مدونتي طاال عمرك $$ للهذره والحش

[" جآلكسي "]

السلام عليكم ورحمة الله وبركاتهـ

كيف الحال ؟؟ انشاء الله كله تماام ..؟؟
اخيرا سويت مدونه ما بغيت لي كم يوم وانا اقول بسوي مدونه بسوي مدونه بس كنت متعجزه
المهم بعرفكم عن نفسي :::

اسمي : جوري

من السعوديه الرياض بالتحديد

عمري 14 سنه وانشاء الله داخلين عالخمس طعشات >> لي اكثر من خمس شهور وانا اقول هالجمله هع

انا بثالث متوسط وأعد الايام عد لين ما اصير بأول ثنوي لأن احنا بمدرسه مجمع ابتدائي متوسط ثانوي
ومديرتنا الجنيه تكككره المتوسط خاصتا ثالث وثاني تقول فترة الهبال والله ما مهبول غيرها
وقاعده لنا نشبه هم يروحون رحله والمتوسط لا هم يطلبون من مطعم والمتوسط لا هم مدري وش فيهم والمتوسط لاااااا وحتى الاببلات ماهم احسن منها



طيب بقولكم اشياء عني :D
احب شي اسمه لعب اعشق الالعاب وداايم لازقه بالمنتدى الترفيهي عصبيه شوي لكن بسرعه اطفي
ما اجي بالغصب اكره ما علي ان احد يغصبني على شي يعني انا ما عندي عقل اتصرف فييه ..؟!
واحب السن كولا كثير الحجم الكبير طبعا الصغير ما يسوي شي والحمضيات بعد واحب البطاطس بكل وضعياتها مسلوقه مهروسه مقليه كرسبي مشويه بالايدام المهم بطاااطاا
احبب الهذره كثير واكره لابتوبي كثيير واحب ايبادي كثيير
واحب المهاوشات والمطاقات وبكل هواش تلقوني فازعه هع



طيب باخذ بريك وشوي نكمل هذره اووك ؟؟
بررب:bye1:

[" جآلكسي "]

بااك
خلوني احش شويتين ما تحلى السوالف بدونه استغفر الله ياربي لا تأخذني بس شسوي الحش بكل خليه بجسمي
المهم
انا يا طويلين العمر شلتي من سبع بنات وانا الراس المدبر اللي هو راس البلا وفيه وحده بفصلنا عقلها قد الفصفص هاذا ان وجد
وهي تكرهنا حييل مدري ليش ودايم تسبنا وتحش فينا وتحاول تفرق بينا بس ما عليكم انا عارفه لها داايم اتهاوش معها
واتذكر مره تهاوشنا بقووه وبضراوه وقمنا ندف اول شي هي تقولي يالغبيه يالمدري وش مسويه حالك شاطره بحصة الانقلش
وانا ارد والله ما غيرك غبيه شوفي نفسك بعدين تكلمي كأنك دقاقه مضيعه بيتها وبعدين وش علي شاطره مو مثلك ما افلح غير بالاكل يالدووبا .... وزدنا مناقر وجت دفتني بشويش قلت والله ما اسكت ودفيتها بقووه دخلتها الحمام - وانتم بالكرامه -
وسحبت المفتاح وقفلت الباب وكنت بمشي عنها بس طلعت بوجههي العفريته ابلتنا وقالت بصوتها الاجش ويين رايحه يا جوري قلت منب رايحه وكنت خاايفه لانها ضخخمه مرره لو تدبجني ارووح فيها وقالت وش قاعده تسوين ؟؟ قلت الباب قفل على ( اللي ما تتسمى ) وانا اساعدها بس ماني قادره اطلعها << يسعد البراءه قالت طيب بنادي الفراشات يطلعونها روحي فصلك ورحت وشوي جت ذيك الخبله الفصل وتشمق بوجههي وتقز فيني مدري شلون وبعد الحصه رحت لها وقلت هييه انتي علمتي علي ؟؟ قالت لاا قلت لوا قالت يلوي حنونكك وقمنا مهاوشه من جديد ومن يومها واحنا ما نطيق بعض ..وتوته توته خلصت الحدوته

[" جآلكسي "]

يا ناس فيه وحده بالمسن عندي قااهرتني هي وتوبيكاتها الغبيه مره كاتبه انا اكسر خشم اللي ما ينكسر بالله هذي جمله الناس تقول كلام زين وهي بس شاطره تكسر خشووم ولما تشوفني داخله تسجل دخول وتسجل خروج ودخول وخروج
تبغاني انتبه انها دخلت واكلمها ويوم اسولف معها ما نكمل كلمتين غير وهي تقول معليش جوووريي على قولتها بطني تعوورني بطلع انام والله لو اني تييس اعرف انها تهايط علي وانا مسويه لها بلوك من زماااااان

[" جآلكسي "]

ذي الصوره كلما شفتها افطس ضحك مدري ليش هههههههههه
يارب يكفخها ههههه
احس اللي سواها انسان فااضي بمعنى الكلمه

[" جآلكسي "]

بحط لكم صور تعجبني جبتها من النت

https://byfiles.storage.live.com/y1poMB-tQ9cSJhkigjeuf-ccCn1aqZUZoWEz-uSX1yEw9_AuwQ-wrblLTWGUVozU4ZvDdMUkyPpN8w_GR2Du4OAKg/%D8%A7%D9%88%D8%B1%D9%8A%D9%88.jpg?psid=1

حلوه هالصوره تشهي ^__^

https://byfiles.storage.live.com/y1pV0dRLcf2eEkM7Rbj60eMLW89DpnBOuqqQTQPgvuhbvBl60I ztuYfvY67hv9nZxTmKiae12T4azaDRRfCJvL89A/990.png?psid=1

مدري ليش احب هالصوره ..

https://byfiles.storage.live.com/y1ptYjnbYEFEeBHy4g7WmsMU5IZaFz4hg_XCiSYeH6HD6dreoe XrHnvDRweqCyTpYf-znzO_W15GOY8KWlKT3_PCg/5408.png?psid=1

هذي الصوره جميييييييييله مرره نعومه وكيوت بحطها بالمسن ^^

https://byfiles.storage.live.com/y1plK6i1C5Fzg_m895YZIlXTAxk9zGO5dhYT3s5xAHX3IobORf YII_LHlhXjKO7JRjGx68LIuNCDjbxp28i5M3P0A/876.png?psid=1

احح جعت ...

https://byfiles.storage.live.com/y1pDWg2V0GHnZQiG9qrX757B2lITCzlKnsh8zwmciEYJyj4Zrf FMTfl5RZ2DJWaFbqR_VsKp51tlavVYGr7veHfCw/12968293982.jpg?psid=1

هالولد تووووووحفه ..

https://byfiles.storage.live.com/y1pUkcfu2_p0MAgUnXlPSG3O-rm8izNdWWNOa-rRjvhUHZoQh6Ssduzggd9RPhVRuhzXVg7EZYEDpqr6W2xhpivC Q/974.jpg?psid=1

ابيي ذي الفوشيه اللي بالنص ..

https://byfiles.storage.live.com/y1p-CQXeDAk0pP5bM3DxhEO0S_BgFlEaMliw-OcJsvwM-iPEpve45xItFkXzGNwwca98zskdVT-waCejuyxbWd2QA/874.gif?psid=1

هذا كيووووووووووت مرره يزننوون يا دلبهم اهم شي الشوز الفوشي

http://vb.fll2.com/storeimg/img_1318266941_373.gif


هههههههه حلوه هالصوره يا حليلهم والله ذكروني بناس اعرفهم هع

وبثث اسرقوا لو تبون عادي << من زينها يعني

[" جآلكسي "]

