال فى الشاشة عشان الناس تشوفه عالنت0000انتوا فاكرينى جاهل ولا إيه؟!


حاتم: لا ياعمى العفو!



عفاف: يابابا فى جرنال فى الدنيا بيدخل فى الشاشة؟!000مين الى قالك كدة؟!


العنتبلى: واحد صاحبى متعلم ومتنور ومعاه تالتة إبتدائى!000قالى إن الأخبار الى بتشوفوها عالنت عبارة عن جرايد بيدخلوها من فتحات الشاشة الى ورا!!!


عفاف: تالتة إبتدائى؟!000يا بابا الكلام دة غلط ومافيش جرايد بتدخل من الشاشة ولا حاجة000بالنسبة للأخبار دى عبارة عن كلام مطبوع عالنت


العنتبلى: شوفى يا بنتى إنتى وهو 0000لو فضلتم سنة تتكلموا عن النت دة مش هفهم برضه! المهم دلوقتى بسلامته والدك مش موافق ليه؟!


إحنا مش قد المقام ولا يعنى ما نشبهشى؟!


حاتم: لا ياعمى العفو دة شرف ليهم إنهم يناسبوا حضرتك وطنط!


الأم: طنط؟!!! 00000طنط مين يا ضنايا؟!!!!


عفاف: اهدى يا ماما 000هو يقصد إنه يحترمك مش أكتر!


حاتم: أيوة طبعا زى ما قالت عفاف كدة بالضبط


الأم: بس معلشى يابنى لا طنط ولا مدموذيل قولى يا حاجّة أحسن!


حاتم: حاضر يا حاجّة!


العنتبلى: طيب لما هو شرف ليهم مش موافقين ليه؟!


عفاف: هو يقصد يا بابا إنهم مش موافقين على الطريقة نفسها000يعنى الزواج عن طريق النت


العنتبلى: طب ليه يا بنتى مش دة جواز على سنة الله ورسوله؟


حاتم: أكيد يا عمى بس تقول إيه بقى ربنا يهديهم!


العنتبلى: طب ممكن تقولى بقى إزاى عجبتك بنتى من غير ما تشوفها 000يعنى إنت أصلا جاى بناءا على إيه؟!


نظر حاتم إلى عفاف وهو يقول


حاتم:عجبتنى مشاركاتها يا عمى !000مواضيعها وردودها


قابلتها أول مرة فى موضوع عن السجاير! كلامها لفت نظرى ولقيتها مرة واحدة مشاركة فى موضوع ليا عن الكورة وأقنعتنى بكلامها إن الكورة دى للفاضيين ومش ممكن واحد مسلم يشعر بإخوانه فى العراق وفلسطين يقعد يكتب موضوع عن الكورة ويشجع الأهلى!


العنتبلى: اخص عليكى يا عفاف ! خلتيه يشجع الزمالك بدل الأهلى؟!


حاتم: لا ياعمى هى خليتنى أسيب الكورة نهائى وأشجع الوحدة الإسلامية!000بعد ما إقتنعت بكلامها طلبت من الموديراتور إنه يقفل الموضوع!


و000


قاطعه العنتبلى: طلبت من مين يا خويا؟!


حاتم: الموديراتور!


العنتبلى: ويطلع إيه الموتور دة كمان ؟!!!!


عفاف: يقصد المشرف يا بابا 0000يعنى الى بينظّم المكان


العنتبلى : طيب!


حاتم: المهم000بدأت أعجب بيها وأتابع مشاركاتها ومشيت وراها فى كل موضوع تروحه! خرجت من ساحة الشباب للمنتدى السياسى خرجت وراها لقيتها شاركت فى موضوع عن بوش وشارون شاركت معاها وشكرتها على مشاركتها ونسيت أشكر صاحب الموضوع الأصلى! رغم انها أصلا كانت داخلة تشكره فشكلى كان نيلة ساعتها! ولقيتها سابت السياسة وراحت لروضة الأخوات فى موضوع تعارف وأنا كنت ماشى وراها كالمسحور فشاركت بعد مشاركتها على طول رغم إن الموضوع للأخوات فقط ومأخذتش بالى إلا لما المشرف وقفنى! وعلى ما سجلت بإسم جديد مؤقتا لقيتها فى المنتدى العام بتشارك فى موضوع للنكت فقلت فرصة أكتبلها نكتتين يضحكوها قبل ما تشارك هى وفعلا كتبت نكت جامدة قوى وقلت أكيد هتضحك لقيتها كاتبة عتاب طويل عريض لصاحب الموضوع إن النكت دى ما يصحش تتقال فى منتدى إسلامى وبتنصحه إنه يشيل الموضوع ويراجع نيته!!!


