حلى الماركه | حلى الماركه بالصور

المقادير

1- جالكسي ساده

2- شعيريه باكستانيه

3- أوريو

4- حليب نستله

5- قشطه

الكميه اللي سويناها كانت 27 كاس وحطينا 5 جالكسي & 5 باكيتات اوريو
& كيسة الشعيريره كامله ,, يعني تقررين كمية المقادير حسب العدد
اللي بتسوينه من الكاسات

اول شئ ناخذ الكاسات الصغيره الورق حقت القهوه
نذوب الجالكسي في حمام مائي ,, ونصبه في الكاسات (الكميه وسط مو كثيره ولا قليله)
ونحطها بالفريزر فتره بسيطه بس تجمد ,, عشان نحط الطبقه الثانيه نجيب الشعيريه ونكسرها
ونحمسها مع شوية زبده وبعدين نحط عليها نستله ونخلطهم مع بعض لين تتجانس ,,
بعدها نطلع الكاسات من الفريزر ونحط الشعيريه فيها (على الجالكسي)

نطحن الاوريو ونعجنه بقشطه (الكميه اللي تحتاجينها ) لين تشوفينها صارت زي العجينه
يعني تتشكل بيدك ما تتفتفت ,, ونحطه في الكاسات على طبقة الشعيريه ونحط الكاسات
في الثلاجه ,, واذا مستعجله عليها حطيها بالفريزر

ملاحظه :

اذا طلعتي الكاسات من الثلاجه على طول يطلع معك الحلى وابدا ماتعبني
وما احتجت اكسر الكاسات عشان تطلع ,, بس اضغطيها من تحت الا هي
طالعتلك وإذا كان كاسات بلاستيكـ اكسريها وراح تطلع معاك

وهذا شكل الحلى بكاسات البلاستيك " طلعت فيه علامة الجوده "

ايش رايكم فيه هذا من انتاجي " حلى الماركه " والله خبلوا عليه فكرووه حلى جاااهز

(وبالصحه والعافيه على قلوبكم)
منقول

حلى الماركه | حلى الماركه بالصور

-:مواضيع أخرى تفيدك:-

• حلى المارس | حلى المارس بالصور | طريقة حلى المارس بالصور
• طريقة عمل البسبوسة | طريقة عمل البسبوسة بالصور | طريقة سهلة لعمل البسبوسة بالصور
• المندي البيتي بالصور،طريقة عمل المندي البيتي بالصور
• حلويات و كيك منال العالم بالصور |حلويات منال العالم بالصور | كعكة الشطرنج