صباح الخير يا دوودي ( دلع مدونتي ) صباح النور والسرور والحبور والورد والزهور والبخور والعطور
صباااحكم سكر

بقولكم شي لاحظته بالايام الاخيره ان الناس بدت تموت >> الله يسد نفسك عالصبح
لا والله من جد صديقاتي اكثرهم عندهم ناس ماتوا
طيب بقولكم صديقاتي كل وحده من مات عندها بس ما بقول اسماء صديقاتي بقول صفه فيهم
المهم
نعوومه قبل يومين اظن جت للمدرسه متضايقه ويوم سألناها وش فيك قامت تصيح وتقول عمتي ماتت
وعمتها كانت مريضه بس نسيت وش مرضها الله يرحمها

وصدقتي ام كشه تقول ان جدتها ماتت والمشكله ولااا همها تضحك وتنكتت حسيت ودي امعط كشتها

وصديقتي كريهه ماتت خالتها قبل شهر تقريبا وسببت لنا ازمه بالمسن خرعتنا نحسب وحده من فصلنا ماتت المهم الله يرحم خالتها هي بعد كانت مريضه مدري بايش

وصديقتي نذله امس تكلمني بالمسن وتقول ان وحده تقرب لهم ماتت وهي رايحه للجامعه مع اخوها واخوها بالمستشفى اما هي ماتت الله يرحمها

وصديقتي مدمنه بيبي كاتبه بالمسن الله يرحمه ويغفر له وسألتها من هو اللي مات لسى ما ردت علي

وصديقتي على نياتها اظن يوم الثلاثاء غابت ويوم جت الاربعاء قلنا لها ليش غبتي قالت عمي مات عاد يا حياتي عنده اولاد وبنات كثير ولسى صغار الله يحفظهم ويعين امهم ويرحم ابوهم

وبس واذا مات احد ثاني لا سمح الله بقولكم ادري نكدت عليكم بس والله شكل القيامه قربت بدين واصير مطوعه

الله يرحم كل موتى المسلمين ويغفر لهم

[" جآلكسي "]

عزيزي القارئ اصبر شوي بروح افطر وارجع اهذر على راسك اووك ..؟؟
برررب

[" جآلكسي "]

بااك
الحمدلله كلييت >> على قولت بنت خالتي

قسسم مقهووره خسااره كتبت لكم سالفه خطيره صارت معاي بالمدرسه بس يوم جيت ابي اضيف الرد ضغت على المدونه اللي تحتي بدال ما اضغط على اضف رد سريع قهههر عاد متعجزه اكتبه مره ثانيه مرره طوييييييل اللي يبيني اكتبه يقولي

[" جآلكسي "]

الناس الحلوين اللي حطوا لي شكر
انا اللي اشكركم والله حسستوني ان احد قاعد يقرا ماني قاعده اكتب لنفسي
وشجعتوني اكمل مدونتي كنت ناويه احذفها واسوي مدونه ثانيه ازين من ذي

[" جآلكسي "]

اففف ليش في شي اسمه مذاكره ؟ ليش فيه دراسه ؟ ليش فيه اختبارات ؟
اووك المدرسه مهمه ما قلنا شي بس ليش ما تكون الدراسه بالمدرسه بسس
ليش سموها مدرسه دامنا راح نرجع لبيوتنا وندرس ونذاكر ونحل واجبات
ما يصير كذا والله دراسه بالمدرسه ودراسه بالبيت ..؟!!! ليش بتطلعونا عباقره وعلماء مثلا ..؟!
قصيده من تخريفي :

سحقا للدراسه تبا للواجبات وقطيعه تقطع ابلاتنا الغبيات
ندرس ونقرا ونكتب ونسوي ونجيب ونحط لين ما تجينا امراض وجلطات
يعني بيطلعونا دكاتره وعباقره وعالمات ..؟!
حياتنا صارت درس درس درس مااااات
وبالمدرسه نلقى مجانين ومختلين ومختلف الحالات
ليش ما يخلونا نستانس اكل ولعب ونت وطلعات ؟؟
تبا تبا تبا للواجبات وسحقا للاختبارات



خلاص روقت كنت معصبه الحين لا
ترا انا اللي خرفت شبه القصيده اللي قبل شوي هع

[" جآلكسي "]

بررب خواطر جت ان شاء الله حلقه زينه
للي يبي يشوفها تراها على ام بي سي ١

[" جآلكسي "]

باااگ
خلصت خواطر والله حلقه خطيره عن سجن مدري وين اسمه مدري وش بس حسيته منتجع مب سجن
عندهم مكتبه وسوبر ماركت وحديقه ومكان فيه العاب الكترونيه ومطعم وكثييييير كثييير
اتمنى ادخل هالسجن وكلما طلعوني اسوي جريمه وادخله

[" جآلكسي "]

بقولكم هوايه من هواياتي وهي اني اروح للسوبر ماركت لكن مو عشان اشتري عشان اصدم الناس بالعربيه واسوي حالي ما شفتهم واذا كان الانسان اللي صدمته ضخم اقول اوه اسفه ما شفتك ولو كان صغنون اطنشه وادور غيره اصقعه
ومره لما كنت بصف اول متوسط لقيت بنت طولي قلت والله لا اصدمها جيت من وراها وصقعتها بالعربيه بشويش ما حست وصقعتها مره ثانيه بقوه لفت وقالت هييه ما تشوفين قلت لا عميا ومشيت ادور احد اصدمه شوي واحس احد صدمني بقوه لفيت لقيتها قلت وجع قالت يوجعك ورحت صدمتها وهي تصدمني وقمنا نصدم بعض بقوه وبعدين جا السكيوروتي حق السوبر ماركت واخذ منا العربيات ومدري وش قعد يهذر قلت للبنت شفتي كيف اخذ عربيتي كله بسبتكي قالت اقول اسكتي بس وطنشتها ورحت لاهلي شوي تقولي بنت بنت قلت نعم وش تبين؟؟ قالت وش اسمك ؟قلت جوري وانتي ؟ قالت لي اسمها قالت عندك ايميل ؟ قلت وش رايك ؟ قالت عطيني ياه عطيتها ياه وعطتني ايميلها وصرنا نكلم بعض وطلعت قدي لما سألتها بالمسن والى الان واحنا صديقات يارب اقابلها بسوبر ماركت مره ثانيه
والحين صاروا اهلي ما يخلوني اروح معهم السوبر ماركت او اروح واخوي يمشي معاي وما يعطوني عربيه اففف خربوا هوايتي بدور لي غيرها ان شاء الله

[" جآلكسي "]

ياا ناس يا بشر متضاايقه حييل اخاف اختي يكون فيها شي وتقعد هي وامي بالمستشفى ثلاث ايام مثل المره اللي فاتت كنا الخميس وقلنا بنودي اختي اللي بصف خامس ابتدائي للمستشفى لانها دايم مصدعه وراسها يعورها المهم اهلي راحوا انا قعدت بالبيت مع اخواني شوي امي تتصل علي وتقولي احنا يمكن نطول اتغدي مع اخوانك لو تبون قلت لها ليش وش فيها اختي قالت ما فيها شي
وطولوا علينا وهم رايحين من الساعه ١١ الصبح ودخل الليل وهم ما جم انا قلقت واتصلت بامي ما ردت علي واخواني اتصلوا بعد ما ردت وشوي يجي ابوي ويقول هاتوا اغراض ( اختي ) وامي قلت ليش قال طلع اختك معها السكر ومرتفع عليها كثيير وانا خفت على اختي صح اني دايم اتهاوش معها بس مهما يكون اختي واتصلت بامي اخيرا ردت وصوتها كان متغيير كان يخوف كأنها تبي تصيح وقالت لي على الاغراض اللي يبونها وحطيتها بكيس ووداها ابوي وانا على اعصابي واخواني بعد اول مره اشوفهم معصبين ومتضايقين لهدرجه وقعدت يوم ويومين وثلاث واختي ما جت وباليوم الرابع الظهر جم الحمدلله واطمنت على اختي وزعلانه مني لأني ما جيتها بالمستشفى بس ما قدرت صعبه اجيهم بس زياره واروح يعني بموت من الصياح وما اخفي عليكم اني بكيت كثير لما كانوا بالمستشفى
والحين امي توها اتصلت علي وتقول السكر مرتفع مع اختك اتغدي مع اخوانك لو تبين وهم رايحين من الساعه ١١ الصبح وما جم لسى كأن الزمن قاعد يعيد نفسه يااارب ما يصير اللي صار اول وما يقعدون بالمستشفى ادعوا ربي يشفي اختي ويرجعها لي بالسلامه ><