لقيتها دخلت موضوع شمس وقمر قلت أهو فرصة نلعب سوا! فدخلت قلت شمس قبل ما هى تقول قمر واستنيتها كتير تقول قمر بدون فايدة فقلت لنفسى معقولة دة كله بتكتب ثلاث حروف؟! ولا يمكن بترسملهم القمر ذات نفسه !


المهم بعد 5 دقائق لقيتها رازعة صاحب الموضوع كلمتين عن المشاركات الهادفة والجد ومراعاة ظروف المسلمين المعتقلين والمعذبين والمقتولين لغاية ما نفسى غمت عليا! فسحبت كلمة شمس وكتبت بدالها تحيا الوحدة الإسلامية!


وقلت البنت دى لازم تبقى من نصيبى لأنها إيجابية جدا ومحترمة جدا فطلبت إيميلها من المشرف قالى ممنوع! حاولت أقنعه وقلتله ياعم يرضيك يرضيك مافيش فايدة!!!


طبعا الأب والأم قاعدين مسبهلين ومش فاهمين أى حاجة ويستمعون لحاتم ويؤئمون برؤوسهم كأنهم يفهمون! ولكن عفاف كانت تبتسم وقالت


إمال عرفت إيميلى إزاى؟!


حاتم: قدرا! 000لقيتك كاتباه لواحدة صحبتك فأخذته على طول!


الأب: إحنا إن شاء الله مش هنخلص النهاردة؟!


حاتم: أنا آسف يا عمى 0000حضرتك موافق طبعا؟!


الأم: يوافق على إيه يا جدع إنت هو سلق بيض!


الأب: انت عاوزنى أوافق على إيه هو انت قلت حاجة أوافق عليها؟!


حاتم: طبعا ياعمى على عرضى للزواج من كريمتكم عفاف!


الأب: انت فاكر اننا هنقبلك كدة بطولك؟!00000من غير ما والدك ووالدتك يوافقوا و نتفاهم عالتفاصيل!


حاتم: وفيها إيه ياعمى بس هو مش أنا الى هتجوز ولا هما؟!


الأب(وقد فاض به الكيل): اسمع ياد إنت! 000بقى أنا صابر عليك من الصبح وإنت عمّال تحكيلى قصة حياتك كأنك صلاح الدين! وبعدين عمّال تقولى كنت بجرى ورا البت عالنت من موضوع لموضوع لغاية ما قطعت نفسى وجت اتقدمتلها!


نيجى بقى للمفيد 000إذا كنت فاكر إنك هتضحك علينا بالخمسة كيلو موز دول فأنت غلطان دة أنا ممكن أزحلقك بيهم دلوقتى !!!00000لو عاوز تخطب عفاف فعلا هاتلى أبوك وأمك عشان نتفاهم غير كدة قضيها مواضيع عالنت أحسلك!!!


أما عفاف فأهى قاعدة معانا أهى بتاكل وبتشرب ولو ما نفعتشى فى الجواز ممكن ندبحها عالعيد مافيش أى مشاكل!!!!!!!!!!!!!!!!!


عفاف: يا بابا بس 0000


قاطعها العنتبلى


اخرسى يا بت إنتى وخشى جوة!


حاتم: ماهو ياعمى أنا كنت ناوى


قاطعه العنتبلى بدوره 000


ناوى إيه بقى؟!0000بقالك نص ساعة ناوى ؟!000 على ما تعمل حاجة هيكون اليوم خلص


أنا خلصت الى عندى روح شاور أهلك والمرة الجاية لو فيه يعنى هاتهم معاك !



حاتم: طب يا عمى ممكن00000


قاطعه العنتبلى مرة أخرى


بقولك إيه؟! فى جاموسة هنروح ندبحها كمان شوية لو أخرتنى ممكن أ00000!!!!


حاتم(مذعورا): لا يا عمى على إيه00000سلام عليكم!


العنتبلى: وعليكم السلام يا سى طالب أفندى!

