خياتى المدرسية
حسنا حياتى عامة لا تخلوا من المشاكل هنا وهناك
المشاكل بتلازمنى حتى فى المدرسة
فاحد زملاتى يفتعل المشاكل مع زملائه الاخرين وعى شخصيا ويدبسنى فيها
انا فى مدرسة اسمها جابر الانصارى (مدرسة نفيدة رغم برودها بناخد كل المواد فى اليوم)
ارجع البيت فى باص عامل زى ( علبة السردين الحجم الصغير) ارجع ماما تقوم مغديانى وانام وانا نايب بتمنى ان محدش يصحينى
بس ورايا واجبات مين الهيعملها غيرى
اصحى الساعة 6 او 6:30 اعمل الواجبات لحد 8 او 8:30 ازاكر اى مادة لحد الساعة 10 وانام واصحى لليوم التانى ونفس المشاكل والروتين
اول ما خلصت الامتحان زغرت وعملت فرح
وفى نفس الوقت زعلت جدا لانى بعشق الرياضيات كافة والجبر خاصة
ده قرب امتحان الجبر او الهندسة كل من هب ودب يصلح علاقته معايا لان اغلب الناس واخدة الرياضة حفظ × حفظ
انا تركيبة مخى العكس فهم × فهم اااه ايام جميلة
على النقيض تماما الانجليزى ( اكتر مادة بكرها جدا جدا جدا .... لحد يوم الدين) بكرهها لدرجة انها لو انسان كان زمانى واقف على حبل المشنقة
يى الانجليزى فى درجة كرههى ليه الدراسات الاجتماعية
بالنسبة للعربى انا مهتم بيه زى الرياضة لانه لغة الدين كما ان المدرس البيدينى مش بيعاملنى كا معلم و تلميذه لا كاخ واخاه الصغير
بسبب هذه المعاملة اغلب البيتعلموا تحت يده يطلعوا من الاوائل
هذا يكفى