[" جآلكسي "]

انا بطلع اشوف وش صار على اختي وعندي اختبارات السبت وحووسه لييين كشتي
مع السلامه اشوفكم على خير اشوفك على خير يا دوودي ( مدونتي )

[" جآلكسي "]

ابشركم كلمت امي وخليتها تعطيني اختي اكلمها ما فيها غير العافيه وهم جايين بالطريق الحمدلله يارب

عاد يله بطلع دخلت بس عشان ابشركم
مع السلامه

[" جآلكسي "]

ما اجمل الغياب عن المدرسه والله حاجه جمييله امس بالليل طقت براسي الا اغيب واروح عند امي واحاول معها وهي مرره مو راضيه وحاولت انزل دمعتين بعد مو راضيه واخيييرا بعد ما حاولت بشتى الطرق وافقت وانا مستانسه حييل ورحت انطنط عند اخواني وسألوني وش فيك مستانسه عساه مو دووم ..
وعلمتهم اني بغيب وشوي تجي اختي ال*** >> مشفر وتقول انها بتغيب معاي>_< ورحت عند امي واحاول معها تخلي اختي تداوم لكن تقول انها مزكمه وهي كذاابه ما فيها غير العافيه
ادري بتقولون اني مضخمه الامور لكن انتم ما تعرفون اختي ثرثاااااااره مرره اذا فتحت فمها ما تقفله سالفه ورا سالفه وليت سوالفها تسوى كلها تفاهة بزارين والله تقلب الرااس الله يعين زين انها لسا نايمه

[" جآلكسي "]

من جد توني انتبه ان الناس اكثرها مصلحجييه نفسي نفسي اعوذ بالله فيه وحده بمدرستي كنت انا وياها مرره صديقات وكانت كل يوم تتصل علي لكن مو عشان تتطمن علي عشان تبي تاخذ الواجبات ومو بس تاخذ الواجبات الا تاخذ حلها يعني انا اتعب واحل وهي تجيها الاجوبه عالبارد المستريح انا ما كان عندي مانع لاني كنت اقول حرام مسكينه مستواها الدراسي موب زين اساعدها وبعد كم اسبوع على هذي الحاله احسها بدت تطنشني بالمدرسه وتستحقرني وحتى كلام تحاول تصرفني وبالليل بكل قوة عين تتصل وتكون زي الفل ولا كأنها العفريته اللي بالمدرسه وكل يوم تتمادى اكثر حتى مره تخيلوا تقولي انتي شوفي ترى عندنا واجب علوم لا تنسين تحلينه وانتي اتصلي فيني والله رصيدي مخلص انا لما قالت كذا قلت لاا معليش يا عمري نبقى صديقات اوك اساعدك بالواجبات اوك لكن انقلك ياها وانتي بس تكتبين وانا افكر واحل لييش وش قالولك اشتغل عند اهلك انا ؟؟ خلاص ما عاد تتصلين فيني لأني ما برد عليك لو تموتين قدامي قالت احسن ومابي منك شي ومن هالكلام وقعدت بعدها تتصل فيني وانا ما ارد وخلاص
انقطعت ما صارت تتصل لاني ما ارد عليها وامس عشان عندنا اختبار علوم تتصل فيني وما ارد وتتصل وما ارد اخر شي خفت يكون فيها شي رديت اول شي اعتذرت لي بعدين قالت ابيك تقولين لي وش اختبار العلوم وملف العربي حقك اطبعي كل ورقه مرتين ابي نسخه ونقليني الواجبات قلت اقلبي وجهك وقفلت وخليتها تتصل وانا سااحبه عليها
ياارباه لأي درجه ممكن يكون الانسان وقح وبدون احساس

[" جآلكسي "]

احس النت صار جزئ من حياتي وما استغني عنه احل واجباتي عالنت اكلم صديقاتي عالنت ادخل مونمس عالنت وكل شي صار عليه قبل شوي انقطع النت والله حسيت نفسي بينقطع مقهوره ومتوتره وطفشاانه لما رجع الاتصال ما تشوفوني من الوناسه كأن واحد من عيالي نجح
الله لا يحرمني من النت ولا يحرم النت مني ياارب *_*

[" جآلكسي "]

سلام يا دودي سلام يا نااس
اليوم ابلة العلوم الخبله ما رضت تختبرني علوم لاني غبت امس وفاتني الاختبار
قعدت اترجاها واقول يااا ابلااا امانه الله يوفقك لو اختبرتيني الله يولدك بالسلامه لو اختبرتيني
وال**** مرره معيه مع اني جبت لها عذر من ولي الامر مدري شسمه وبعد ما حاولت فيها وعيت قلت خلاص ابله اجل بكره لو اتصلت امي او جت تشكيكي عند المديره لا تزعلين >> ادري حركات سخيفه بس ما ينفع معهم غير كذا وعاد حنا بمدرسه خاصه يعني تخاف على وظيفتها هووع
وقالت لا يا ثالث انا ما احب هالاسلوب حق الابتدائي انتم كبار وتعرفون تتعاملون معاي بدون امي وامك خلاص قولولي وانا اختبركم وسكتت شوي بعدين قالت يوم الاربعاء اختباركم ذاكروا زيين
ههه تستاهل ما يمشون غير بالعين الحمرا عشان ثاني مره ما تقول كلام مو قده

[" جآلكسي "]

احلى الاشياء بالدنياا :
- ابلة رياضيات غشاشه ومن جنبها
- صديقه هبلا خااقه عندك >> تحل لي الواجبات بدون ما اقولها ^_^
- يوم اجازه واهلك طالعين وانت عالنت وعندك تشووكلت >> اهم شي
- ان تكون ماسك سر على اختك او اخوك وتهدده بفضيحه اعلاميه >> يصيرون زي الفل
- انك تفتح التلفزيون وتلقى احلى شي عندك توه بادي
- انك تتروش الصبح وبعدين تتفرج عالتلفزيون وشعرك مبلول >> مدري ليش بس احسه ونااسه
- يووووووم الرواتب >> ما ابقي مول بالرياض ما اروح له بهاليوم

[" جآلكسي "]

شفتوا مدرسة البراعم اللي احترقت بجده >> اللي ما يدري يضف وجهه يقرا الخبر بعدين يرجع
تخيلوووا ان عمتي وبنتها اللي بثالث ابتدائي فيها ..!!
وتخيلوا انهم قبل الحريق بنص ساعه استأذنوا يعني طلعوا من الدرسه وما كان احد يعرف ان راح يصير حريق >> غير الله طبعا ^__^
وعاد انا احب عمتي هاذي وبناتها الحمدلله انه حفظهم وما صار لهم شي ><"

[" جآلكسي "]