قال عريس من النت قال!!!
شوية شوية تجيبيلى عريس من الإنترنت!!!!!

^____^

[همسات مسلمة]

http://www12.0zz0.com/2012/10/05/00/592532701.png (http://www.monms.com/vb)


" الدنيا مسألة حسابية "
خذى من اليوم عبرة
ومن الغد خبرة
اطرحى عليهم التعب والشقاء
واجمعى عليهم الحب والوفاء
" وتوكلى على رب الأرض والسماء "
http://files.maas1.com/images_cache/120512151524sG59.gif
http://files.maas1.com/images_cache/120512151524sG59.gif
http://files.maas1.com/images_cache/120512151524sG59.gif
دمتن فى حفظ الرحمن أخواتى الغاليات
ووفقنا الله وإياكن إلى ما يحب ويرضى
إنه ولى ذلك ومولاه.

[شذى الحور]

وعليگم السلاآم ورحمة الله وبرگاته ..

ماشاآء الله ^^ موضوع قمة في الروووعة
اختي الغآلية همساآت ..

لا عليگ .. صحيح انه طويل لگنه جميل جداآ .. و
انصح الجميع بقراءته .. >> خصوصآ عريس اون لاآين
دا تحفه ^^

باآرگ الله فيگ .. ووفقگ ربي لما يحبه ويرضاآه ...
بورگتي وبورگت جهودگ ..

[همسات مسلمة]

أهلا بشذى الغالية
وفيكـِ بارك الله غاليتى
نورتى بمرورك وسعيدة لأن الموضوع أعجبكـ
جزاكِ الله عنى كل خير ووفقكِ لكل خير.

[نومـا]

~*~*~*~*~

السلام عليكم
هلا بالأخت همسات
أووووووووووووه موضوع رائع جدا
حقيقة مفيد لكل حواء أما عريس اون لاين
حتخليكي تضحكي من اليووم لبكرة
قصة جميلة فيها ابداااع في الأحداث
أحلى شيء اللهجة المصرية كانت تحفة بقووة
بتمنى تكمليها لو في قسم القصص
يعطيكي ألف عااافية همساات نور الله عليكي

~*~*~*~*~

[ÑĨĉó TäsнĭĠĨ]

و عليكم السلام و رحمة الله و بركاته
ماشاء الله عليك اختي العزيزه همسات ..!
موضوع جدا رائع و جميل
استمتعت كثيرا بقرائته
عن جد مفيد و مميز
بارك الله فيك ..تم تقييم الموضوع 5 نجوم
و لم استطع تقييمك بسبب السمعات ><"
و في النهايه اقول ..
الله لا يحرمنا منك و من مواضيعك القمه في الروعه مثلك
بالتوفيق لك يا رب ...~

[اللؤلؤة الوردية]

لي عودة بإذن الله ..
^^

[همسات مسلمة]

http://files.maas1.com/images_cache/120512151524sG59.gif (http://www.monms.com/vb)

~*~*~*~*~



السلام عليكم
هلا بالأخت همسات
أووووووووووووه موضوع رائع جدا
حقيقة مفيد لكل حواء أما عريس اون لاين
حتخليكي تضحكي من اليووم لبكرة
قصة جميلة فيها ابداااع في الأحداث
أحلى شيء اللهجة المصرية كانت تحفة بقووة
بتمنى تكمليها لو في قسم القصص
يعطيكي ألف عااافية همساات نور الله عليكي

~*~*~*~*~

وعليكم السلام ورحمة الله وبركاته
جـــزاكِ الله خيرا نومـــا وباركـ فيكِ
أضحكـ الله سنكـ دائما
القصة لستُ أنا من كتبها لقد قرأتها من فترة
واحتفظت بها إذا وجدت اسم الكاتب سأضعه بإذن الله.
نورتـــــى بمرورك الغالـــــى نــومـا.

http://files.maas1.com/images_cache/120512151524sG59.gif (http://www.monms.com/vb)

و عليكم السلام و رحمة الله و بركاته
ماشاء الله عليك اختي العزيزه همسات ..!
موضوع جدا رائع و جميل
استمتعت كثيرا بقرائته
عن جد مفيد و مميز
بارك الله فيك ..تم تقييم الموضوع 5 نجوم
و لم استطع تقييمك بسبب السمعات ><"
و في النهايه اقول ..
الله لا يحرمنا منك و من مواضيعك القمه في الروعه مثلك
بالتوفيق لك يا رب ...~


وفيكِ بارك الله نيكو وجزاكِ كل خير
نورتى أختى ،مرورك الرائع يكفينى
لا حرمنى الله هذا المرورك العطر.


http://files.maas1.com/images_cache/120512151524sG59.gif (http://www.monms.com/vb)

لي عودة بإذن الله ..
^^




بانتظار عــــودتكـ لؤلؤتنا الغالية.