طيب يا ناس يا حلوين انا بطلع الحين لأن ابلة العربي الغبيه ما بقت على قلبها واجبات الا وعطتنا ياها
مع السلااااووماااا

[" جآلكسي "]

سلام علييكم
وحشتني مدونتي من زمان ما دخلتها كلما جيت بدخل يطلع لي تنبيه وما اقدر اطنش التنبيهات >> فضوليه

الزكمه ذبحتني والله اللي يشوفني كل ساعه ونص رايحه للمستودع اخذ علبة فاين يقول اني ابيعه
حتى بالمدرسه حاطه عند طاولتي فاين ومحتكره سلة الزباله - وانتم بالكرامه -
انا بفهم بس الخلايا البيضاء والجهاز اللمفي مدري وش اسمه والخلايا البائيه والتائيه والبادئه ومدري وش
ويينهم وراهم ما يشتغلون ويطلعون الفيروس اللعين مني لانه طلع روحي ولا عشان الحمدلله من زمان ما مرضت اخذو راحتهم لا لا يا جمييلات خلصت الاجازه هزوا طولكم وطلعوا البكتيريا والفيروسات
الكريهه اللي بجسمي
^^^^^^^^^
قمت اهلوس
الحمدلله على كل حال وانا بعد مدلعه كلها زكمه سويت ازمه >> انفصام شخصيه *

[" جآلكسي "]

بنت خالتي غبيه مع احترامي انا اعتبرها اعز صديقاتي واحبها كثير وهي بعد تحبني >> واثقه
بس امس لما رحنا عند بيت خالتنا ما تكلمني ولا شي وتشمق بوجهي وكلما اناديها تطنش وللمعلوميه هي اكبر مني بسنه بس انا تفكيري اكبر من تفكيرها >> هم قالوا مب انا
المهم يوم رجعنا بيتنا اتصل فيها ما ترد ارسل لها رساله بالايميل وبالبي مسنجر بعد ما ترد قهرتني
نفسي اعرف وش فيها واليوم الصبح اتصلت على اختها الكبيره وقلت لها تعطيني اختها وقالت انها
ما تبي تكلمني >< والمشكله انا مدري وش فيها من زمان ما كلمتها وحشتني الكلبه >_<
اليوم اهلها بيجون بيتنا واتوقع انها ما راح تجي بس والله لا اصجها ارسل لها مسجات لين ما ترد >> نشبه

[" جآلكسي "]

يااربي من توقيعي قاعد يلعب معاي ثقيل الدم هم صورتين مره يشيل وحده مره يشيل الكلام مرره ما يطلع توقيع خير شر
افكر اشيله واصير بدون توقيع لكن مب حلو الرد بلا التوقيع ><" وهقه

[" جآلكسي "]

الله ..!!! ونااسه ..!! بااركوولي ..!! اشهدوا يا عالم بالخميس ١ ديسمبر ٢٠١١
صررت عضو فعاال ترقييت من رتبت نشيط لفعاال ^__^
عااد عقبال السوبر اصير سوبر ساكرا سوبر عضو ^__^

[" جآلكسي "]

عندي ثلاث نجوم عندي ثلاث ستارز لا لا لااا >> انهبلت
يلله بروح ادور مواضيع ارد عليها يمكن اترقى بعد وش يدريكم

[" جآلكسي "]

ياا ربااه صدااع صدااع لجووني اخواني ما يعرفون يسكتون افف
واحد يقول ثوبي وين اكووه بروح الاستراحه بالليل
وواحد يقول من الغبي اللي كب العصير بالدرج ؟؟
واختي تعلي صوت الاناشيد بطيور الجنه وتغني معهم
وامي تقولها وطي الصووت
وشغالتنا الغبيه تقول مادااام مافي بيييد >> بيض
وامي تقول لاخوي يروح يجيب بيض
وهو يرسل اخوي اللي اصغر منه
واللي اصغر منه يقول حنى ليش جبنا السواق ؟ عشان يتبطح وياخذ راتب ارسلوه هو انا مب فاضي لكم
واختي تطيح وتصييح وامي تسكتها واخوي يقولها انطمي والثاني يقوله طاحت يا حمار..
ااوووه لجججججوووني انا الوحيده اللي ساكته يااا لبى قلبي فديت صوتي اللي ما ينسمع *

[" جآلكسي "]

ههه اللغه الاندنوسيه تضحك شغالتنا قاعده تكلم اهلها وانا بقولكم وش تقل ::
ايه بيبي جاكرتا موسواتوه اه اناجتيني اه اها اشتغاليان بابا انتودو اتليا انئيئي ني جام كلولو
دمبومو موكو جا ؟؟ هنترتري جاجا هي ايه شكم شكملاه موماما تدرويا توسوباه له ام اها كو موتولوه جوبا اه نأه ياه شمالا اينو
^^^^^^
قسم ما فهمت ولا حرف وكله هاه اهاا هه يا كثر هرجهم *

[" جآلكسي "]

بقولكم سالفه صارت معاي يوم رحنا للثمامه انا كنت راكبه دباب وعاد ماشاء الله علي شاطره بالسواقه
شوي انتبه لبنت مب صغيره يعني شباب تصورني مع بنت خالتي واحنى نسوق بالدباب
قلت يمكن ما تصورنا وبعدنا عنها تحسبا للظروف وشوي تقرب منا وتقولي سوي حبتين ..!
قلت لها نعم ..!!؟؟ قالت باخذ لك فوتو تذكار >> مدري وش تحس به
قلت لا لا تصوريني لو سمحتي >> مؤدبه
وعاد هناك افصخ الحيا مرفعه العبايه ولابسه لثمه عشان اخذ راحتي ^_^>> طلعت الفضايح
وهي قالت لي اوك خلاص سوري قلت لها ماصار الا الخير
ومشينا وشوي تصوراخوي وهو يطعس قلت لاا هاذي ناويه على هوااش
وجمعت الشله ورحت لها قلت لو سمحتي كم مره اقولك لا تصورين صوري نفسك اخوانك
خلي خلق الله بحالهم قالت لييش ؟؟ انا ما صورتك حتى شوفي وتوريني الكميرا قلت بس ذا الولد
اخوي قالت والله ؟؟ قلت قسم قالت ما كنت اعرف بس عادي يعني ولد موب بنت
قلت لااه *؟؟ احلفي ..؟! ادري ولد بس حتى لو ما يبيك تصورينه قالت نا مو عشان شي بس انا احب الفوتو شوب والصور اللي اصورها اسويها بالفوتو وانشرها بالنت >> تبغى تكحلها عمتها
قلت ياا سلاام >> قامت تردح
لا يا عمري صوري نفسكواهلك اما تجين وتصورين الناس وتنشرين الصوره بالنت حرام عليك
قالت خلاص ما عاد اصورك ولا اصور احد اصلا من زينك
قلت عل أقل ازين منك طامسه عيونك بالكحل
ومشيت ولا صورت احد بعدها والله كان ودي اكر كميرتها على راسها قليلة الحيا

[" جآلكسي "]

من زماااان الزمااان وقديم العصر والاواان ما دخلت مدونتي الجميله

عاد انا اليوم شبه محششه وعاد قلت اقولكم قصه من تخريفي

كان فيه رجال عمره ١٢ سنه كان يلعب كوره من عيال الحاره
وشاتوا الكوره على عينه وانتفخت يده >> سلطعون على غفله
المهم راح للدكتور وحط له فيفادول على جبهته وقاله تقدر تمشي يا سلمان ؟؟
قال محمد ايه اقدر وراح بيته وهو بالكرسي المتحرك وهو بالطريق للبيت شاف بسه او قطة او قطوه
او كات او بس المهم الشي اللي يقول مااااء ورقبته طوييله وله خرطوم ويسبح بالبحر
وكانت وحيده بالشارع تنهق القطه تبي تاكل بس ما عندها حليب
عاد هو شفق عليها وكسرت خاطره قام اخذها معه لبيته
وطاحت مروى وكفخت صديقتها سلمى وعلمت عليها امها
المهم يوم رجع محمد بالبسه للبيت حطلها اكل كلاب عشان تاكل
واكلت وتسممت لانها طلعت بقره مب كلب
المهم دفنوها وصلوا عليها ومدري وش وعطوها شكولاته نوتيلا
بعديين محمد عطش ويبي يشرب شي بس البقاله مقفله وش يسوي ؟؟
راح اشترى بسكوت لانه عطشان بس كان بارد حيل والجو ما يساعد
حطه بالمكرويف وانفجر المكرويف وصار حريق
ومات احمد والدكتور وعيال الحاره وسلمى ومروى
بس البسه ما ماتت لانها عندنا سبع اروااح وتوته توته خلصت الحدوته حلوه ولا مدري وش ؟؟

[" جآلكسي "]

يا نااس فيه مسلسل اسمه علمني كيف انساك يجي على ام بي سي ون
فيه حرمه تقهههررررررنننيييي اكثر من ابلة العنجليزي
هذيك الشقرا اللي طحشه وش كبرها وتقول ماما وبابا
اللي تحب خوي ابوها يا انها ترفع ضغطي بطرييقه
وشعرها مب اشقر اصفففر حتى بيج سكري مب اصفر
وعيونها مبيين انه عدساات دوبها لا تنطق تقول تراني عدسات ويعنني تبييعي من ربي
ولما جابت توأمين تصيح تقول مابيهم مابيهم خربوا حياتي وهي كلها على بعضها خرباانه
وتقول صرت قبيحه وفيه جرح ببتني ( في بطني ) وشلون يرووح ؟؟
قصدها الخياطه حقت هذا مدري وش اسمه اللي بالي بالكم
ويوم تصيح مثل الدباب اهؤؤ اهؤؤ اهؤؤ

اما الهام فضااله يا حبي لها يالحرمه محليه المسلسل حلوه وكشخه ومكياجها شي يسطل
وتمثيلها والله خطير

اما الشايب المتصابي اللي معها وتحبه ذا لو اتكلم فيه ما اخلص

واغنية النهايه تعجبني مدري ليش ( علمني كييف انساك يا قطعه من قلبي علمتني اهوااك يا روحي ويا حبي الحب
تضيحيه .. الخ )

وخلصت انتقاداتي على ذا المسلسل
يووه بدى صدى الملاعب اكره هالبرنامج >> بديينا من جدييد

[" جآلكسي "]

هههههههههه نكتة الموووسم
فيه وحده هذي اللي قلت لكم عليها اكرهها وتكرهني ودايم نتخانق
تدرون وش كاتبه بالمسن اقصد توبيك ؟؟
( ج ) اتمنى حبك لي يكون صادق ،، عاد هي حطت بس حرف الجيم زي كذا
سألوها من ( ج ) هذي ؟؟
قالت جوري يعني انا هههههههههههههه
والله فقعت من الضحك يوم درييت
وش تحس ذي ؟؟ كل يوم نتهاوش ونتناقر وما نطيق بعض وتكتب ذا الكلام
ليتني احبها او ادانيها عشان اصير صادقه
وحطيت لها تعلق على توبيكها ( اييه كثري منها ما بقى غير انا احبك ،، انتي فيه احد كفخك على راسك وانهبلتي ؟؟)
عاد بشوف وش بترد واقولكم
افكر احط حرفها واكتب مثلها اخلي صديقاتي ينجنوون ما يدرون وش فينا هههه

[" جآلكسي "]

بقول لكم سالفه قصيييره

كان فييه ارنب مشى مشى مشى طاح بعدين قام ومشى مشى مشى طاح وبعدين قام ومشى مشى مشى مات وبس >> ليش دايم قصصي تنتهي بالمووت ؟؟>> لأنها نهاية كل انساان

[" جآلكسي "]

بحط لكم صور البحر انا صورتها لما رحنا البحر التصوير خايس لأن الكميرا خربت من المويا بالبحر فصورت بالايباد وتعرفون تصويره حووسه المهم شوي احط الصور الحين متعجزه ادور الايباد
//// ادري الكلام حوسه وداخل على بعض بس اللاب انجن صار ما ينزل انتر

[" جآلكسي "]

انت مو انت وانت جيعان سنكرز لا توقف بررب باكل وارجع

[" جآلكسي "]

اففف مقهوره ومتضايقه صديقتي العزيزه بتكمل دراسه براا السعوديه وما عندي احد اقرب منها والله راح اشتااااااااق لها اول شي ما صدقتها لما قالتلي قلت تهايط بس لما قالت لي الاسباب ومدري ويش وقامت تصيح باذني صدقتها وشاركتها الصيااح والله قههههههههههههههههههههر اكره اهلها من جد يرفعون الضغط

[" جآلكسي "]

مع السلامه يا بشر يا عالم يا ناس يا دودي بعد ان شاء الله ادخل بكررا تصبحون على الخمييس ^_^

[" جآلكسي "]

صباح النور والسروور والعطور ومن هالكلاام

ماشاءالله علي صاحيه من بدري اليوم مع اني نمت متأأأخر
السبت عندي اختبار علووم اففف وعاد تدرون الماده ثقيله ويبيلها مذاكره
شكلي راح اذاكرها اليوم افتك >> اجلدوني اذا فتحت الشنطه بس
البيت حلو والناس نايمه هدووء ما تسمع نفس غير الشايب الثرثار هذا اللي بالتلفزيون قلب راسي

[" جآلكسي "]

انا عندي صديقه مرره عزيزه علي بجده ومن زمان ما تصلت فيها واشتقت لها كثير
بس اخوها ذبحني دااايم يرد على التلفون هو ووجهه وهي جوالها احول ما احب اتصل عليه
وكلما تقول لاخوها ما يرديرجع الغبي ويرد عقد حيااتي
والحين تقولي انه حفظ رقم بيتنا كلما جت تبي تتصل فيني تخليه يكتب الرقم لها
واخاف اتصل بعدين يرد و عاد من زين صوته يخووف زي البعير بععع

[" جآلكسي "]

المنتدى موومييل بالصباح يعني الحين
ماافيه حركه غير انا مسويه ازعااج ملييت لحالي
المشكله فيه اعضاء داخلين بس مالهم حس مدري وين اختفوا
متى يدخلون الاعضاء اففففف نوامين ><"

[" جآلكسي "]

كلوولووش >> زغروته
الاعضاء دخلووواااا اخييرااا

[" جآلكسي "]

السلام
صباحكم / مسائكم فلل وجوري وسكر ينقط عسل

اليوم مدري وش فيني بس نعسانه بس تعبانه بس متضايقه ومكشره وماده البوز شبرين
امسك كتاب شوي اطشه واصرخ بصوت عالي >> لا تخافون اهلي طالعين
حاسه الدنيا شوي وتنتهي مدري ليش حاسه اني مابي اسوي شي بس ابي اجلس وما افكر بشي
مابي اضحك مابي استانس مابي اتكلم مابي اكل جاتني حاالة اكتئاب
تععبت نفسي لو ارجع عادي مثل اول هبلا بس مفغره فمي واضحك وانا مدري وش السالفه

شوي ويروح هالشعور ان شاء الله مع انه اول مره يجيني بس دامي دخلت مونمس اكييد بستانس

[" جآلكسي "]