[اللؤلؤة الوردية]

ما شاء الله ابدعتي في الطرح هموسة والله استمتعت جدا
واستفدت كثير اما عريس اون لاين هههه خليهم يستاهلوا قالوا نت
بس والله القصة روعة كان ودي اعرف رجع حاتم مرة ثانية او لا
تسلمي ياغالية يعطيكِ الف عافية واصلي طرحك
بانتظااااره بشووووق
موفقه ..

[نبراس..]

شكرا اختي
سلسلة مفيدة جدا واكثر شيئ اعجبني قصة عريس اون لاين
الله يهدي ابوها وامها
ههههههههههه

[Lelouch]

و عليكم السلام ورحمة الله وبركاته ..
كيفك خيتو ؟ ان شاء الله بخير ..

تسلمي تسملي يا رب ..
جدا جددااا جدااا افادتني هذه الحلقة..
بارك الله فيك يا غالية ..
مو عارفة ايش اقلك .. بجد جدا ابدعتي في طرحك ..
و النصائ عن العطر جدا افادتني .. جزاك الله خيرا ..
الله يبارك فيك .. و اكيد انتظر الحلقة القدامة بفارغ الصبر
و اما قصة العريس ههههههههه فجداا حلوة ..
شكراا جزيلاا لكِ ..
الى الاماام دوما يا رب ..

حفظك الله و رعاكِ..~

[اسير الصمت]

و عليكم السلام و رحمة الله و بركاته
طرح جميل و فقرات منوعه
نصائح مفيده لكل حواء
و القصه جميله جدا و اللغه المصريه محليه القصه
شكرا لك

[همسات مسلمة]

ما شاء الله ابدعتي في الطرح هموسة والله استمتعت جدا

واستفدت كثير اما عريس اون لاين هههه خليهم يستاهلوا قالوا نت
بس والله القصة روعة كان ودي اعرف رجع حاتم مرة ثانية او لا
تسلمي ياغالية يعطيكِ الف عافية واصلي طرحك
بانتظااااره بشووووق

موفقه ..


^_^ ما أظن إنه رجع أكيد نفد بجلده
الله يسلمكـ من كل سوء لؤلؤتنا الغالية
وفقكى الله لكل خير.



شكرا اختي
سلسلة مفيدة جدا واكثر شيئ اعجبني قصة عريس اون لاين
الله يهدي ابوها وامها
ههههههههههه



أهلين ساكورا ...ربى يبارك فيكى
الله يهديها هى كمان
نورتى بمرورك أختى.

[همسات مسلمة]

و عليكم السلام ورحمة الله وبركاته ..
كيفك خيتو ؟ ان شاء الله بخير ..

تسلمي تسملي يا رب ..
جدا جددااا جدااا افادتني هذه الحلقة..
بارك الله فيك يا غالية ..
مو عارفة ايش اقلك .. بجد جدا ابدعتي في طرحك ..
و النصائ عن العطر جدا افادتني .. جزاك الله خيرا ..
الله يبارك فيك .. و اكيد انتظر الحلقة القدامة بفارغ الصبر
و اما قصة العريس ههههههههه فجداا حلوة ..
شكراا جزيلاا لكِ ..
الى الاماام دوما يا رب ..

حفظك الله و رعاكِ..~

نوووووورتى حبيبتى فى الله ،ربى يبارك فيكى
ويجازيكى عنى كل خير
أضحكـ الله سنكـ دائماً،وفقكى الله


و عليكم السلام و رحمة الله و بركاته
طرح جميل و فقرات منوعه
نصائح مفيده لكل حواء
و القصه جميله جدا و اللغه المصريه محليه القصه
شكرا لك


باركـ الله فيكى أسير الصمت
لا حرمنى الله مرورك غاليتى
رفع الله قـــــدركـ ووفقك لكل خير.