كم انا عجاااااااازه ~__~

[" جآلكسي "]

صرت اكثر من هذا الشي (~__~ ) مدري ليش اصلا مدرس هو فرحان ولا زعلان
اظنه غير مبالاه او عناد او استهزاء مدري بس صايره اكثر منه ~__~

[" جآلكسي "]

مشتاااقه لنااس كثيييير والله قاعده اعدد اللي وحشوني تعبت

مشتاقه ل امي وابوي واخواني واختي
وخالاتي وعماتي وخوالي وعماني واجدادي واولادهم وبناتهم
وصديقاتي بالمدرسه
وزميلاتي بالمدرسه
وكلل اصدقائي بالمنتدى
ومشتاقه لخدامتناا
ومشتاقه لسواقنا
ولسيارتنا ولبيتنا
وللحرمه اللي شفتها بالسوق ولااا اعرفها
ومشتاقه للمطاعم والاسواق
ومشتاقه للبطاطس والسن كولا والحمضيات
واكثثثثر شي مشتاقه له ::
زماان
والله وحشني كثيير زماان كان دايم يضحكني ويونسني
بس رااح ومستحيل يرجع هالزماان

[" جآلكسي "]

بطلع بكرا وراي اختبار علووم افف وبعد كليتي توجعني مدري وش فيها
مع السلامه ياا ناااااااااااس وتراني مشتاقه لكم >> الله يرفع عني

[" جآلكسي "]

مساء الليل
وصباح النهار

بقولكم سالفه صارت معاي بالمدرسه اليوم كنت انا وصديقاتي طالعات للفسحه
واحنا ماشيين شفنا بنت بالثانوي تصيح ( تبكي ) والله كانت تحزن
وانا ما اعرفها زين لكن كنا نسولف احيانا لما كنا مع بعض بلجنة الطلبه مدري وش اسمها >> وعع
قلت لصديقاتي نروح نسألها وش فيها مو شفقه الا لقاافه زايده
ورحت سلمت عليها وضمتني فجأه حسيتها فاقده حنان هههه
وبعدين قلت وش فيك عسى ماشر وسويت حالي مره متعاطفه معها
قالت صديقتي تركتني ..
مافهمت شلون تركتها فسألتها تزاعلتوا يعني ؟؟
قالت لا لسى صديقات بس هي خلاص ما تبغاني
انا لسى مفهيه ما فهمت كيف لسى صديقات وما تبغاني
قالت هي لقت وحده تحبها اكثر مني
انا في هذه اللحظه استوعبت >> بدري
قلت لها وعععع وش يعني انتم تحبون بعض واعجاب ومدري وش >> وع طلعت لا اراديي
قالت انا كنت ولا زلت احبها بس هي ما ظنتي تبادلني الشعور
قلت احسسن الله لا يردها يا قليلات الحيا ترا كلكم بنات حرام الاعجاب ..... وكثرت هرج
انتم لو تشوفون عيونها شلون نطت من محلها يوم قمت اهزئها ههه قاعده تقول وش فيها هاذي
والله البنت طاحت من عيني وانا كنت احترمها طلعت ما تستحق غير ****

والله هاذي الظاهره اللي اعجاب وحب بين بنات غير انها حرام وعيب الا قرررف ياربي شلون الوحده ما تكره نفسها يوم تسوي هالحركات تجيك وحده مسترجله ووحده خكريه وقال يحبون بعض
الله يحمينا ويستر علينا بس

[" جآلكسي "]

سلام عليكم
كيفكم انا زييينه >> زينه ولا نحول ..؟! هاهاهاهااا>> ضحكة ايام الجاهليه
اليووم سوينا تدريب اخلاء بمدرستنا لو صار حريق او شي لا سمح الله
وانا كنت من فريق الانقااذ ^__^ والله ونااسه حسيتني جدعه رجااله والله اركض واناديهم ومدري وش
المهم انه كاان مرره ونااسه وعاد حنا ما صدقنا طلعونا من الفصول كملناها هرووب
وفيه بنات غبيات ودي اكسر روسهم يقولون لهم اخلاء يقولون ناخذ العبايه ..؟ ياربااه يال الحماقه

[" جآلكسي "]

اكررره اختي بشدده يممه منها فتاانه سووسه ما تصدق تشوفني على النت تركض للتلفون تعلم امي
وامي العزيزه لو بيدها تكسر النت على راسي والمشكله انها هي اللي اربع وعشرين ساعه على سبق >> مسببه لي عقده هالجرييده

[" جآلكسي "]

بووه عضو بالمنتدى ودي اشنقه واتوقع انه يعرف اللي هو ابو ظافر او بالأصح ابو دفتر
مايعلمني بشي كلما سألته عن شي يقول ( مااني قاايل او ما بقوول )  

[" جآلكسي "]

غرييبه وش ذول البزران اللي متجمعين بالشارع سمعت صريخهم فتحت الشباك ولا ما اشوف غير ذيك الروس متجمعين لهم على شي برسل اخوي يتفقد الوضع ويطرهم اجعزووني >> عجوز الحاره هع

[" جآلكسي "]

خبوول ما عندهم سالفه لا شافوا طراطيع تقل شايفين سفينه فضائيه والواحد ثقييل دم الطرطيعه جمببه مرره عند رجوله ولا يتحرك بس يقفل اذااانه يعني خايف على اذانك ومب خايف على رجولك ..!!
يارب الشرطه تطب علييهم >> نذذله

[" جآلكسي "]

تايويا يا تايويا وينك يا تووته ما عاد تدخلين
وش رايكم باغنيتي اللي خرفتها .؟
^^^^^^^^
اقول احمدوا ربكم ما سمعتوا اللي قبلها بس

[" جآلكسي "]

ياا ربيي طفشاانه ومافيه ولا تنبيه كل شوي اطلع من ذا المدونه واروح غيرها اشوف مجت تنبيهات وارجع
والله ملييت وعاد انا احبب التنبيهات

[" جآلكسي "]

اليوم ابو ظافر بيترك المنتدى ...
ومهوب راضي يقول وش السبب وهذا اللي بيجنني
ويلله وراه كل الاعضاء يتركون المنتدى اللي يبي يروح يقولي ><

[" جآلكسي "]

ما درييييييتا ..؟!
ابو ظافر صار له حادث مروري ما فيه شي بس اصابات بسيطه كسر برجله وبضلوعه :5b29cc88579aba96baf
هذا كلام اخته مو من راسي ما يشوف شر ان شاء الله
ادعووووووووواا له الله يوفقكم :tears: :cry:

[" جآلكسي "]

الاسبوع هذا كان متعب مررره كان معاي برد وفقدت سوائل ومدري وش ومعاي فقر دم
وحاااااله وعطوني من الابر وغززوني بها لين ما قلت بس ولا المغذياات اه ه ه من المغذيات
وكانوا يبون يرقدوني بالمستشفى وقلت لااا ابدا مستحيل قالوا غصبن عنك قمت اصييح وفتحت مناحه ومسويه ازعاج بالمستشفى ليين ما قالوا خلااص ما نبيك والمشكله اصيح بدون دموع ما فيني حيل << حشى تمساح مو بنت
ومدري لييماذاا منعوني من النت لكن ما اكون انا انا لو سمعت الكلام
وجدتي ما قصرت سوت لي من ذيك الخلطات اللي مدري من وين جاايبتها تخيلوا تحط لي شجر بالشاهي .!!
تحط غصن شجرة صغير وليمون وتقول اشربي ..!! والله التيس ما يشربه
بس مع ذالك سفيته وانا منطمه مالي رأي باللي اكله
المهم اني الحين الحمدلله صرت احسن والله يشفييييييييني

[" جآلكسي "]

امي تقولي نامي يا بنت بكرا وراك مذاكره ..!!
تبيني اذاكر الخميس اففف الله يقطع الاختبارات اقصد الانتحارات
مسببه لي ازمه وعاد بكرا كان عندي مخططات ابي كفر جديد للأي باد وابي اقابل صديقتي بالمطعم توها جايه من جده
وابي اشوف بنت خالتي وحشتني وابي اروح اجيب اكسسوارات من زمان ما اشتريت اكسسوارات
وبعد عمتي وبناتها توهم جايين من جده بسلم عليهم وحشوني
بس بكره كللللللللللللللللللله راح يروح بالنت والدراسه يا مااال العللله يالاختبارات

[" جآلكسي "]

حااسهـ بالذنب لقيت مدونتي ورااااااااااىىىى دليل اني من زمان ما دخلتها صدق المدونات مسؤؤليه << من غصبك تسوينها ؟

[" جآلكسي "]

اووه والله مدري وش احس احساس غريب مستانسه على خايفه على مستعجله مدري على وش
اول مره انهبل تسذا اظن الحراره صكت براسي وصرت اخرف
كل ما كتبت شي اقوم والف بالغرفه وابتسم لييه مدري والله شكلي انجنيييت ضارب فيوز مخي
ادعوا ان ربي يرجعني بعقلي وراي اختبارات مو وقت الانهباااال ..!!

[" جآلكسي "]

اييه عرفت ليه انهبلت .. لا لا معاي حق انهبل الله يزود من هالخباااااال ..^.^

[" جآلكسي "]

وااااععع كليت شي يزووع الكبد لقيته بالمطبخ اكلته ومدري وش هو >> اللي تشوفه تاكله
والله احسني بطلعه الله يستر لا يكون شي غير قابل للأكل او مخلص تارييخه ><"

[" جآلكسي "]

ما ذاكرت شي ولا خربشت للفنيه ولا سلمت على عمتي اللي راجعه من السفر كل اللي سويته نووم نت بس

[" جآلكسي "]

يالله ..!!! مدونتي ..!! مدونتي السقيمه ما غيرها ..؟؟! يا شيخه وينك وحشتيني من زمان عنك
من زمان ما دخلت كلله من الاختبارات اللي ما تخلص اذاكر هذا يطلع لي هذاك وش نلعب مع بعض حنا ..؟؟
ولا اذاكر كتاب ما اصدق اخلص اطلع ناقزه صفحتين >> ترى تسويها متعمده
والمشكله ايش اني بروحي بغرفتي اذاكر يا عيني علي
وامي طاقه عباتها وتفر الرياض كلها
ابوي بالمزرعه
اختي عند بنات خالتي
اخوي عالبيبي ماله حس كأنه صنم
وبعدين كل شوي تتصل وحده من صديقاتي تستهبل تزيد علي التحديد وانا يا قلبي علي على نياتي اصدقها واحفظ واذاكر
يعني تخيلوا بالليل كل البيت نايم ماعدا انا قاعده اذاكر بهالليل كأني جنيه والمشكله عندي التلفزيون وعندي اللاب توب والاأيباد واسوي حالي شاطره اذاكر
ما قول غير الله يعوضني عن هالتعب بفرحة المية ان شاء الله  
ادعولي الله يخليكم *..~~

[" جآلكسي "]

سؤال غبي
سؤال محرج
سؤال احمق
سؤال كريه
سؤال كوسشن خخخ
وش ختمتي مواد ،،؟؟ 
يا ربييه من هالسؤال اكرهه يا ناس ماله داعي خلاص وش دخلكم وش ختمت بتسمعون لي مثلا ..؟؟
يعني ليش الاحراج .. ما ختمت غير ماده وحده طيب ارتحتوا ..؟؟!! 
ولما اقولهم اني ختمت ماده وحده تشوف الحواجب تنطنط وشهقه ( هيييي..!!) ماده وحده بس ..!!
وجع لا تنخرعون ايه ماده وحده بس طويله وصعبه >>

[" جآلكسي "]

يممه بياكلوني اهلي بس عشاني قلت ابي اروح معكم
وش يعني عندي اختبارات .؟ انحشر يعني ما اطلع ما اتنفس امووت مثلا ..؟؟>> بسم الله علي
خلاص بطلت عفت الروحه من نظراتهم اللي يشهق واللي حواجبه طلعت من راسه واللي دوبه لا ياكلني
بس عشاني قلت ابي اطلع معكم
تبااً تبااً تبااً..

[" جآلكسي "]

يا زين صقيقتي تجنن عسل احبها بالله  >> خخخ

[" جآلكسي "]

يله نعدد صفات الحيوانات >> المشكله انها مو فاظيه
الكلب >> الوفاء ،، وحراسة المزارع هع
الحمار >> العنااد ،، والصوت المزعج والدلاله على الحماقه
الجمل >> الحقد ،، والبراطم المتدليه
الفأر >> صغر الحجم والقرف ،، والشهرة >> مين ما يعرف جيري اللي بتوم وجيري
القطه او البسه او القطوه او المياو او الكات >> تزنن ،، وتعدد الأسماء حسب اللهجه > سمينا
بنفسك خخ
القارض مدري الهامستر >> ولد عم الفار ،، وهمتارو
الخنزير >> القرف والأمراض والقبح والصوت المزعج >> اعصابك
الخروف حبيب القلب >> له اسمين خروف وبعه عند البزران والناس تاكله دايم وما يعيش بعد عيد الاضحى
خلاص عاد تعبت والحيوانات ماشاء الله ما تخلص*

[" جآلكسي "]

لااا عاد هذي الحرمه هبلا تستهبل
ابلة العلوم او خبلة العلوم هذي حددت لنا الاختبار قلييل مو قليل بس زين بالنسبه لماده ثقيله مثل العلوم
وخلاص سكتنا ما قلنا شي وحتى فيه اللي ذاكروه انا ما ذاكرته طبعا هع
المهم انها طنت براسها تزيده قالت يا بناات ترى اللي حددته بس ركزوا عليه لكن كل الكتاب معكم ..
طبعا اول ثانيتين مافي صوت نستوعب الموقف
بعدين قمنا عليها والله من القهرىجيت اصييح عاد كتاب العلوم شكبره حشى لو كتاب جامعه
المهم قالت ماالي شغل انتوا ما تستاهلون اقلل
والله اني دعيت عليها دعااوي تقوول عجوز ومسكت لها وحده
وما فكينيها وراها وراها ويا ابلااا والله كثيير
اخر شي قالت خلاص الله لا يعيدها من ساعه اللي زدت بها التحديد
خذوه زيما كان اول
والله يا اننا طرنا من الوناسه العلوم ماده قبيحه يعني والله تدووخ وكلها دشش
بس انا خايفه تستهبل وتجيب زياده عالتحديد والله تسويها النذله 

[" جآلكسي "]

اليووم اختبرت رياضيات ..><"
مدري حليت زين ولا لا
اصلا نسييت الاسئله والله مدري وش جانا ووش ما جاا
احسني دخلت بحالة غيبوبه باللجنه وما صحيت غير يوم طلعت
يااا رب ما يضيع لي تعب عاد انا سهرانه طول الليل ادرس
وصاحيه من الفجر اراجع
وان شاء الله ربي يفرحني بالدرجه الحلوه 

[" جآلكسي "]

سلااامن عليكم
اخباركم علومكم ¿ ان شااء الله كووله تمام
مابي اتكلم عن الاختبارات عاد انا بشد حيلي واللي يصير يصير واقولكم كم معدلي اذا خلصنا >> عشان درجاتي زي وجهي

اليوم وانا راجعه من المدرسه طبعا اعصابي تالفه من بعد الاختبار
لقيت السواق وقف تسذا فجأه قلت بكل رقه ونعومه ( قدووس وجع ان شاء الله لييه وقفت انا يبي رووه بيت )،>> فاهمه النعومه بالشقلووب
قالي انه بوه سيارات واقفه ومعطله الناس قلت حرام يمكن حادث ولا السياره خربت
وانتظر ولا هذول طولوا وانا اطل ولا ثنين شباب كل بروودة العالم متجمعه فيهم وبكل ثقه واقفين بنص الطريق يسلمون على بعض طيب يا اذكيااء اصفطوا على جنب واسردوا قصة حياتكم ولا حبكت بالنص
غسم بالله لولا الحيا لا انزل انفضهم كوول ابوهم >> قال يعني استحي خخخ
بس ما خليتهم رجيتهم رجهه اقول للسواق دق عليهم بوري بقووه بعد بعد دق لا توقف
وخليته يدق عليهم بوري ما عرفوا يتكلمون سويت لهم ربشه خخخ
المهم حسوا على دمهم بعد معاناات وانتظار طويل
وذلفوا وخروا عنا ومشينا وعشنا بسعاده وسلام وتوته توته خلصت الحدوته >> قلبت مصري

[" جآلكسي "]

مين يبي عصير سن كولا فيه ثلاث حبات اللي يسبق يسبق
بس ترى ما فيه مصاص خذتهم اختي مدري وش تسوي بهم اظن عمل فنيه

[" جآلكسي "]

فيه هندي مدري بنقالي قاعد يتكلم برا بالشارع قريب من شباك غرفتي
وعاد غرفتي علي شارع يعني انواع الازعااج وانا مب عارفه انام
من ذا الهندي يتكلم ويتكلم ويتكلم ويتكلم الى مالا نهايه انا مدري شلون ما يتعب
حتى يا ناس ما ياخذ نفس مثل الخلق قرقرقرقرقرقرقرقرقر حرف يلحق حرف
اعوووذ بالله منه مسوي ازعااج بدال ما يفلح ويكنس الشارع زين بس شاطر يهذر
ياارب طول بعمري وخلني اعيش اليوم اللي يسكت فيه هالرجاال

[" جآلكسي "]

ولا يزال الهندي يتكلم

[" جآلكسي "]

ويتكلم ويهذر ويهرج ويتحدث ويحكي و talk بلا توقف<< ياا مال السد يالهندي*

[" جآلكسي "]

ايه نسيت اقولكم الهندي سكت خخخ

[" جآلكسي "]

يا هو انا صايره عجازه بشكل..!
تخيلوا امس نمت واللمبه مفتوحه متعجزه اقوم اطفيها
وحتى تغطيت لركبي بس من العجز الزايد
وحتى تعجزت اهاوش اللي طفى علي النت اليوم الصبح قمت دعيت عليه وبس
وشوفت عينكم حتى من العجازه متكاسله ادور لي توقيع سنع قمت كتبت الحمد لله ههه

الله يعين بديت اشييب هع

[" جآلكسي "]

كلولولووووش خلصنا اختبارات اليوم وارتحنا الحمدلله  
الأربعااء بناخذ الشهايد ياارب اني جايبه درجه زينه
يارب اجيب ميه لثاني مره بحياتي عشان اقهر بوااس(( ابو التبويس ) 
هو يقول انه اشطر مني بس بنشوف ميين اللي راح يجيب ازين معدل>> ما يبغالها انا اشطر 

[" جآلكسي "]

يااربييه ملل قاااتل مبييد وفتااك >> حشى دعاية بف باف هع

والله من جد صحيح ما امزح احس اني بيطق جنبي من الطفش

ولا لسى ما كملنا خمس ساعات على بعضها من الاجازه وجاني هالملل شلون بعدين ؟؟ 

شكلي بروح اطلب صداقة كم عضو سنع لأني لو قعدت على هالحال بأنجللط 

[" جآلكسي "]

وه وه وه يا قلببييييييه
اقضبوني لا اطير ثمن ما تشوفون خشتي
مستاانسه مستاانسه حيل الفرح مقطعني
توني شفت نتيجتي بموقع مدري وش هو قالتلي عنه صديقتي
تخيلوا كم بس
والله نتيجه مو طبيعيه تخيلوا كم
مو ٧٠
ولا ٨٠
ولا ٩٠
ولا ٩٩
ميااااااااااا ١٠٠٪ كاامله ولا هلله ناقصه
الحمدلله يارب ماني مصدقه رجيت البيت كللله سويت ازعاج اغني وارقص وافتح اللمبات بهالليل
قمت اطق اخواني وابوسهم انهبلللت
وييينه حمد بس هو يتحداني اذا كنت اذكى منه او هو اذكى خلوه يجي اقوله عن انجازاتي بالحصول على الميه حلااال زلااال ولو يبيني اجيبله ١٠١ عادي ترى >> اقول انطقي بس
قولوا ماشاء الله لا ارجع انتكس
بررب ابي اسجد شكر واجاكر بنات خالاتي واخواني ماهو انا اللي جايبه ميه .؟! خخخخ
>>> مجنوونه رسمي

[" جآلكسي "]

سلام معكم انسه بومه

لا من جد انا صايره بومه انااام الليل كلله
ومن يوم يأذن المغرب افز بسم الله واقعد
صااحيه لثاني يوم الساعه ١٢ او ١١ بعدين اخمد 
بالله هذي حاله ؟؟ انا مخربه ابو نومي كأن الاجازه شهر
وهي كلها اسبوع ونرد للكرف والعذاب يعني لازم اعدل نومي وانا بنت رجال >> يعني غصبن عني 
مع اني والله احب اسهر واواصل لثاني يوم وناسه اتفرج التلفزيون ادخل مونمس
اكلم صديقاتي بالمسن اتفرج افلام اهذر مع بنات خالاتي بالجوال اطلع اتمغط واتمدد بالحوش بهالصبح
يعني والله وناسه هالأشياء بالفجر اكثر من بالليل مدري ليش
حتى انا الحمدلله ما اشتهي اسمع اغاني اما اذا سهرت تصحى جنوني اقوم اشغل وناسه وتنكس عاشوا عاشوا
لا والله ما يصير لازم اعدل نومي >> قبل المدارس بيوم خخخخ

[" جآلكسي "]

وراه حمد هذا ما يرد علي ..؟!

يمكن درا اني اخذت ميياا وما يبيني افشله خخخخخخخخ 

يله يله حرام نفشله نفوتها له ..

لا لا ماني مفوتتها نسيت انه تحداني 

برب ابي اروح اررججه لين ما يرد واقهره خخخخ

[" جآلكسي "]

سلاااااااام يا حلوييييين

عرفتوني ؟؟ انا صاحبة المدونته سكوورة ما غيري

بس قلنا نسوي لوك جديد خخخ

وش ازين ساكورا ولا جالكسي ؟؟

مرة انمي مرة تشوكلت المره الجايه وش تبون ؟ احط اليابان ؟ امزح امزح

بس والله انا ماعرفت نفسي

حتى لما ارسل لعضو رساله اقول من وين جت ذي الرساله انسى اني انا ذا الجالكسي

عاد والله اللي يجي يستهزئ يقول جالكسي ولا اي فون هاها
ولا يتميلح يقول جالكسي ولا تويكس لا كت كات والله لا اورييه شغله

وابي اشكر الجميله بنبوونا اقصد باين حبيبتي والله عطتني اسماء عشان انا كنت محتارة وبعد ميسو (ميساكي ) ما قصرت يعطييهم الف عافيه والله حبااايبي